1990-დან 2020 წლამდე 1,1 მილიონზე მეტი ზღვის კუ მოინადირეს
WWF-ის თანახმად, ზღვის კუს თითქმის ყველა სახეობა გადაშენების პირას მყოფად ითვლება. ამის მიუხედავად, ხალხი განაგრძობს გასაოცარი რაოდენობით.
მათ ბრაკონიერულ მოპოვებას საკვების, მედიკამენტებისა და ფუფუნების ნივთებისთვის.
ზღვის კუების არალეგალური ნადირობის პირველი გლობალური შეფასება, რომელიც მოიცავს მრავალ ქვეყანას და რეგიონს, გამოქვეყნდა ოთხშაბათს Global Change Biology-ში და დადგინდა, რომ 1,1 მილიონზე მეტი კუ უკანონოდ იყო მონადირებული და მოკლული ბოლო სამი ათწლეულის განმავლობაში. გარდა ამისა, ბოლო 10 წლის მონაცემები ყოველწლიურად 44000-ზე მეტი იღუპება.
„რიცხვები მართლაც მაღალია და თითქმის არ შეესაბამება მასშტაბებს, რადგან უბრალოდ ძალიან რთულია რაიმე სახის უკანონო აქტივობის შეფასება“, თქვა არიზონას სახელმწიფო უნივერსიტეტის ასისტენტმა, მკვლევარმა, პროფესორმა და კვლევის თანაავტორმა ჯესი სენკომ , როგორც The Guardian იტყობინება.
ჯესი სენკოს, ASU-ს ასისტენტ მკვლევარ პროფესორს და საზღვაო ბიოლოგს, ხელში უჭირავს ახლახან დატყვევებული მწვანე კუ, თავის ერთ–ერთ სასწავლო ადგილას, ბახა კალიფორნიის სურში, მექსიკა. კუ უვნებლად გაათავისუფლეს. სინდი ვარგასი.
არიზონას სახელმწიფო უნივერსიტეტის (ASU) ჯგუფის მიერ ჩატარებულმა კვლევამ 209-ზე მეტი რეცენზირებული კვლევა, ახალი ამბების სტატიები, კონსერვაციის ორგანიზაციების მოხსენებები და კითხვარები წარმოადგინა. აღინიშნა, რომ მკვლელობები განხორციელდა იმ 65 ქვეყანაში და 58 რეგიონული მართვის განყოფილებიდან 44-ში, სადაც დაცვითი მექანიზმები მოქმედებს.
ყველაზე ხშირად მონადირებული სახეობა მწვანე კუ გახლდათ, რაც მკვლელობის წილის 56 პროცენტით და ქორის კუ, 39 პროცენტით გამოიხატება. მწვანე კუები ბუნების დაცვის საერთაშორისო კავშირის (IUCN) წითელ ნუსხაში გადაშენების საფრთხის ქვეშ არიან.
„მწვანე კუ ითვლება ყველაზე გემრიელად – მას აქვს ის ხორცი, რბილობი, რომლის ჭამაც ხალხს ყველაზე მეტად უყვარს“, განუცხადა The Guardian-ს Oceanic Society-ის პრეზიდენტმა, როდერიკ მასტმა, რომელიც კვლევაში არ მონაწილეობდა.
ამავდროულად, ჰოკსბილის კუები IUCN-ის ჩამონათვალში გვხვდება, როგორც კრიტიკული საფრთხის ქვეშ მყოფი და ძირითადად, ნადირობენ მათი მბზინავი ბაკანის გამო, რომელიც გამოიყენება “კუს ბაკნის” სამკაულებსა და სხვა დეკორატიულ ნივთებში.
თუმცა, ამ გამოცემას ორი გამონათებაც ჰქონდა.
პირველი, ის არის, რომ კუების ბრაკონიერობის შესახებ ცნობებმა 28%-ით დაიკლო კვლევის ბოლო 10 წელიწადში 1990 წლიდან 2020 წლამდე.
„ბოლო ათწლეულის განმავლობაში, პრობლემის შესახებ ცნობიერების ამაღლებასთან ან ადგილობრივი ნორმებისა და ტრადიციების შეცვლასთან ერთად, კლება შეიძლება გამოწვეული იყოს დამცავი კანონმდებლობის გაზრდით და კონსერვაციის გაძლიერებული ძალისხმევით,“- განაცხადა ASU-ს პრესრელიზში თანაავტორმა და ASU Life Sciences სკოლის გარემოსდაცვითი ცხოვრების მეცნიერების სადოქტორო პროგრამის სტუდენტმა, კაილა ბურგერმა.
მეორე, ის არის, რომ, ბოლო ათწლეულის განმავლობაში მოკლული კუები, როგორც წესი, გენეტიკურად მრავალფეროვანი, დიდი, სტაბილური პოპულაციებიდან მოდიოდნენ. ეს, იმედია, ნიშნავს, რომ ნადირობა ნაკლებ გავლენას ახდენს ზღვის კუს პოპულაციაზე მთელს მსოფლიოში. ამის თქმით, სენკომ აღიარა, რომ შეიძლება მიღებული მონაცემები მთლიან სურათს არც ასახავდეს.
„ნებისმიერი უკანონო აქტივობის შეფასება რთულია და ზღვის კუს ვაჭრობა არ არის გამონაკლისი, განსაკუთრებით მაშინ, როდესაც ის ხდება ორგანიზებული ან დაკავშირებული კრიმინალურ სინდიკატებთან. ჩვენი შეფასება ასევე არ მოიცავდა კვერცხებს ან კუს ისეთ პროდუქტებს, როგორიცაა სამაჯურები ან საყურეები, რომლებიც დამზადებულია ზღვის კუს ბაკნისგან, რომლებსაც ადვილად ვერ დავაკავშირებთ ცალკეულ ჯიშებთან“ – თქვა მან პრესრელიზში.
საბოლოო ჯამში, სენკო იმედოვნებდა, რომ კვლევამ შეიძლება ხელი შეუწყოს კუს კონსერვაციას იმ მითითებით, თუ რომელ სახეობებზე და სად ნადირობენ – გამოცემამ აღმოაჩინა ბრაკონიერობის კონცენტრაცია მადაგასკარსა და სამხრეთ-აღმოსავლეთ აზიაში. ეს ინფორმაცია შეიძლება დაეხმაროს ბუნებისდამცველებს უფრო მიზანმიმართული დაცვის პოლიტიკის შემუშავებაში.
”ჩვენ ნამდვილად უნდა შევხედოთ იმ სოციალურ-ეკონომიკურ და კულტურულ ფაქტორებს, რომლებიც უკანონო მოთხოვნის უკან დგას,” – თქვა მან, როგორც The Guardian იტყობინება. ”რადგანაც არის მოთხოვნა უფრო მდიდარი ქვეყნებიდან, ღარიბი ქვეყნები კი აპირებენ ეს მოთხოვნა კუების მიწოდებით შეავსონ.”
სტატიაზე მუშაობდა : ლილი ყვავილაშვილი და გიგი ჭითანავა
წყარო : www.ecowatch.com
29 ოქტომბერი 2022 წელი