მეცხოველეობით გამოწვეული ჰაერის დაბინძურება ყოველწლიურად 12 000 ადამიანის გარდაცვალების მიზეზია

• ყოველწლიურად მეცხოველეობის შედეგად გარემოსა და ჰაერის დაბინძურებით 12,000 ადამიანი იღუპება.

• კვლევებმა ცხადყო, რომ კვების მრეწველობასთან დაკავშირებული საქმიანობა 5 ტიპის ნაწილაკებს წარმოქმნის, დიდი ხნის განმავლობაში ამ ნაწილაკით დაბინძურებულ გარემოში ყოფნა კი იწვევს ნაადრევ გარდაცვალებას, გულ-სისხლძარღვთა დაავადებებს, კიბოსა და ინსულტს.

• მომავალში საგრძნობლად გაიზრდება ცხოველურ პროდუქტის ღირებულება, თუ გავითვალისწინებთ გარემოსადმი მიყენებული ზარალის ფასს.

ახალი კვლევის მიხედვით, ჰაერის დაბინძურება მეცხოველეობისა და სოფლის მეურნეობის შედეგად საკმაოდ გაზრდილია. აგრეთვე, მოიაზრება, რომ უნდა შეიცვალოს ადამიანთა კვების რაციონი, რადგან მცენარეულ საკვებზე მასობრივ გადასვლას შეუძლია შეამციროს დაბინძურებით გამოწვეული გარდაცვალების მაჩვენებელი 83 %-დან 68%-მდე.

სამეცნიერო ჟურნალმა „ამერიკის შეერთებული შტატების ეროვნული მეცნიერებათა აკადემია“ გამოაქვეყნა კვლევის შედეგები, რომელთა მიხედვითაც აშშ-ში სასოფლო მეუნეურნეობის შედეგად წარმოქმნილი ჰაერის დაბინძურება სიცოცხლისთვის სახიფათოა.

კვლევა, სახელწოდებით „ჰაერის ხარისხის გავლენა საკვებზე“, მიზნად ისახავდა შეესწავლა, თუ რა გავლენას ახდენს სოფლის მეურნეობასთან დაკავშირებული საქმიანობა ჰაერის ხარისხზზე. განსაკუთრებული ყურადღება გამახვილებული იყო PM2.5 ტიპის ნაწილაკზე, რომელიც ადამიანის ჯანმრთელობისთვის მავნებელია.

კვლევებმა ცხადყო, რომ კვების მრეწველობა სწორედ ამ ტიპის ნაწილაკს წარმოქმნის, დიდი ხნის განმავლობაში ამ ნაწილაკით დაბინძურებულ გარემოში ყოფნა კი იწვევს ნაადრევ გარდაცვალებას,  გულ-სისხლძარღვთა დაავადებებს, კიბოსა და ინსულტს. საერთო ჯამში, სოფლის მეურნეობით გამოწვეული ჰაერის დაბინძურება ყოველწლიურად 17,900 ადამიანის გარდაცვალების მიზეზია, აქედან 15,900 უშუალოდ კვების მრეწველობის შედეგია. აქედან 12,720 (გარდაცვალებათა 80%) მიეწერება მეცხოველეობას ორი ძირითადი მიზეზის გამო – უშუალოდ ცხოველური პროდუქტების წარმოება და ამავე ცხოველების საკვებით უზრუნველყოფა. დაბინძურების ძირითადი წყარო ამიაკია, რომელიც ცხოველების ექსკრემენტებსა და აზოტის შემცველობის მქონე სასუქებში შედის.

კვლევების მიხედვით, ამიაკის მოლეკულები ატმოსფეროში მოხვედრისას ერწყმება სხვა ქიმიკატებს, რაც PM2.5 ნაწილაკებით დაბინძურებას იწვევს. მავნე ნაერთები ჰაერში კვირების განმავლობაში რჩება.

კვლევის დასკვნა

კვლევის მიხედვით, მეცხოველეობისა და სასუქების მოხმარების პრაქტიკის გაუმჯობესება, კვების რაციონის შეცვლასთან ერთად, ამსუბუქებს სოფლის მეურნეობის უარყოფით გავლენას ჰაერის ხარისხზე. „ისეთი მცენარეული პროდუქტების მოხმარება, რომლებიც უზრუნველყოფს პროტეინისა და სხვა აუცილებელი ცილების მიღებას, სოფლის მეურნეობით ჰაერის დაბინძურების შედეგად გამოწვეულ სიკვდილიანობას 83 %-დან 68%-მდე, “ – ამბობს მკვლევარი.

მეცხოველეობის რეალური ღირებულება

წინა წელს აუგსბურგის უნივერსიტეტის მიერ ჩატარებული კვლევის მიხედვით, მომავალში საგრძნობლად გაიზრდება ცხოველურ პროდუქტების ღირებულება, თუ გავითვალისწინებთ გარემოსადმი მიყენებული ზარალის ფასს, მათ შორის  აზოტის, ნახშიროჟანგისა და მეთანის დიდი ოდენობით გამოყოფასა და ნიადაგის დაზიანებას. შედეგად ხორცპროდუქტების ღირებულება 146%-ით, ხოლო რძის პროდუქტების ღირებულება 91%-ით მოიმატებს.

სტატიაზე მუშაობდა : ნათია კურტანიძე და ნინი თოიძე

წყარო : vegnews.com