ინგლისში პოლიეთილენის პარკების ფასი გაიზრდება

ერთჯერადი პოლიეთილენის პარკების ღირებულება ინგლისის მაღაზიებში გაორმაგდა და 5 პენსის მაგივრად 10 პენსი გახდა.

ყველანაირი მაღაზიისთვის ეს ცვლილება 28 მაისიდან დაწესდება. აქამდე მცირე მარკეტებს არ ჰქონდათ ამის ვალდებულება. 5 პენსი, ეს ფასი ინგლისში 2015 წლიდან არის ძალაში და ამ დროის განმავლობაში პოლიეთილენის პარკების მოხმარება 95% ით შემცირდა.

“Friends of Earth”-ის ჯგუფის ინიცირებით მთავრობამ აღიარა, რომ პოლიეთილენის პარკები სხვა პლასტმასის ნივთებთან ერთად გარემოსათვის დიდ პრობლემას წარმოადგენს. ჯგუფი მიესალმება ცვლილებას თუმცა მაინც თვლიან, რომ ჯერ-ჯერობით კიდევ არის მნიშვნელოვანი ხარვეზები ამ მიმართულებით. ისინი ამბობენ, რომ გადასახადი ასევე უნდა გაიზარდოს გარკვეულ ქაღალდის პარკებზე, რომლებიც მრავალჯერადია, თუმცა შეიცავს დიდი რაოდენობით პლასტმასს, რაც ასევე მზარდი პრობლემაა. ჯგუფის წევრი, კამილა ცერი ამბობს – „როგორც ჩანს ქაღალდის პარკები, რომლებიც არის მრავალჯერადი, ხშირად მხოლოდ ერთხელ არის გამოყენებული. თუ მინისტრებს სურთ ამ პრობლემასთან ბრძოლა, მათ უფრო მკაცრი პოზიცია უნდა ჰქონდეთ“.

გარემოსდაცვითი დაჯგუფებების გაფრთხილება უკვე გაითვალისწინეს Morrisons და Co-op-ის სუპერმარკეტების ქსელებმა, რომლებმაც გააუქმეს ფასდაკლებები შესაბამის პარკებზე.

“Friends of Earth”-ში აცხადებენ, რომ მთავრობის გარემოს დაცვით გადასახადებს უნდა ჰქონდეს უფრო “იურიდიულად სავალდებულო სამიზნეები“, რათა აღკვეთოს არასაჭირო ერთჯერადი პლასტიკის პროდუქტები.

საშუალოდ ერთი ინგლისელი მოქალაქე ყიდულობს 4 ერთჯერადი მოხმარების ჩანთას წელიწადში, ხოლო 2014 წელს ეს რიცხვი 140-ს უდრიდა.  ამ გადასახადის ყველა მოვაჭრეზე გავრცელებით მთავრობა ელოდება, რომ საშუალო ზომის ბიზნესში პარკების მოხმარება 70-80%-ით შემცირდება.

გარემოს დაცვის მინისტრი, რებეკა პოუ აცხადებს: „ყველას სურს თავისი როლი ითამაშოს  გარემოს დაცვის ბრძოლაში. 5 პენსით პარკის საფასურის გაზრდა კი ძალიან წარმატებული იყო, მაგრამ ჩვენ უკეთესი შედეგის მიღწევაც შეგვიძლია.“

მან ასევე აღნიშნა, რომ ეს გადასახადი ინგლისში ამბიციურ ბრძოლას წაახალისებს. გაერთიანებული სამეფო იწყებს აქტიურ ბრძოლას პლასტმასის ნარჩენების წინააღმდეგ, “ეს ყველაფერი მეტი სიმწვანისთვის!’’

სტატიაზე მუშაობდა : შაკო ღლონტი და ნანუცა კიკნაძე

წყარო : www.bbc.com