წყლის ხარისხი მდინარე განგის ქვედა მონაკვეთებში საგანგაშოა
- მდინარე განგის ქვედა მონაკვეთებში წყლის ხარისხი საგანგაშო აღმოჩნდა მეცნიერთა ჯგუფის მიერ, რომელმაც შეიმუშავა მტკნარი წყლის ხარისხის ინდექსის (WQI) საჭირო საბაზისო ხაზი. მათ აღნიშნეს წყლის ხარისხის მუდმივი გაუარესება.
- ადამიანის სწრაფმა ზეწოლამ და ანთროპოგენურმა აქტივობამ განაპირობა მდინარე განგაში დაუმუშავებელი მუნიციპალური და სამრეწველო კანალიზაციის ჩადინება სხვა დამაბინძურებლების ფორმებთან ერთად.
- „საგრძნობლად გაიზარდა გაუწმენდავი მუნიციპალური და სამრეწველო კანალიზაციის ჩაშვება განგის ქვედა მონაკვეთზე, რასაც მოჰყვება მრავალი უნიკალური და ბიომრავალფეროვანი ეკოსისტემის, როგორიცაა სუნდარბანსის ტყეები და გადაშენების პირას მყოფი ქარიზმატული სახეობები, მაგალითად, განგის დელფინის განადგურება და გადაშენება“, – ნათქვამია მეცნიერებისა და ტექნოლოგიების სამინისტროს განცხადებაში.
ნიუ დელი, 12 დეკემბერი
მდინარე განგის ქვედა მონაკვეთებში წყლის ხარისხი საგანგაშო აღმოჩნდა მეცნიერთა ჯგუფის მიერ, რომელმაც შეიმუშავა მტკნარი წყლის ხარისხის ინდექსის (WQI) საჭირო საბაზისო ხაზი. მათ აღნიშნეს წყლის ხარისხის მუდმივი გაუარესება.
ადამიანის სწრაფმა ზეწოლამ და ანთროპოგენურმა აქტივობამ განაპირობა მდინარე განგაში დაუმუშავებელი მუნიციპალური და სამრეწველო კანალიზაციის ჩადინება სხვა დამაბინძურებლების ფორმებთან ერთად. „კერძოდ, მდინარე განგის ქვედა მონაკვეთებზე, მეგაპოლის კოლკატასთან ახლოს, ზემოქმედებს ანთროპოგენური ფაქტორები, ძირითადად მდინარის ორივე მხარეს მოსახლეობის ინტენსიური ზეწოლის გამო. შედეგად, საგრძნობლად გაიზარდა გაუწმენდავი მუნიციპალური და სამრეწველო კანალიზაციის ჩაშვება განგის ქვედა მონაკვეთზე, რასაც მოჰყვება მრავალი უნიკალური და ბიომრავალფეროვანი ეკოსისტემის, როგორიცაა სუნდარბანსის ტყეები და გადაშენების პირას მყოფი ქარიზმატული სახეობები, მაგალითად, განგის დელფინის განადგურება და გადაშენება“, – ნათქვამია მეცნიერებისა და ტექნოლოგიების სამინისტროს განცხადებაში.
გუნდი, რომელსაც ხელმძღვანელობდა პროფესორი პუნიასლოკე ბჰადური, ინტეგრირებული ტაქსონომიისა და მიკრობული ეკოლოგიის კვლევის ჯგუფიდან (ITMERG) IISER-ში, კოლკატაში, ორი წლის განმავლობაში აკვირდებოდა ცხრა ადგილს, რომელიც მოიცავდა 59 სადგურს მდინარე განგის ქვედა მონაკვეთზე, 50 კილომეტრის გასწვრივ. ეს პროცესი საშუალებას აძლევდა, დაკვირვებოდა დინამიკას, ძირითად გარემო ცვლადებს, მათ შორის გახსნილ აზოტის ფორმებსა და ბიოლოგიურ ორგანიზმებს განგის ჯანმრთელობის შესაფასებლად. მეცნიერებმა შეადგინეს ადგილის WQI, ძირითადი მეტრიკა, რომელიც გვეხმარება, გავიგოთ ეკოლოგიური შედეგები მდინარე განგის ქვედა მონაკვეთზე, ნათქვამია განცხადებაში.
მეცნიერებისა და ტექნოლოგიების დეპარტამენტი (DST) – წყლის ტექნოლოგიების ინიციატივამ მხარი დაუჭირა ჯგუფს, განეხორციელებინა ის საკვანძო კვლევა, რომელიც ახლახან გამოქვეყნდა ჟურნალში “Environment Research Communications”.
ზემოხსენებულმა კვლევამ აჩვენა, რომ მდინარის ამ მონაკვეთის WQI მნიშვნელობები იყო 14-52-ს შორის და მუდმივად უარესდებოდა, სინჯების აღების სეზონის მიუხედავად. მათ, ასევე, დაადგინეს დაბინძურების წყარო და დამაბინძურებლების ტიპები, კერძოდ, აზოტის ფორმები, რომლებიც ბიოტაზე (გარკვეული რაიონის ფლორა-ფაუნა) 50 კმ მონაკვეთის სიგრძეზე გავლენას ახდენს, რაც საჭიროებდა დაუყოვნებლივ ჩარევას მდინარის აუზის ეფექტური მართვისთვის.
ამ კვლევის შედეგები გადამწყვეტი იქნება მდინარე განგის ქვედა მონაკვეთის გრძელვადიანი ეკოლოგიური ჯანმრთელობის მონიტორინგის, სენსორებისა და ავტომატიზაციის ინტეგრირებისთვის, ნათქვამია განცხადებაში.
სტატიაზე მუშაობდა : ნატალი ბზიკაძე
წყარო : www.tribuneindia.com