პოლარული დათვების „უკანასკნელი თავშესაფარი“ დაუცველია გლობალური დათბობისგან

• ახალი კვლევა ადასტურებს, რომ ჩრდილოეთ ყინულოვანი ოკეანის ტერიტორია, რომელიც პოლარული დათვების ერთადერთი საცხოვრებელი ადგილია, სწრაფად ხდება სახიფათო კლიმატური ცვლილებების გამო.
• „ჩვენ, სამწუხაროდ, თითქმის არ გვაქვს არც ისტორიული, არც თანამედროვე კვლევა ამ ცოცხალ სამყაროზე და რეალობა ისაა, რომ დღესდღეობით უფრო ბევრი კითხვაა, ვიდრე პასუხი.“

ახალი კვლევა ადასტურებს, რომ ჩრდილოეთ ყინულოვანი ოკეანის ტერიტორია, რომელიც პოლარული დათვების ერთადერთი საცხოვრებელი ადგილია, სწრაფად ხდება სახიფათო კლიმატური ცვლილებების გამო. ამ კვლევის თანახმად, წინა ზაფხულს აქ დაფიქსირდა ყინულის დნობის რეკორდული მაჩვენებელი.

მკვლევრები ამბობენ, რომ კუნძულ გრენლანდიის ჩრდილოეთი ნაწილი არის „უკანასკნელი ყინულიანი ტერიტორია“. ჩვეულებრივ, აქ არის მუდმივი, სქელი ყინული, რომელიც წელიწადის არც ერთ თვეში არ დნება.

„კლიმატურ მოდელებს თუ გადავხედავთ, დავინახავთ, რომ ტერიტორიას აქვს ტენდენცია, რომ იყოს გაყინული ყველაზე დიდი ხნით,“ -ამბობს ვაშინგტონის უნივერსიტეტის პროფესორი, აქსელ შვაიგერი.

მეცნიერები მიიჩნევენ, რომ ზემოთხსენებული ადგილი იქნება მნიშვნელოვანი თავშესაფარი არქტიკული ძუძუმწოვრებისთვის, როგორებიცაა პოლარული დათვები, წყალმცენარეები და სხვა.

მკვლევრების უკანასკნელი მოგზაურობის შედეგად დადგინდა, რომ ძლიერმა ქარმა 2020 წელს ყინულის დიდი ნაწილი ამ ტერიტორიიდან გადააადგილა, რაც ნიშნავს იმას, რომ აქ ყინულის ფენა გათხელდა და საარსებო პირობების გაუარესდა. მეცნიერებმა აღნიშნეს, რომ ამ მოვლენის გამომწვევი მიზეზების 80% ამინდს უკავშირდება. ხოლო 20% – კლიმატურ ცვლილებებს.

ამ ცვლილებების გამო მეცნიერები ამბობენ, რომ საჭიროა კლიმატური მოდელების გადამუშავება, გადახედვა, რადგან ეს ყველაფერი საკმაოდ მოულოდნელი და გაუთვლელი იყო. ასევე შესასწავლია ყინულის ნაკლებობის გავლენა არქტიკულ ძუძუმწოვრებსა და ფლორისა თუ ფაუნის სხვა წარმომადგენლებზე.

„ჩვენ, სამწუხაროდ, თითქმის არ გვაქვს არც ისტორიული, არც თანამედროვე კვლევა ამ ცოცხალ სამყაროზე და რეალობა ისაა, რომ დღესდღეობით უფრო ბევრი კითხვაა, ვიდრე პასუხი.“

სტატიაზე მუშაობდა : დეა კუსიანი

წყარო : www.bbc.com