საკვები პროდუქტების ხარისხის გასაუმჯობესებლად ახალი სატესტო სისტემა გამოიგონეს

• კომპანია Thermo Scientific-მა განაცხადა რომ მისი ტექნოლოგია QuEChERS (Quick, Easy, Cheap, Efficient, Rugged, Safe – სწრაფი, მარტივი, იაფი, ეფექტური, სანდო, უსაფრთხო) საკვებ პროდუქტებში ქიმიური ნარჩენების რაოდენობის დადგენის ზუსტ და სანდო მეთოდს წარმოადგენს.
• ამ მეთოდით მოხდება საკვები პროდუქტებიდან, ვეტერინარული პრეპარატებიდან და სხვა მრავალი მასალიდან სუფთა სინჯების მიღება ლაბორატორიული კვლევებისათვის.
• მეთოდი უნივერსალურობითა და მაღალი ეფექტურობით გამოირჩევა.
• ახალგაზრდა ანალიტიკოს ქიმიკოსთა ასოციაციამ 48 პრეპარატი შეიმუშავა, რომლებიც საცდელი მასალიდან მარილების განდევნას უზრუნველყოფენ, რათა მოხდეს სუფთა სინჯების მიღება სამომავლო ლაბორატორიული კვლევებისთვის.
• გერმანულ ლაბორატორიაში შემუშავებული პრეპარატები და მეთოდოლოგია ყველა კერძო თუ სახელმწიფო ლაბორატორიებისთვის გახდება ხელმისაწვდომი, რომლებსაც შეეძლებათ გამოიყენონ ზუსტი და სანდო პრეპარატები და უახლესი მეთოდები კვების პროდუქტების უსაფრთხოების დასადგენად.

გერმანიის ქ. ლანგერვეჰეში მდებარე ლაბორატორიის წარმომადგენლებმა განაცხადეს რომ ყველა კერძო თუ სახელმწიფო ლაბორატორიას, რომელიც კვების პროდუქტების ანალიზს აკეთებს, მათი უსაფრთხოების დადგენის მიზნით აწი შეუძლია ისარგებლოს მათ მიერ შემუშავებული მყარფაზოვანი ექსტრაციის მეთოდით (SPE). ეს უკანასკნელი უზრუნველყოფს კვების პროდუქტების უსაფრთხოების დადგენას ევროპისა და აზიის ნორმატივების შესაბამისად.

Thermo Scientific-ის მიერ შემუშავებული QuEChERS-ის მეთოდი უზრუნველყოფს საცდელი მასალის მიღების მარტივ პროცესს, რომლის დროსაც მოხდება საცდელი მასალიდან პესტიციდების ნარჩენების ექსტრაქცია, რათა უფრო სუფთა საცდელი სინჯების მიღება მოხდეს სრული ქრონომატოგრაფული ანალიზისთვის. წინასწარ შემუშავებული მარილების აბსორბენტების ზუსტი რაოდენობის წყალობით საცდელი მასალიდან მარილების განდევნა მოხდება, რის შედეგადაც ლაბორატორიები სანდო და აღდგენად საკვლევ სინჯებს მიიღებენ, რათა დაადგინონ ნამდვილად შეესაბამება კვების პროდუქტები არსებულ ნორმებს, თუ არა. ახალგაზრდა ანალიტიკოს ქიმიკოსთა ასოციაციამ (AOAC) 48 ორიგინალური პრეპარატი და უახლესი საკვლევი მეთოდები შეიმუშავა. მომხმარებლებს შეუძლიათ მათი შეძენა მზა სინჯარებად და აქვთ ფართო არჩევანი. შესაბამისად შეუძლიათ ისეთი მეთოდი და პრეპარატები აირჩიონ, რომლებიც მათ მიზნებს ყველაზე უკეთ შეესაბამება.

„კვების პროდუქტების უსაფრთხოებისადმი მოთხოვნებს სულ უფრო და უდრო ამკაცრებენ. ახალი პრეპარატების ხაზი QuEChERS ლაბორატორიებს უზრუნველყოფს პრეპარატებით, რომლებსაც ისინი საცდელ მასალასთან სამუშაო პროცესში ადვილად გამოიყენებენ, რათა სანდო სინჯები მიიღონ და ზუსტი დასკვნები დადონ კვების პროდუქტების უსაფრთხოების თაობაზე“, განაცხადა კენ მედოუზმა, Thermo Fisher Scientific-ის გლობალურმა წარმოების მენეჯერმა.

Thermo Scientific-ის მიერ შემუშავებული QuEChERS-ის პრეპარატების ხაზი უნივერსალურობით გამოირჩევა, რისი წყალობითაც მისი გამოყენება სხვადასხვა სფეროში შეიძლება, მაგ.: კვების პროდუქტების უსაფრთხოების ანალიზისთვის საცდელი სინჯების მისაღებად, პესტიციდების ნარჩენების რაოდენობის დასადგენად საკვებში, ვეტერინარული პრეპარატების ანალიზისას, მიკო-ტოქსინების რაოდენობის განსაზღვრის მიზნით. საცდელი სინჯების ეფექტურ მომზადებას კრიტიკული მნიშვნელობა აქვს ანალიზის სანდო შედეგების მიღებისათვის. ამიტომაც სინჯების მიღება თხევადი მას-ქრომატოგრაფიის სპექტრული მეთოდით ხორციელდება.  QuEChERS ზრუნავს მომხმარებელთა ჯანმრთელობაზე და იცავს მათ ისეთი საკვები პროდუქტების მიღებისგან, რომლებიც შეიძლება სხვადასხვა მავნე ნივთიერებებს შეიცავდნენ.

სტატიაზე მუშაობდა : ლილიან მეტრეველი

წყარო : www.qualityassurancemag.com