ბიომრავალფეროვნების შემცირება ველური ამაზონის მეთევზეობაში საფრთხეს უქმნის ადამიანის კვების რაციონს

• პერუს ამაზონში მცხოვრებლებმა შეიძლება კვების მნიშვნელოვანი დეფიციტი განიცადონ, თუ თევზის ბიომრავალფეროვნების კარგვა ასე გაგრძელდება.

ახალი კვლევის თანახმად, პერუს ამაზონში, ათობით ველური თევზის სახეობის ჩვეული მოხმარებით, იქ მცხოვრებლებმა შეიძლება კვების მნიშვნელოვანი დეფიციტი განიცადონ, თუ თევზის ბიომრავალფეროვნების კარგვა ასე გაგრძელდება. აკვაკულტურისა და სხვა შემცვლელების მზარდმა გამოყენებამ შეიძლება ვერ აანაზღაუროს ეს დანაკარგი. კვლევამ გავლენა იქონია ამაზონს მიღმაც, რადგან ველური მოსავლის მრავალფეროვნება და სიუხვე მცირდება, როგორც მდინარეებში, ისე ტბებში, გლობალურად, ისევე, როგორც ხმელეთზე. დაახლოებით, 2 მილიარდი ადამიანი გლობალურად არის დამოკიდებული არაკულტივირებულ საკვებზე; მხოლოდ შიდა თევზჭერაზე დასაქმებულია დაახლოებით 60 მილიონი ადამიანი, რომლებიც უზრუნველყოფენ პროტეინის ძირითად წყაროს 200 მილიონი ადამიანისთვის.  კვლევა ამ კვირაში გამოქვეყნდა ჟურნალში Science Advances.

ავტორებმა შეისწავლეს პერუს ამაზონის უზარმაზარი სოფელი ლორეტო, სადაც 800,000 მაცხოვრებლიდან, უმეტესობა დღეში ერთხელ მაინც ჭამს თევზს, ანუ წელიწადში საშუალოდ დაახლოებით 52 კილოგრამს (115 ფუნტი). ეს არის მათი ძირითადი წყარო, არა მხოლოდ პროტეინის მიღების, არამედ ცხიმოვანი მჟავებისა და აუცილებელი მიკროელემენტების, მათ შორის რკინის, თუთიის და კალციუმის. სამწუხაროდ, ეს არ არის საკმარისი; ბავშვების მეოთხედი ცუდად იკვებება ან განიცდის ზრდის შეფერხებას, ხოლო მშობიარობის ასაკის ქალთა მეხუთედზე მეტი განიცდის რკინის დეფიციტს.

უფრო მეტი წაიკითხეთ აქ: Earth Institute at Columbia University

სტატიაზე მუშაობდა : ლედი ბოჟაძე

წყარო : www.enn.com