PepsiCo გვპირდება, რომ 2040 წლისთვის იქნება ნახშირბად-ნეიტრალური კორპორაცია
PepsiCo-მ განაცხადა, რომ 2030 წლისთვის 40%-ით შეამცირებს სათბურის აირების გამოყოფას, ხოლო 2040 წელს ის ნულს გაუტოლდება, ზუსტად ათწლეულით ადრე, ვიდრე ეს პარიზის შეთანხმებით იყო გაწერილი, როგორც მოსალოდნელია, ეს ცვლილება თავიდან აგვაცილებს 26 მილიონამდე კუბური ტონა სათბურის აირების წარმოქმნას.
ამ მიზნის მისაღწევად PepsiCo აპირებს, რომ ძირითადი აქცენტი გაკეთდეს მდგრად სოფლის მეურნეობაზე ნაკლებად დამაბინძურებელი გამნაყოფიერებლებით, ზუსტი ტექნოლოგიებითა და აღდგენის ხელშემწყობი ინსტრუქციებით იმისათვის, რომ გაუმჯობესდეს ნიადაგის ნოყიერება და ბიომრავალფეროვნება. პროდუქციის დისტრიბუციის მაღალეფექტურობის პარალელურად PepsiCo აპირებს დაბინძურება შესაძლო მინიმუმამდე ან ნულამდე მიიყვანოს.
ასევე ,,დასაწყისიდანვე მდგრადობის“ პროგრამა ცდილობს, რომ უზრუნველყოს პროდუქტის ისეთი დიზაინი, რომელიც შეამსუბუქებს გარემოზე უარყოფით ზეგავლენას. როგორც უახლეს განცხადებაშია ნათქვამი, უნდა შემცირდეს პირველადი პლასტმასის გამოყენება და 2022 წლისთვის ევროპის 9 ბაზარი მთლიანად უნდა გადავიდეს გადამუშავებული პლასტმასის გამოყენებაზე.
,,ჩვენი პლანეტა გასაჭირშია, თუმცა არ არსებობს ვაქცინა კლიმატის ცვლილებისთვის“-განაცხადა სილვიუ პოპოვიჩმა, PepsiCo ევროპის მთავარმა აღმასრულებელმა ხელმძღვანელმა. ,,კომპანიის ახალი, კლიმატ-მეგობრული სტრატეგია გააორმაგებს იმ ძალისხმევას, რაც დაბინძურების შემცირებას ემსახურება. ეს ეხება როგორც ჩვენს მფლობელობაში არსებულ შვილობილ კომპანიებს, ასევე მომმარაგებლებს. მარტივად რომ ვთქვათ, თითოეული ჩვენგანის ვალია, რომ უფრო მეტი გავაკეთოთ ჩვენი პლანეტისთვის“.
მცირედი განმარტება იმის შესახებ, თუ რატომაა ნახშირბად-ნეიტრალურობა პროდუქტისა თუ ორგანიზაციისთვის აუცილებელი.
კომპანიების მიერ ნახშირბადის გამოყენება იყოფა 3 განსხვავებულ სფეროდ. პირველი სფერო ესაა საწვავი ტრანსპორტისათვის. ელექტროენერგია, რომელსაც კომპანია იყენებს, მიეკუთვნება მეორე სფეროს და ყველაფერი დანარჩენი ერთიანდება მესამე სფეროში, რაც აქცევს მას ყველაზე მნიშვნელოვნად. მესამე სფეროში ერთიანდება ისეთი კომპონენტები, როგორებიცაა დასაქმებულთა მოგზაურობა, პროდუქტის წარმოება და ყველა ტიპის ბიზნეს საქმიანობა. კომპანია აცხადებს, რომ 2019 წელს მისი სათბურის აირებით დაბინძურების 90%-ზე მეტი ამ კატეგორიიდანაა.
The climate choice-ის, წამოწყების, რომელიც ეხმარება და მოუწოდებს კომპანიებს იმოქმედონ კლიმატის სასარგებლოდ, დამფუძნებელმა ლარა ობსტმა განაცხადა:,, შესანიშნავია, რომ PepsiCo ძალისხმევას არ იშურებს CO2-ის შემცირებისთვის და აკეთებს ამას მეცნიერებაზე დაფუძნებული, კლიმატისთვის უსაფრთხო მიზნებით, მით უმეტეს მაშინ, როცა კვების მრეწველობის გლობალური სისტემა პასუხისმგებელია დაახლოებით 30% სათბურის აირების გამოყოფაზე“. ის ამატებს, რომ შემდეგ ნაბიჯებს დასჭირდება ზუსტი დაგეგმვა და აქტიური მოქმედებები, რადგან ნახშირორჟანგის შემცირება კლიმატური ცვლილებების წინააღმდეგ ბრძოლის ნაწილია, ამ პროცესში კი უამრავი მონაწილის ჩართულობა იქნება საჭირო. პირველ რიგში უნდა შეიქმნას სამოქმედო გეგმა, რომელიც თანამოაზრე კომპანიებს დაეხმარება გაიგონ, თუ როგორაა შესაძლებელი იმ მიზნების მიღწევა, რომლებისთვისაც ვიბრძვით.
2015 წლიდან დღემდე ევროპაში PepsiCo-მ საერთო დაბინძურება 6%-ით შეამცირა.
სტატიაზე მუშაობდა : ლაზარე დალბაშვილი და ნინი თოიძე
Hi my loved one! I want to say that this post is awesome, nice written and include approximately all significant infos. I’d like to peer extra posts like this .
Fantastic beat ! I wish to apprentice at the same time as you amend your web site, how can i subscribe for a weblog web site? The account helped me a acceptable deal. I were tiny bit acquainted of this your broadcast provided vivid transparent concept