შანხაი წყლის და ჰაერის დაბინძურების წინააღმდეგ

          შანხაის გარემოს დაცვის ოფიციალური პირების განცხადებით ჰაერის შემცირებული დაბინძურების და სუფთა წყლის წყალობით ქალაქი საცხოვრებლად უკეთესი ხდება.

          იანვრიდან სექტემბრამდე 2.5 მიკრონის მტვრის ნაწილაკების (PM 2.5) საშუალო მაჩვენებელი კუბურ მეტრზე 26 მიკროგრამი იყო, რაც 16%-იანი შემცირებაა. “ძალიან კარგი” და “კარგი” ჰაერის ხარისხის ინდექსი კი დღეთა 91.6%-ში დაფიქსირდა, რაც 5.1%-იანი გაუმჯობესებბა წინა წელთან შედარებით, იუწყება ეკოლოგიის და გარემოს დეპარტამენტი.

          დეპარტამენტის ხუთწლიანი (2021-2025) გეგმის მიზანია, რომ 2025 წლამდე რომ საშუალო წლიური PM2.5 35 მიკროგრამზე ნაკლები იყოს, სტაბილურად “კარგი” ხარისხის დღეები კი წლის სულ მცირე 85%-ს ანუ 310 დღეს შეადგენდეს.

          გარდა ამისა, ქალაქის მმართველობა ცდილობს, გააუმჯობესოს წყლის ხარისხიც. ამ წლის იანვრიდან აგვისტოს პერიოდში ზედაპირული წყლების 77.3%-მა მიიღო შეფასება “კარგი”, 5.1%-იანი ზრდა 2020 წელთან შედარებით.

          2015-დან 2020-მდე შანხაიმ მოახერხა წყლის დაბინძურების პრევენცია და კონტროლი, რამაც წყლის ხარისხი მნიშვნელოვნად გაზარდა. ამ პერიოდში ქალაქის მდინარეთა 95% აკმაყოფილებდა სტანდარტებს. წყლის რესურსების კონტროლის დეპარტამენტი ამოწმებს წყალს დაბინძურებაზე საზოგადოების მოთხოვნის და ფუნქციური ზონების სტანდარტების შესაბამისად.

          ჰუანგპუს მდინარის სათავეებთან არსებული ჯინგჰაოშას, ჩენგჰენგის, დონგფენსიშას და ჯინცას წყლის საცავები 2018 წლიდან ინარჩუნებენ III კლასის სტატუსს. ამ პერიოდშივე ქალაქში აღმოიფხვრა დაბინძურებული და ცუდი მქონეს წყლის მასების პრობლემა.

          III კლასი ხუთსაფეხურიანი კლასიფიკაციის სისტემის მესამე დონის აღმნიშვნელია. ასეთი წყალი სასმელად და თევზის მრეწველობისთვის ვარგისია.

          2020 წლის ბოლოდან ქალაქში, ფაქტობრივად, გაქრა V კლასზე დაბალი ხარისხის მქონე წყალი. ახლა სუფთა მდინარეებში იზრდება თევზი, მათ ნაპირებზე კი ბალახი ხარობს.

          2025 წლამდე წყლის აუზის 60%-ზე მეტის ხარისხი მიაღწევს ან აჯობებს III კლასს, სანაპირო წყლების ხარისხი კი 14%-ით მეტად დასტაბილურდება.

          ქალაქის ეკოლოგიის და გარემოს დაცვის დეპარტამენტი აპირებს სამი კატეგორიის 20 ინდიკატორის მკვეთრად გაუმჯობესებას. ისინი მოიცავს გარემოს ეკოლოგიურ მდგომარეობას, ეკოლოგიურ მართვას და მწვანე და მცირედ ნახშირბადული ინიციატივების განვითარებას.

          ამ ყველაფერთან ერთად შანხაი ქმნის ნარჩენების დახარისხების და რესურსების ეფექტური გამოყენების ეროვნულ მოდელს. 2025 წლისთვის საყოფაცხოვრებო ნარჩენების გადამუშავების მაჩვენებელი 45%-ს გადააჭარბებს.

სტატიაზე მუშაობდა : სოფო ხოხონიშვილი

წყარო : www.shine.cn