შუშის ნარჩენებისაგან დამზადებული, მწვანე სახლები

დოქტორ სტეფან ლის და ასოცირებული პროფესორის, ტიმ შორკის ხელმძღვანელობით, კვლევითმა ჯგუფმა, UTS დიზიანის, არქიტექტურისა და მშენებლობის ფაკულტეტიდან, გამოიგონა ახალი სამშენებლო მასალა, რომელიც შედგება შუშის ნარჩენებისგან, რომელთა გამოწვითაც შესაძლებელია კერამიკული ან კედლის მოსაპირკეთებელი ფილების დამზადება.

ამ პერსპექტიულმა გამოგონებამ პირველი ადგილი აიღო UTS-ის კვლევითი ტრანსლაციის კონკურსში.

„ტრადიციული კერამიკა, რომელიც ფილებისა და აგურებისთვის გამოიყენება, დამზადებულია თიხის, მიწის ან ცემენტისგან. მათი გადამუშავება არცთუ იოლია და მაღალ სათბურ გაზებს გამოყოფს“, – ამბობს დოქტორი ლი.

„აღმოვაჩინეთ, რომ გადამუშავების პროცესში მორჩენილი შუშის ფხვნილი, რომელიც, როგორც წესი, ნაგავსაყრელზე მიდის ხოლმე, იდეალური მასალაა ახალი ტიპის მინის კერამიკის შესაქმნელად, რომელიც გამძლე, წყალგაუმტარი და 100%-ით გადამუშავებადია“.

მას აქვს ის დამატებითი უპირატესობა, რომ გამოწვისას, ტრადიციულ კერამიკასთან შედარებით, ბევრად დაბალ ტემპერატურაზე ხდება წყალგაუმტარი, რაც სამომავლოდ ზოგავს მის საწარმოებლად დახარჯულ ენერგიას“.

UTS-ის აკადემიკოსები საპრიზო თანხას – 75,000$ – საკუთარი გამოგონების განვითარებისთვის, მისი პატენტით დაცვისა და თავისი კერამიკის ბაზარზე გასატანად ახალი კომერციული პარტნიორების პოვნისათვის გამოიყენებენ.

კვლევითი ტრანსლაციის კონკურსის მეორე პრიზი ერგო ნაწლავის კიბოს ხელმისაწვდომ, სწრაფ დიაგნოსტიკურ ტესტს, რომელიც შეიმუშავა მეცნიერებათა ფაკულტეტის ასოცირებულმა პროფესორმა ჩარლზ კრანფილდმა.

დიაგნოსტიკა ამოიცნობს ფერმენტ ფოსფოლიპაზა A2-ს, რომელიც დაკავშირებულია ნაწლავის კიბოს არსებობასთან და აქვს უფრო დაბალი ცრუ დადებითი მაჩვენებელი,  ვიდრე ნაწლავის კიბოსთვის გამოყენებულ, სისხლის სკრინინგის ტრადიციულ ტექნიკებს.

„კვლევითი ტრანსლაციის კონკურსი ყოველწლიურად აღმოაჩენს ინოვაციის ფარულ, „დაუმუშავებელ ძვირფას ქვებს“, რომლებიც კომერციული წარმოების ზღვარზეა და თითქმის მზად არის ჩვენი ცხოვრების შესაცვლელად,“  – ამბობს პროფესორი ქეით მაკგრატი, UTS-ის ვიცე-კანცლერის მოადგილე. „გილოცავთ წლევანდელი კონკურსის გამარჯვებულებს“.

სტატიაზე მუშაობდა : ირინა ჩხაიძე და გიგი ჭითანავა

წყარო : www.uts.edu.au

20 ნოემბერი 2022 წელი.