Nestle აპირებს გაზარდოს ეკო-ინვესტირება Nescafe-ს ყავის ბრენდში

(ბლუმბერგი) – Nestle SA აპირებს გაზარდოს ეკო-ინვესტირება მის ფლაგმანურ Nescafe ყავის ბრენდში, რადგან უფრო  და უფრო მეტ მომხმარებელს სურს იცოდეს საიდან მოდის ის საკვები და სასმელი, რასაც მოიხმარს.

საკვები პროდუქტების მწარმოებელი გიგანტი გეგმავს 700 მილიონზე მეტი შვეიცარიული ფრანკის (787 მილიონი აშშ დოლარი) ინვესტირებას ათწლიან პროგრამაში, რომელიც ითვალისწინებს მწარმოებლის პასუხისმგებლობის გაზრდას პროდუქციის მომწოდებლების მიმართ. ეს კი გულისხმობს 2025 წლისთვის ყავის მარცვლების მწარმოებელ ფერმერებთან პირდაპირი კონტაქტის დამყარებას და 2050 წლისთვის ნახშირბადის ემისიების ნულოვანი დონის მიღწევას.

კვების პროდუქტების და სასმელების მწარმოებელი კომპანიების მსგავსად, ყავის კომპანიებზეც არის ზეწოლა, რათა უფრო მეტად გამჭვირვალენი გახდნენ მათი პროდუქციის მომწოდებელი წყაროების შესახებ და გააძლიერონ ძალისხმევა კლიმატის ცვლილების წინააღმდეგ ბრძოლაში. არასამთავრობო ორგანიზაციების ბოლო დროინდელ მოხსენებაში „ყავის ბარომეტრი“ ნათქვამია, რომ ყავის ბევრ მსხვილ მოვაჭრე და მომხალავ კომპანიას არ შეაქვს სათანადო წვლილი გაეროს იმ მიზნების მისაღწევად, რომელიც ამ სექტორში გარემოს დაცვითი და სოციალური გამოწვევების გადაჭრას ემსახურება.

პროგრამა გულისხმობს „ჩვენი ძალისხმევის გაორმაგებას, სამ ძირითად პრიორიტეტზე: ფერმერების შემოსავლების გაუმჯობესება, ნახშირბადის ემისიების შემცირება და გადამუშავებად ან მრავალჯერადად გამოყენებად შეფუთვაზე გადასვლა”, – განაცხადა სასმელების სტრატეგიული ბიზნესის განყოფილების ხელმძღვანელმა ფილიპ ნავრატილმა. კომპანია კვლავ მუშაობს ზუსტი ინვესტიციების ოდენობის განსაზღვრაზე, თქვა მან.

Nestle-ე დაანონსებულ ინვესტიციებს შემდეგი მიმართულებებით გამოიყენებს:

• ფერმერთა ჯგუფებისათვის მარაგების მოკვლევის ნებართვა, რომლებიც აკმაყოფილებენ ტყეების გაჩეხვის და ადამიანის უფლებების გარკვეულ სტანდარტებს.
• უფრო მეტის გადახდა იმ მწარმოებლებისთვის, რომლებიც ეკოლოგიურად უძღვება ყავის მარცვლებს.
• ეკო-მეგობრული და ეთიკური სტანდარტების მონიტორინგი, მათ შორის მესამე მხარის აუდიტი კომპანიის მდგრადობის მაჩვენებლების დასადგენად.
• ნახშირბადის ემისიების შემცირება, როგორც ფერმერულ დონეზე, ასევე საკუთარი წარმოების პროცესშიც და 2025 წლისთვის გადამუშავებადი ან მრავალჯერადად გამოყენებადი შეფუთვის გამოყენება.

სტატიაზე მუშაობდა: მაია ბურდული და სალომე აბუაშვილი

წყარო : https://www.infobae.com/en/2021/01/21/nestle-to-double-sustainability-spending-at-nescafe-coffee-brand/?fbclid=IwAR27QGyk7cNNi4pt7_XMZt254zYmUB1n8HzO4NOswc5Cqmu19LNwdRipki0