შესაძლებელია თუ არა, დაჯარიმდეთ ავტომობილის ხილული გამონაბოლქვის გამო?
- თუ თქვენი ავტომობილიდან, ან კომერციული ტრანსპორტიდან გამონაბოლქვი 10 წამზე მეტ ხანს იფრქვევა, აშშ-ის კანონმდებლობის მიხედვით 400$-ით, სხვა შემთხვევაში კი 319$-ით დაჯარიმდებით.
- აღმოსავლეთ გვირაბ M5-ში ავტომობილიდან ხილული გამონაბოლქვის გამოყოფისთვის შესაძლოა 2000 დოლარის ოდენობით დაჯარიმდეთ. მესამე დაჯარიმება ავტომატურად გულისხმობს როგორც ფულად კომპენსაციას, ასევე ავტოტრანსპორტის რეგისტრაციის შეწყვეტას სამი თვით.
დამაბინძურებელი ნივთიერებები და გამონაბოლქვი აირები ჯანმრთელობისთვის უმთავრეს პრობლემას წარმოადგენს, სწორედ ამიტომ, NSW-ის (ახალი სამხრეთ უელსი) გარემოს დაცვის სააგენტო, ისევე, როგორც სხვა სააგენტოები, ცდილობენ გაუმართავი ავტომობილებიდან გამოყოფილი დამაბინძურებელი ნივთიერებების რაოდენობა შეამცირონ.
თუ თქვენი ავტომობილიდან, ან კომერციული ტრანსპორტიდან გამონაბოლქვი 10 წამზე მეტ ხანს იფრქვევა, აშშ-ის კანონმდებლობის მიხედვით 400$-ით, სხვა შემთხვევაში კი 319$-ით დაჯარიმდებით. თუმცა სხვადასხვა ადგილას ჯარიმა შესაძლოა მეტიც იყოს და მავნე ნივთიერების გამოყოფისთვის 3 საჯარიმო ქულაც მიიღოთ.
აღმოსავლეთ გვირაბ M5-ში (სადაც შესაბამისი კამერები და სენსორებია დამონტაჟებული) ავტომობილიდან ხილული გამონაბოლქვის გამოყოფისთვის შესაძლოა 2000 დოლარის ოდენობით დაჯარიმდეთ. მესამე დაჯარიმება ავტომატურად გულისხმობს როგორც ფულად კომპენსაციას, ასევე ავტოტრანსპორტის რეგისტრაციის შეწყვეტას სამი თვით. ამ მიზეზით არაერთ კომპანიას საკმაოდ სოლიდური თანხის გადახდა მოუწია.
გარემოსდაცვითი სააგენტოს მიერ, 1997 წელს მიღებული კანონის თანახმად, გამონაბოლქვის გამომყოფ ტრანსპორტად მიჩნეულია ისეთი ავტომანქანა, რომელიც ჰაერში დასაშვებზე მეტ მინარევს აფრქვევს, თუ:
- ძრავის მუშაობისას გამოყოფილი გამონაბოლქვი კონკრეტული ავტომობილის კლასისთვის დადგენილ ნორმასა და კონცენტრაციას (ან ამ ორიდან ერთს მაინც) აღემატება.
- დადგენილი წესის მიხედვით ავტოტრანსპორტის შემოწმებისას ჰაერში მინარევების გადაჭარბებული რაოდენობა გამოიყოფა, რაც ტესტირებისას კონკრეტული ავტომობილის კლასისთვის დადგენილ რეგლამენტს აღემატება.
ამ მხრივ მნიშვნელოვანია 1970 წლიდან ამოქმედებული პროგრამა smoky vehicle, რომლის მეშვეობითაც გაუმართავ ავტოტრანსპორტზე ყოველთვიურად 1000-მდე შეტყობინება ფიქსირდება.
ავტომობილიდან გამონაბოლქვის გამოყოფის დიაგნოსტირება
დიზელის ძრავიანი ავტომობილები
ძველი, დიზელის ძრავიანი ავტოსატრანსპორტო საშუალება გამოყოფს მეტად შესამჩნევ გამონაბოლქვს, თუმცა 10 წამიანი დროითი შეზღუდვა პრობლემის იდენტიფიკაციისა და აღმოფხვრის საშუალებას იძლევა.
თეთრი გამონაბოლქვი მიუთითებს, რომ საწვავის წვა არ ხდება – ყურადღება მიაქციეთ დაბალ კომპრესორს, საწვავის მიწოდების სისტემის ფუნქციონირებასა და დროს.
ცისფერი კვამლი ძრავის ზეთის დგუშებში მოხვედრითა და მათ წვითაა გამოწვეული – ყურადღება მიაქციეთ ზეთის დონეს, რათა ის დასაშვებ ნორმაზე მაღალი არ იყოს. გარდა ამისა, გამონაბოლქვი შესაძლოა გამოიწვიოს დგუშების, ლუქები, სარქველებისა და დამჭერი რგოლების ცვეთამ.
შავი და ნაცრისფერი გამონაბოლქვი საწვავის არასრული წვითაა გამოწვეული, თუმც დიზელის ძრავიანი ავტომობილის უმეტესობა სიჩქარის მატების დროს გამონაბოლქვს გამოყოფს. ყოველივე ამის გამომწვევი მიზეზი შესაძლოა ჰაერის ფილტრის, საწვავის მიწოდების სისტემისა და დროის გაუმართაობა, ძრავის გადახურება იყოს.
ბენზინის ძრავიანი ავტომობილები
ბენზინზე მომუშავე გამართული ავტომობილი ხილულ გამონაბოლქვს არ უნდა აფრქვევდეს, თუ ის ორ ცილინდრიან, ან შედარებით ძველ, როტორულ ძრავიან მოდელს არ წარმოადგენს.
როგორც დიზელის ძრავის შემთხვევაში, ცისფერი კვამლი ზეთის წვაზე მიუთითებს. პრობლემის აღმოსაფხვრელად შეამოწმეთ ძრავის ზეთის დონე, ძრავის ცვეთისა და ტურბო წნევის ბეჭდები.
ბენზინის ძრავაზე მომუშავე ავტომობილის სიჩქარის მატების დროს შესაძლოა მცირე დოზით შავი ან ნაცრისფერი გამონაბოლქვი გამოიყოს, თუმცა არა დიდი რაოდენობით. დამაბინძურებელი ნივთიერების ძლიერი გამოყოფა გამოწვეულია ჰაერის ფილტრის, კოლექტორის დაბლოკვით; გარდა ამისა, მიზეზი შესაძლოა საწვავის გამოტყორცნა, კარბიურატორის ან გამონაბოლქვის სისტემის გაუმართაობა იყოს.
სტატიაზე მუშაობდა : ლიზი უგულავა
წყარო : www.driverknowledgetests.com
აღნიშნული სტატია შექმნილია ევროკავშირის მხარდაჭერით. მის შინაარსზე სრულად პასუხისმგებელია ორგანიზაცია „ჩემი ქალაქი მკლავს“ და შესაძლოა, რომ იგი არ გამოხატავდეს ევროკავშირის შეხედულებებს
This article has been produced with the assistance of the European Union. Its contents are the sole responsibility of the organization “My City Kills” and do not necessarily reflect the views of the European Union.