კლიმატის ცვლილების გამო ყველაზე მეტად საფრთხე ემუქრებათ ამაზონის,აფრიკის და სამხრეთ ბორეალურ ტყეებს

• კლიმატის ცვლილება სულ უფრო მეტ ზიანს აყენებს მსოფლიოს ტყეებს.
• იუტას უნივერსიტეტის მეცნიერებმა ყველაზე მეტად საფრთხის ქვეშ მყოფი ტყეები დაასახელეს.
• შეიქმნა ონლაინ პლატფორმა, რომელიც მომხმარებელს საშუალებას აძლევს გაანალიზოს დასკვნები.

კლიმატის ცვლილება სულ უფრო მეტად ემუქრება მსოფლიოს ტყეებს, ამიტომაც იუტას უნივერსიტეტის მეცნიერებმა შეიმუშავეს ახალი ინსტრუმენტი. იგი განსაზღვრავს, თუ რომელი ტყეებია ყველაზე მეტად საფრთხის ქვეშ და რომლების დაკარგვა მიაყენებს კლიმატსა და ბიომრავალფეროვნებას ყველაზე დიდ დარტყმას.

მზარდი ტემპერატურის პირობებში ,კლიმატი იცვლება,შესაბამისად ტყეებს მასშტაბური საფრთხე ემუქრება.მკვლევრებმა დიაგნოსტირებისთვის გააანალიზეს არსებული გამოკვლევები და გამოყვეს სამი ფაქტორი:

1. განისაზღვრა, თბილი ტემპერატურა სად  უშლის ხელს ხეების ზრდას,რაც ართულებს ნახშირბადის შენახვას.
2. შეაფასეს, რამდენად დამღუპველია ტყეებისთვის გვალვა, ხანძარი, მწერების შემოჭრა და ა.შ.
3. დაადგინეს, თუ სად ემუქრება კლიმატის ცვლილება ყველაზე მეტად ტყის მცენარეებსა და ცხოველებს.აღმოაჩინეს ყველაზე საყურადღებო საფრთხე ეკოსისტემების საზღვრებს შორის – მაგალითად, ფიჭვნარსა და ფართოფოთლოვან ტყეებს შორის.

ამ ფაქტორების სინთეზმა აჩვენა, რომ ყველაზე დიდი რისკის ქვეშ არიან, ტყეები აშშ-ს დასავლეთში, ამაზონის მშრალი ტყეები,ტყეები აფრიკაში და  სამხრეთ ბორეალური(ბიომი, რომელიც ხასიათდება წიწვოვანი ტყეებით) ტყეები.

კლიმატის ცვლილების გამო შედეგები გამოქვეყნდა ჟურნალში „Science“. მკვლევრებმა ასევე შექმნეს ონლაინ ინსტრუმენტი, რომელიც მომხმარებლებს საშუალებას აძლევს გაანალიზონ დასკვნები.

სტატიაზე მუშაობდა : თამთა კიკვაძე და ანა ახალაძე

წყარო : www.enn.com

29 ოქტომბერი 2022 წელი.