მარლერ კლარკს (Marler Clark) აშშ-ს მასშტაბით სალმონელას ხახვის გავრცელების გამო სასამართლოში სარჩელი შეაქვს
- შპს Prosource Produce-ს სამი სარჩელი წარედგინა სალმონელას შტამის აფეთქების შედეგად დაზარალებულ პირთა მიერ. ინციდენტი დაკავშირებულია ხახვთან, რომელმაც დღემდე დაახლოებით 900 ადამიანის ჯანმრთელობა საფრთხეში ჩააგდო.
- სამ განსხვავებულ შტატში მცხოვრები მოსარჩელეები მოპასუხის მიერ მიწოდებულ ხახვს მოიხმარდნენ, რაც მოგვიანებით სალმონელას პოტენციური დაბინძურების გამო უკან გაიწვიეს.
- მარლერ კლარკი (Marler Clark) სურსათის უვნებლობის იურიდიული ფირმაა, რომელიც დაზარალებულთა – რონალდ ვუდის (Ronald Wood), ჩინგ-ი ორტისის (Ching-Yi Ortiz), მისი მცირეწლოვანი შვილისა და ჯენიფერ ლუმის (Jennifer Luhm) მხარეს წარმოადგენს; სამივე საჩივარი შეერთებული შტატების რაიონულ სასამართლოში, აიდაჰოს ოლქში შევიდა.
- „Salmonella Oranienburg-ის მოცემულმა შტამმა იმაზე უფრო მეტი ადამიანის ჰოსპიტალიზირება გამოიწვია, ვიდრე მსგავსი მასშტაბის სხვა ეპიდემიებმა.“ – განაცხადა მარლერ კლარკის ხელმძღვანელ-პარტნიორმა უილიამ დ. მარლერმა
შპს Prosource Produce-ს სამი სარჩელი წარედგინა სალმონელას შტამის აფეთქების შედეგად დაზარალებულ პირთა მიერ. ინციდენტი დაკავშირებულია ხახვთან, რომელმაც დღემდე დაახლოებით 900 ადამიანის ჯანმრთელობა საფრთხეში ჩააგდო.
ბოისე, აიდაჰოს შტატი – სალმონელას შტამის აფეთქების შედეგად, რის გამოც ქვეყნის მასშტაბით 900 ადამიანი დაავადდა, შპს Prosource Produce-ს სამი სარჩელი წარედგინა. საქმე ეხება ხახვს, რის გამოც დღეის მონაცემებით 900 ადამიანის სიცოცხლე საფრთხის ქვეშ აღმოჩნდა. მარლერ კლარკი (Marler Clark) სურსათის უვნებლობის იურიდიული ფირმაა, რომელიც დაზარალებულთა – რონალდ ვუდის (Ronald Wood), ჩინგ-ი ორტისის (Ching-Yi Ortiz), მისი მცირეწლოვანი შვილისა და ჯენიფერ ლუმის (Jennifer Luhm) მხარეს წარმოადგენს; სამივე საჩივარი შეერთებული შტატების რაიონულ სასამართლოში, აიდაჰოს ოლქში შევიდა.
სამ განსხვავებულ შტატში მცხოვრები მოსარჩელეები მოპასუხის მიერ მიწოდებულ ხახვს მოიხმარდნენ, რაც მოგვიანებით სალმონელას პოტენციური დაბინძურების გამო უკან გაიწვიეს. დაზარალებულებმა სასწრაფო სამედიცინო დახმარების პუნქტებს მიმართეს ისეთი სიმპტომებით, როგორიცაა – გულისრევა, დიარეა, კუჭის სპაზმები, ცხელება და დაღლილობა, რამაც Salmonella Oranienburg-ის ინფექციაზე დადებითი პასუხი აჩვენა.
დაზარალებულთა შორის აღმოჩნდა მცირეწლოვანი ბავშვი, რომელსაც ჰოსპიტალიზაცია დასჭირდა. არასრულწლოვანს სეფსისი, ორგანოთა უკმარისობა, პნევმონია, აციდოზი, თრომბოციტოპენია, პერიკარდიული გამონაჟონი, ინტერსტიციული ემფიზემა და მენჯის არეში ძლიერი ტკივილი განუვითარდა. მკურნალობა გრეძლდება, ვინაიდან პაციენტი სალმონელას ინფექციით გამოწვეული ხანგრძლივი დაავადებებისგან ბოლომდე უნდა განიკურნოს.
„Salmonella Oranienburg-ის მოცემულმა შტამმა იმაზე უფრო მეტი ადამიანის ჰოსპიტალიზირება გამოიწვია, ვიდრე მსგავსი მასშტაბის სხვა ეპიდემიებმა.“ – განაცხადა მარლერ კლარკის ხელმძღვანელ-პარტნიორმა უილიამ დ. მარლერმა (William D. Marler). „გარდა ამისა საყურადღებოა ისიც, რომ, ბოლო ორი წლის განმავლობაში, ეს არის სალმონელას რიგით მეორე მასშტაბური აფეთქება, რაც ხახვთან არის დაკავშირებული.“
2021 წლის 12 ნოემბრის მდგომარეობით, Salmonella Oranienburg-ის შტამით 892 ადამიანი დაინფიცირდა; გავრცელდა როგორც აშშ-ის 38 შტატში, ასევე პუერტო რიკოში. დაავადებები 2021 წლის 31 მაისიდან დაიწყო და 2021 წლის 25 ოქტომბრამდე გასტანა. პაციენტთა ასაკი 1-დან 101 წლამდე მერყეობს, საშუალო ასაკი – 37 წელია; დაავადებულთა 58% – ქალია. იმ 571 ადამიანზე, რომელთა შესახებაც ინფორმაცია არსებობს, 183 (32%) ჰოსპიტალიზირება დასჭირდა.
მარლერ კლარკის რწმუნებით, სავარაუდოდ, ეპიდემიის შედეგად დაზარალებულ ადამიანთა რიცხვი ბევრად აღემატება ოფიციალურ მაჩვენებლებს; ამასთანავე, დიდია ალბათობა, იმისა, რომ დაავადება ცნობილი შტამებით არ შემოიფარგლოს. გამომდინარე იქიდან, რომ დაავადებულთა უმეტესმა ნაწილმა სახლის პირობებში, სამედიცინო ჩარევის გარეშე იმკურნალა, რთულია სალმონელას ინფექციით დაზარალებულ ადამიანთა ზუსტი რაოდენობის დათვლა. ამასთანავე აღრიცხვისას არაა გათვალისწინებული ბოლოდროინდელი მიმართვიანობები, ვინაიდან სალმონელას ინფექციის გამოვლინებას 3-დან 4 კვირამდე პერიოდი სჭირდება.
სტატიაზე მუშაობდა : ლიზი უგულავა
წყარო : www.qualityassurancemag.com