ჰაერის ხარისხის ინდექსით დაკა მე-3 ადგილზეა
ორშაბათს, 13:00 საათზე,ბანგლადეშის დედაქალაქმა, დაკამ, ჰაერის ხარისხის ინდექსით (AQI) მესამე ადგილი დაიკავა, 206 ქულით, რაც მიუთითებს იმაზე, რომ ჰაერის ხარისხი იყო “ზედმეტად არაჯანსაღი”.
ამავე პერიოდში, პირველი და მეორე ადგილი დაიკავა ინდოეთში დელიმ, ხოლო პაკისტანში ლაჰორმა, 285 და 255 ქულებით.
AQI ინდექსი ყოველდღიური ჰაერის ხარისხის შესატყობინებლად გამოიყენება სამთავრობო უწყებების მიერ, რათა აცნობონ ხალხს, რამდენად სუფთა ან დაბინძურებულია ამა თუ იმ ქალაქის ჰაერი და რა ზემოქმედება შეიძლება ჰქონდეს მას ჯანმრთელობაზე.
ბანგლადეშში AQI ეფუძნება ხუთ კრიტერიუმს – ნაწილაკებს (PM10 და PM2.5), NO2, CO, SO2 და ოზონს.
დაკა დიდი ხანია ებრძვის ჰაერის დაბინძურების საკითხს. მისი ჰაერის ხარისხი არაჯანსაღია ზამთარში და უმჯობესდება მუსონის დროს.
გარემოს დაცვის დეპარტამენტისა (DoE) და მსოფლიო ბანკის (WB) 2019 წლის მარტის მოხსენებაში ნათქვამია, რომ დაკაში ჰაერის დაბინძურების სამი ძირითადი წყარო არის: აგურის ღუმელები, მანქანების გამონაბოლქვი და მტვერი სამშენებლო უბნებიდან.
ზამთრის დადგომასთან ერთად ქალაქის ჰაერის ხარისხი მკვეთრად უარესდება დამაბინძურებელი ნაწილაკების მასიური გამონადენის გამო სამშენებლო სამუშაოებიდან, დანგრეული გზებიდან, აგურის ღუმელებიდან და სხვა წყაროებიდან.
ჰაერის დაბინძურება მსოფლიოში მუდმივად ტოპ ადგილს იკავებს სიკვდილისა და ინვალიდობის გამომწვევ რისკ-ფაქტორებს შორის. მრავალი გამოკვლევის შედეგად, დაბინძურებული ჰაერის ჩასუნთქვა დიდი ხანია აღიარებულია, რომ ზრდის გულის დაავადებების, ქრონიკული რესპირატორული დაავადებების, ფილტვის ინფექციებისა და კიბოს განვითარების რისკებს.
ჯანდაცვის მსოფლიო ორგანიზაციის (WHO) მონაცემებით, ჰაერის დაბინძურება ყოველწლიურად კლავს, დაახლოებით, შვიდ მილიონ ადამიანს, მთელ მსოფლიოში. ძირითადად ინსულტის, გულის დაავადებების, ფილტვის ქრონიკული ობსტრუქციული დაავადების, ფილტვის კიბოსა და მწვავე რესპირატორული ინფექციების გამო.
სტატიაზე მუშაობდა : ლიზი ფირცხალაიშვილი
წყარო : www.tbsnews.net