ლაჰორი მსოფლიოში პირველ ადგილზეა ჰაერის დაბინძურებით, ნიუ-დელი კი – მეორეზე.

• სმოგი აგრძელებს ლაჰორის ჰაერის დაბინძურებას და იგი რჩება მსოფლიოს ყველაზე ცუდი ჰაერის ხარისხის მქონე ქალაქების სიის სათავეში – გვატყობინებს ARY News
• კვამლი, რომელიც წარმოიქმნება ქარხნების მუშაობისგან, ნარჩენების, ნახშირის, ზეთის, ბორბლებისა და ნაგვის წვისგან, ატმოსფეროში აღწევს და ამის შედეგი თვალსაჩინოა – ამბობენ ექსპერტები.
• ჰაერის დაბინძურების ინდექსი გამოითვლება ხუთი კრიტერიუმის მიხედვით: მიწისპირა ოზონის, PM ნაწილაკების, ნახშირბადის მონოოქსიდის, გოგირდის დიოქსიდისა და აზოტის დიოქსიდის კონცენტრაციით.

საერთაშორისო მედიის ცნობით, ლაჰორი მსოფლიოში ყველაზე დაბინძურებული ჰაერის მქონე ქალაქია. მისი AQI (ჰაერის დაბინძურების ინდექსი) არის 322.  ინდოეთის დედაქალაქი, ნიუ-დელი, მეორე ადგილზე რჩება (AQI – 319). ჩინეთის ქალაქი უხანი კი მესამე ადგილს იკავებს (AQI – 231).

AQI სისტემის თანახმად, ჰაერის დაბინძურების ინდექსი 151-200-მდე ითვლება არაჯანსაღად, 201-დან 300-მდე შედარებით უფრო მავნედ, 300-ზე მეტი კი – მომწამვლელად.

როგორც მედია იუწყება, ინდოეთის ჩრდილოეთ შტატებში მოსავლის ნარჩენებისა და ნაგვის წვა ჰაერის საშინელ დაბინძურებას იწვევს.

ზოგადად ჰაერის ხარისხი ზამთარში უარესდება ზაფხულთან შედარებით, რამაც გამოიწვია ატმოსფეროში მომწამვლელი ნაწილაკების ქვევით გადაადგილება და ატმოსფეროს დაბინძურება. ამის  შედეგად მავნე ნივთიერებების ფენა, მათ შორის დიდი მოცულობით ნახშირბადი და კვამლი, ფარავს ქალაქს.

კვამლი, რომელიც წარმოიქმნება ქარხნების მუშაობისგან, ნარჩენების, ნახშირის, ზეთის, ბორბლებისა და ნაგვის წვისგან, ატმოსფეროში აღწევს და ამის შედეგი თვალსაჩინოა – ამბობენ ექსპერტები.

აქედან გამომდინარე, ჰაერის დაბინძურება უკიდურესად საშიშ დონემდე აღწევს, რაც ატმოსფერული ჰაერის მდგომარეობას ამძიმებს.

ჰაერის დაბინძურების ინდექსი გამოითვლება ხუთი კრიტერიუმის მიხედვით: მიწისპირა ოზონის, PM ნაწილაკების, ნახშირბოდის მონოოქსიდის, გოგირდის დიოქსიდისა და აზოტის დიოქსიდის კონცენტრაციით.

სტატიაზე მუშაობდა : ქეთო გობრონიძე და ნინი თოიძე

წყარო : arynews.tv