ჰაერის ცუდი ხარისხის გამო იუტას შტატში ადამიანების სიცოცხლის საშუალო ხანგრძლივობა 2 წლით შემცირდა. ახალმა კანონპროექტმა შეიძლება ნათელი მოჰფინოს თუ რა ძვირად უჯდება ეკოლოგიური პრობლემები ადგილობრივ ხელისუფლებას
- იუტას შტატში ჰაერის დაბინძურებისგან ყოველწლიურად 2500-8000-დე ადამიანი იღუპება
- რესპუბლიკელების წარმომადგენელმა ახალი კანონპროექტი შეიმუშავა, რომელიც დაეხმარება კანონმდებლებს უკეთესი ეკოლოგიური პოლიტიკის გატარებაში
- ახალი კანონის მიხედვით სამედიცინო ექსპერტებს იუტას შტატში უფლება ექნებათ გარდაცვალების მოწმობაში შეიტანონ პუნქტი რომ ადამიანის სიკვდილის ერთ-ერთი გამომწვევი მიზეზი დაბინძურებული ჰაერი იყო
ახალი კანონპროექტი ექიმებს უფლებას მისცემს ჩაწერონ გარდაცვალების მოწმობაში რომ სიკვდილის მიზეზი ჰაერის ცუდი ხარისხი იყო.
კვლევების შედეგად დაადგინეს რომ ჰაერის ცუდი ხარისხი ვესეტჩ ფრონთის გაყოლებაზე იქ მცხოვრები ადამიანების სიცოცხლეს საშუალოდ 2 წლით ამცირებს, თუმცა შტატ იუტას მმართველი წრეები არ აგროვებენ ინფორმაციას ცუდი ჰაერის მავნე ზემოქმედების შედეგად დაღუპულების რაოდენობაზე.
სიტუაცია შეიძლება უკეთესისკენ შეიცვალოს რესპუბლიკელთა წარმომადგენლის, სტივენ ჰენდი რ-ლეიტონის მიერ შემოთავაზებული კანონპროექტის წყალობით. თუ კანონპროექტ HB109 -ს დაამტკიცებენ, სამედიცინო ექსპერტი შეძლებს გარდაცვალების მოწმობაში ჩაწერას ჰაერის დაბინძურების მავნე ზემოქმედების შესახებ „თუ ჩათვლის და არგუმენტირებულად დაამტკიცებს რომ სწორედ ჰაერის დაბინძურება იყო სიკვდილის ერთ-ერთი გამომწვევი მიზეზი.“
ჰენდიმ განაცხადა რომ გარდაცვალების მოწმობებიდან შეგროვებული ინფორმაცია დაეხმარება კანონმდებლებს უკეთესი სამომავლო კანონპროექტების შემუშავებაში.
რამდენი ხალხი იღუპება ჰაერის დაბინძურების გამო?
HB109-ის შთაგონების წყარო იყო კვლევა, რომელიც ბრიგან იანგის და იაუტას უნივერსიტეტის მეცნიერებმა ჩაატარეს. მათ მიერ წარმოდგენილი ანგარიშსწორების თანახმად დაბინძურებული ჰაერი ყოველწლიურად 2500-8000-დე ადამიანის ნაადრევი სიკვდილის მიზეზი ხდება იუტას შტატში.
ჰაერის ხარისხის გაუმჯობესების ერთ-ერთ შემაფერხებელ გარემოებად მეცნიერებმა დაასახელეს „უნდობლობა ჰაერის ხარისხის არსებული შეფასებებისადმი, არსებული კვლევების აქტუალურობისა და მათთან დაკავშირებული ხარჯების შესახებ ინფორმაციის ნაკლებობა.“
„თუ შესაბამისი ცნობები გვექნება გარდაცვალების მოწმობებში 5-8 წელიწადში მოვაგროვებთ საკმარის ინფორმაციას უკეთესი კანონპროექტების შემუშავებისთვის“- აცხადებს ჰენდი.
იმავე კვლევაში აგრეთვე ნახსენებია რომ დაბინძურებული ჰაერის მავნე ზემოქმედების შედეგად მთელი მსოფლიოს მასშტაბით ყოველწლიურად 9.2 მილიონი ადამიანი იღუპება. 2020 წელს ლონდონის სასამართლოში დასრულდა პროცესი, რომელიც 2013 წელს გარდაცვლილი გოგონას სიკვდილის მიზეზებს იკვლევდა. ამ პროცესზე დაასკვნეს რომ ჰაერის დაბინძურებამ „მნიშვნელოვანი როლი ითამაშა“ ამ გოგონას გარდაცვალების გამომწვევ მიზეზებში. ჰენდის თქმით ეს ლონდონური სასამრთლო პროცესი კარგი მაგალითია იმისა, თუ რა მიზნებს ისახავს მის მიერ შემუშავებული კანონპროექტი.
სტატიაზე მუშაობდა : ლილიან მეტრეველი
წყარო : www.deseret.com