მეინი კრძალავს ცხოველებზე ტესტირებული კოსმეტიკის გაყიდვას მაღალი ჯარიმების დაწესებით

• მეინი გახდა აშშ-ს მეექვსე შტატი, სადაც შემოიღეს კანონი, რომელიც მიზნად ისახავს ცხოველების „უაზრო ტანჯვის“ დასრულებას.
• ახალი კანონის დარღვევა გამოიწვევს ჯარიმას 5000 აშშ დოლარის ოდენობით
• კომპანიებისა და ბრენდების ჩვენს ჩამონათვალს, რომლებიც ცხოველებზე არ ატარებენ ტესტებს, მილიონობით მომხმარებელი იყენებს

მეინი კრძალავს ცხოველებზე კოსმეტიკური პროდუქციის ტესტირების ჩატარებას

ის პირები, რომლებიც აწარმოებენ, ყიდიან ან გვთავაზობენ პროდუქტებს, რომლებიც დამზადდა ცხოველებზე ტესტირების მეთოდით 1 ნოემბერს ან მის შემდგომ პერიოდში, დაჯარიმდებიან.

ახალი კანონის დარღვევა გამოიწვევს ჯარიმას 5000 აშშ დოლარის ოდენობით ტესტირებული კოსმეტიკური საშუალებების გაყიდვისთვის. იმ შემთხვევაში, თუკი კომპანია გააგრძელებს აკრძალული პროდუქციის გაყიდვას, ყოველდღე დაჯარიმდება დამატებით 1000 დოლარით.

„უაზრო ტანჯვა“

ქეით ჰანსბერი, მეინის არაკომერციული ორგანიზაცია ჰუმანური საზოგადოების დირექტორი, მიესალმა ამ აკრძალვას.

„ახლა მეინი შეუერთდა იმ შტატების მზარდ რიცხვს, რომლებიც ცდილობენ დაასრულონ ცხოველების უაზრო ტანჯვა ვინაიდან ისინი კოსმეტიკური საშუალებების ტესტირების მსხვერპლი ხდებიან“ – განაცხადა  ჰანსბერმა.

„დღეს უკვე არსებობს პროდუქციის შემოწმების მრავალი ახალი მეთოდი…. და ნამდვილად არ არის საჭირო უმწეო ცხოველების წამება პომადის ან ფერუმარილის გამო.“

”მადლობას ვუხდი წარმომადგენელ დუდერას ამ კანონპროექტის სპონსორობისთვის და გუბერნატორ მილსს ამ მნიშვნელოვანი ორპარტიული კანონმდებლობის ხელმოწერისთვის.“

სისასტიკეზე უარის მთქმელი ბრენდები

გასულ თვეში, TRESemmé გახდა თმის მოვლის საშუალებების მწარმოებელი გიგანტი, რომელმაც აკრძალა ცხოველებზე ტესტირება მსოფლიოში.

უფრო მეტიც, ვეგანურმა საქველმოქმედო ორგანიზაციამ PETA-მ ბრენდი შეიყვანა “სილამაზე კურდღლების გარეშე” სიაში. მონაცემთა ბაზა დაადასტურებს, რომ კომპანია არ ატარებს ცხოველებზე ტესტირებას და სერტიფიცირებას აძლევს, როგორც სისასტიკეზე უარის მთქმელ ბრენდს.

კომპანიებისა და ბრენდების ჩვენს ჩამონათვალს, რომლებიც ცხოველებზე არ ატარებენ ტესტებს, მილიონობით მომხმარებელი იყენებს. ის სანდო და აუცილებელია წყაროა პირადი ჰიგიენის საშუალებების შეძენისას და გვსურს თქვენც გამოიყენოთ იგი, ”- განაცხადა PETA-მ.

„პროდუქციის შეძენამდე…. ყოველთვის დარწმუნდით, რომ თქვენს მიერ შერჩეული პროდუქტების მწარმოებლები იმ 5,300-ზე მეტი კომპანიის ჩამონათვალშია, რომელიც ჩვენს „სილამაზე ბაჭიების გარეშე“ მონაცემთა საძიებო ბაზაშია განთავსებული.

თუმცა, TRESemmé– ს ზოგი პროდუქტი კვლავ შეიცავს ცხოველურ ინგრედიენტებს, როგორიცაა რძე, თაფლი, ლანოლინი და აბრეშუმი – რაც ნიშნავს, რომ ბრენდის ყველა შეთავაზება არ არის შესაფერისი ვეგანებისთვის.

სტატიაზე მუშაობდა : მაია ბურდული და სალომე აბუაშვილი

წყარო : plantbasednews.org