Google, YouTube აპირებენ აკრძალონ კლიმატის შესახებ გავრცელებული დეზინფორმაციის მონეტიზაცია

• ციფრული უფლებების დამცველები ძალიან გაახარა იმ ანგარიშის გამოქვეყნებამ, რომლის თანახმადაც Google-ი და მისი YouTube ვიდეო პლატფორმა კლიმატის შესახებ გავრცელებული დეზინფორმაციის მონეტიზაციას აკრძალავენ.
• Google-ში რეკლამის განმათავსებლებს და გამომცემლებს და YouTube-ის შემქმნელებს ამიერიდან აეკრძალებათ ყველანაირი შემოსავლის მიღება იმ რეკლამებიდან.
• “რეკლამის განმათავსებლებს უბრალოდ არ სურთ, რომ მათი რეკლამა გამოჩნდეს ამ შინაარსის კონტენტის გვერდით, ხოლო გამომცემლებს და შემქმნელებს არ სურთ, რომ ასეთი ტიპის რეკლამები გამოჩნდეს მათ გვერდებზე ან ვიდეოებზე”.
• სხვა სოციალური მედიის პლატფორმებიც არა ნაკლებ არიან ჩართულნი კლიმატის შესახებ დეზინფორმაციის გავრცელების საქმეში.

ციფრული უფლებების დამცველები ძალიან გაახარა იმ ანგარიშის გამოქვეყნებამ, რომლის თანახმადაც Google-ი და მისი YouTube ვიდეო პლატფორმა კლიმატის შესახებ გავრცელებული დეზინფორმაციის მონეტიზაციას აკრძალავენ.

Google-ში რეკლამის განმათავსებლებს და გამომცემლებს და YouTube-ის შემქმნელებს ამიერიდან აეკრძალებათ ყველანაირი შემოსავლის მიღება იმ რეკლამებიდან, რომლებიც ეწინააღმდეგება “მიღებულ და დამკვიდრებულ სამეცნიერო კონსენსუსს კლიმატის ცვლილების არსებობისა და მიზეზების შესახებ”, – ნათქვამია კომპანიის ოფიციალური პირების ერთობლივ განცხადებაში, რომელიც Axios-მა გამოაქვეყნა.

„ეს აკრძალვა შეეხება ისეთი შინაარსის კონტენტს, რომელიც კლიმატის ცვლილებას სიცრუეს და თაღლითობას უწოდებს, რომლებიც უარყოფენ გლობალური დათბობის აშკარა, გრძელვადიან ტენდენციებს და ასევე, იმ ფაქტებს, რომ სათბურის გაზების ემისიები ან ადამიანის საქმიანობა ხელს უწყობს კლიმატის ცვლილებას”,-განმარტებულია განცხადებაში.

“რეკლამის განმათავსებლებს უბრალოდ არ სურთ, რომ მათი რეკლამა გამოჩნდეს ამ შინაარსის კონტენტის გვერდით, ხოლო გამომცემლებს და შემქმნელებს არ სურთ, რომ ასეთი ტიპის რეკლამები გამოჩნდეს მათ გვერდებზე ან ვიდეოებზე”, – ნათქვამია განცხადებაში.

გასულ წელს, ადვოკატირების ჯგუფის Avaaz-ის კვლევამ აჩვენა, რომ YouTube-ის ეგრეთ წოდებული რეკომენდაციის ალგორითმი „მილიონობით ადამიანს აიძულებდა ენახა კლიმატის შესახებ დეზინფორმაციის შემცველი ვიდეოები“  და რომ კომპანია მსგავსი შინაარსის კონტენტის წახალისებას ახდენდა მონეტიზაციის პროგრამის საშუალებით.

„მსოფლიოს ზოგიერთმა უმსხვილესმა, საყოფაცხოვრებო პროდუქტების მწარმოებელმა ბრენდმა, მათ შორის Samsung-მა, L’Oréal-მა, Warner Bros-მა, Carrefour-მა და Danone-მა, ასევე მსოფლიოს ორმა უმსხვილესმა გარემოს დაცვითმა ჯგუფმა, Greenpeace International- მა და World Wildlife Fund-მა, გაუშვეს რეკლამები კლიმატის შესახებ დეზინფორმაციის შემცველი ვიდეოების საპროტესტოდ,“ განაცხადა Avaaz-მა.

სხვა სოციალური მედიის პლატფორმებიც არა ნაკლებ არიან ჩართულნი კლიმატის შესახებ დეზინფორმაციის გავრცელების საქმეში. გასულ თვეს, Common Dreams-ი იტყობინებოდა, რომ გარემოსდაცვით ჯგუფის Friends of the Earth-ის კვლევამ აღმოაჩინა, რომ  Facebook-ი კლიმატის შესახებ დეზინფორმაციის 99%-ს უკონტროლოდ ტოვებს. 2020 წლის Influence Map-ის კვლევამ აჩვენა, რომ გასული წლის პირველ ექვს თვეში აშშ-ში სულ მცირე რვა მილიონმა ადამიანმა ნახა Facebook-ის 51 რეკლამა, რომელიც შეიცავს ცრუ ინფორმაციას კლიმატის შესახებ.

Google-მა ამ ნაბიჯის შესახებ, რომ მოახდენს კლიმატის შესახებ დეზინფორმაციის გამავრცელებლების მოგების შეზღუდვას, საზოგადოებას მას შემდეგ აცნობა, რაც YouTube– მა გამოაცხადა, რომ დახურავდა რამდენიმე ცნობილი პიროვნების ანგარიშს მათი ანტი-ვაქსერული შეხედულებების გამო.

„ასეთ გავლენიან პლატფორმებზე არ უნდა იყოს ადგილი, სადაც მეცნიერების დისკრედიტაცია მოხდება, იქნება ეს კლიმატი, კოვიდი თუ სხვა რამ,“ განაცხადა ვაჰიდ რაზავიმ, ციფრული უფლებების ჯგუფის დამფუძნებელმა Ethics in Tech-მა Common Dreams– თან საუბრისას. ”ცრუ-მორწმუნეებს შეუძლიათ იპოვონ სხვა ადგილი ტყუილის გასავრცელებლად.”

სტატიაზე მუშაობდა : მაია ბურდული და სალომე აბუაშვილი

წყარო : www.ecowatch.com