ტყის ხანძრების მიერ გამოწვეულმა ჰაერის დაბინძურებამ გადაწონა აშშ-ის „სუფთა ჰაერის“ მიღწევები
ვაშინგტონის სახელმწიფო უნივერსიტეტის ჩატარებული ახალი კვლევის თანახმად, გაზრდილია ტყის ხანძრებისგან გამოწვეული ჰაერის დაბინძურება და უფრო მეტ ხანს გრძელდება.
მკვლევრებმა დაადგინეს, რომ მოსახლეობაზე წლიური ზემოქმედება გაიზარდა დაახლოებით დღეში 25 მილიონ ადამიანამდე _ ეს მაჩვენებელი ითვლის როგორც დაზარალებულთა რაოდენობას, ისე დაზარალების ხანგრძლივობას ანუ დღეების რაოდენობას.
კვლევის თანაავტორმა, WSU-ის ასისტენტ-პროფესორმა დიფთი სინგმა თქვა: „ჩვენს ხელთ არსებულ მაჩვენებლებზე დაყრდნობით, შეგვიძლია ვივარაუდოთ, რომ ამ რეგიონში არსებული უფრო ცხელი და მშრალი პირობების გამო გველის ტყის ხანძრების აქტივობის მატება და მძლავრი სიცხის უფრო ფართოდ გავრცელება, რაც იმას ნიშნავს, რომ მომავალში უნდა ველოდოთ ამ მდგომარეობების გახშირებას“.
ვაშინგტონის სახელმწიფო უნივერსიტეტის ჩატარებული ახალი კვლევის თანახმად, გაზრდილია ტყის ხანძრებისგან გამოწვეული ჰაერის დაბინძურება და უფრო მეტ ხანს გრძელდება.
მკვლევრები დააკვირდნენ 2002-2020 წლებში დასავლეთის შტატებსა და კანადაში არსებული ჰაერის ხარისხის სამეთვალყურეო სადგურების შეგროვილ ყველა მონაცემს. მათ ეს მონაცემები NASA-ს მიერ მიწოდებულ ტყის ხანძრების ინფორმაციასთან შეაჯერეს.
მკვლევრებმა დაადგინეს, რომ მოსახლეობაზე წლიური ზემოქმედება გაიზარდა დაახლოებით დღეში 25 მილიონ ადამიანამდე _ ეს მაჩვენებელი ითვლის როგორც დაზარალებულთა რაოდენობას, ისე დაზარალების ხანგრძლივობას ანუ დღეების რაოდენობას.
ეს ნიშნავს, რომ გაზრდილია არა მხოლოდ ჰაერის დაბინძურების შემთხვევათა სიხშირე, არამედ მათი ხანგრძლივობაცა და გეოგრაფიული არეალიც.
მკვლევრები გვაფრთხილებენ, რომ ტყის ხანძრებმა იმდენად გააფუჭა საქმე, რომ ამან გამოიწვია აშშ-ის „სუფთა ჰაერის აქტის“ მრავალი მიღწევის უკუქცევა.
პოტენციურად შესაძლებელია ამ მოვლენების შემცირება ტემპერატურის ზრდის შენელების ძალისხმევით და, ასევე, ხანძრების უკეთესი მართვით, როგორიცაა „გეგმიური დაწვა“. ამასთანავე, მკვლევრები გვირჩევენ, ჰაერის დაბინძურების ამგვარ მოვლენებს ისე მივუდგეთ, როგორც მძლავრ თოვლიან ქარბუქს ან სიცხის ტალღებს, რა დროსაც დავრწმუნდებით, რომ ადამიანებს აქვთ ჰაერის ხარისხის ფილტრებით აღჭურვილი თავშესაფრები, სადაც ისინი ჰაერის დაბინძურების შემთხვევაში თავს შეაფარებენ. ისინი ასევე გვირჩევენ ისეთ კანონების მიღებას, რომელიც მინიმუმამდე დაიყვანს დაბინძურებული ჰაერის ზემოქმედებას იმ ადამიანებზე, რომლებიც უმეტესად გარეთ მუშაობენ.
კვლევის თანაავტორმა, WSU-ის ასისტენტ-პროფესორმა დიფთი სინგმა თქვა: „ჩვენს ხელთ არსებულ მაჩვენებლებზე დაყრდნობით, შეგვიძლია ვივარაუდოთ, რომ ამ რეგიონში არსებული უფრო ცხელი და მშრალი პირობების გამო გველის ტყის ხანძრების აქტივობის მატება და მძლავრი სიცხის უფრო ფართოდ გავრცელება, რაც იმას ნიშნავს, რომ მომავალში უნდა ველოდოთ ამ მდგომარეობების გახშირებას“.
„უაღრესად მნიშვნელოვანია ამ მოვლენებისათვის მომზადება. უნდა დავფიქრდეთ, თუ ვინ დაზარალდება, რა შესაძლებლობები არსებობს ამ ზემოქმედების მინიმუმამდე დასაყვანად და როგორ შეგვიძლია ყველაზე მოწყვლადი ადამიანების დაცვა“.
”თუ მართლაც ასეთი დიდი რეგიონია დაზარალებული ამ ჰაერის დაბინძურებით, ეს ნამდვილად ამცირებს იმ ადგილების რიცხვს, სადაც ადამიანებს ამ მდგომარეობებისგან თავის დასაღწევად გაქცევა შეეძლებათ” – თქვა მან. „შეიძლება, ასობით კილომეტრი იმგზავრო და მაინც ვერ იპოვო უკეთესი ხარისხის ჰაერი“.
სტატიაზე მუშაობდა : ქეთო გობრონიძე და მეგი რუსია
წყარო : airqualitynews.com