გამოვლენილია კავშირი ჰაერის დაბინძურებასა და გულის არათანაბარ რიტმს შორის
- ახალი კვლევის თანახმად, თინეიჯერების გულებმა შეიძლება გულისცემა გამოტოვოს, დაბინძურებული ჰაერის ზემოქმედების ქვეშ ყოფნიდან ორი საათის განმავლობაში.
- გულის არათანაბარმა რიტმმა შეიძლება გამოიწვიოს უეცარი კარდიული სიკვდილი, სხვა მხრივ სრულიად ჯანმრთელ მოზარდებში.
- რადგან ბავშვობასა და მოზარდობაში გულ-სისხლძარღვთა მდგომარეობა შეიძლება ზრდასრულობაშიც შეიმჩნეოდეს, ამ რისკების ხელშემწყობი ფაქტორების აღმოჩენა ძალიან მნიშვნელოვანია.
ახალი კვლევის თანახმად, თინეიჯერების გულებმა შეიძლება გულისცემა გამოტოვოს, დაბინძურებული ჰაერის ზემოქმედების ქვეშ ყოფნიდან ორი საათის განმავლობაში.
პოტენციური კავშირი ჰაერის ცუდ ხარისხსა და გულის არარეგულარულ რიტმს შორის დაადგინეს პენის სახელმწიფო მედიცინის კოლეჯის მეცნიერებმა, რომელთა ნაშრომიც ახლახან გამოქვეყნდა ჟურნალში „American Heart Association“.
დიდი ხანია ცნობილია, რომ დაბინძურებული ნაწილაკების შესუნთქვა ზრდასრულებში ჯანმრთელობის პრობლემებს იწვევს, მაგრამ ახალგაზრდებში ახლა პირველად გამოვლინდა კავშირი გულისცემასა და ამ ტიპის დაბინძურებას შორის.
„მიუხედავად იმისა, რომ შედარებით იშვიათია, გულის არათანაბარმა რიტმმა შეიძლება გამოიწვიოს უეცარი კარდიული სიკვდილი, სხვა მხრივ სრულიად ჯანმრთელ მოზარდებსა და ახალგაზრდებში. ჩვენი აღმოჩენები, რომელიც ჰაერის დაბინძურებას გულის არარეგულარულ რიტმთან აკავშირებს, მიანიშნებს იმაზე, რომ მყარი ნივთიერებების ნაწილაკებმა შეიძლება ხელი შეუწყოს მოზრდებში უეცარი კარდიული სიკვდილის რისკს“, – თქვა ფან ჰემ, მეცნიერებათა დოქტორმა, კვლევის წამყვანმა ავტორმა და საზოგადოებრივი ჯანდაცვის მეცნიერებების ინსტრუქტორმა, პენის სახელმწიფო მედიცინის კოლეჯიდან (ჰერში, პენსილვანია).
„რადგან ბავშვობასა და მოზარდობაში არსებული გულ-სისხლძარღვთა მდგომარეობა ზრდასრულობაშიც შეიძლება გაგრძელდეს და სამომავლოდ გავლენა იქონიოს გულ-სისხლძარღვთა სერიოზული დაავადების რისკზე, საზოგადოების დიდ ინტერესს უნდა წარმოადგენდეს გულის არითმიის ცვალებადი რისკ-ფაქტორების იდენტიფიცირება, რომელმაც შეიძლება გამოიწვიოს უეცარი კარდიული სიკვდილი მოზარდებში,“ დასძინეს მათ.
დასკვნა გაკეთდა 322 მოზარდის ჯანმრთელობის მონაცემთა ანალიზის შემდეგ, რომელთა საშუალო ასაკი 17 წელი იყო, ცხოვრობდნენ პენსილვანიაში და მონაწილეობდნენ პენის შტატის ბავშვთა კოჰორტის კვლევაში 2002-2006 წლებში. შვიდი წლის შემდეგ მონაწილეები გადაიყვანეს შემდეგ კვლევაში, რომელიც 2010-2013 წლებში ჩატარდა. ყველა ითვლებოდა ჯანსაღად და გულ-სისხლძარღვთა პრობლემების დაბალი რისკის მქონედ, მათ შორის არარეგულარული გულის რითმის გამო. კვლევის ამ მეორე ეტაპზე, თითოეული მოზარდის გული შეამოწმეს მყარი ნივთიერების ნაწილაკების ზემოქმედებაზე და გადაუღეს ელექტრო კარდიოგრამა.
საერთო ჯამში, დასკვნამ აჩვენა, რომ მონაწილეთა 79%-ს ჰქონდა სულ მცირე ერთი არარეგულარული გულის რითმი, კვლევის 24 საათის განმავლობაში, ასევე, ნაადრევი პარკუჭის შეკუმშვის 5%-ით ზრდა ექსპოზიციიდან ორი საათის განმავლობაში, ყოველ 10 მკგ/კვ3-ზე PM2.5 მყარი ნაწილაკების მატებისას.
სტატიაზე მუშაობდა : ანა ქავთარაძე და მეგი რუსია
წყარო : airqualitynews.com
28 ოქტომბერი 2022 წელი.