სახლის 5 მცენარე, რომლებიც ყველაზე მეტ ჟანგბადს წარმოქმნის
· სახლის პირობებში მცენარეთა გასახარებლად ყველაზე მნიშვნელოვან ფაქტორებს შორისაა განათება, ჰაერის ტენიანობა, ტემპერატურა, სივრცე და განლაგება
· აბაზანის გასაფორმებლად საუკეთესო მცენარეებია ალოე ვერა, ბამბუკი, ბეგონია, ბოსტონის გვიმრა, ასპიდისტრა და ჩინური მარადმწვანე
მეტი და მეტი ადამიანი ინტერესდება სააბაზანოს მცენარეებით გაფორმებით. ერთი შეხედვით, ეს საკმაოდ რთულია, თუმცა შეუძლებელი სულაც არ არის. როდესაც სააბაზანოსთვის მცენარეს არჩევ, შემდეგი საკითხები უნდა გაითვალისწინო.
განათება
შუქის ყველაზე ნაკლებად მოყვარულ მცენარესაც კი ესაჭიროება სინათლის წყარო, რათა გაიზარდოს. სააბაზანოების უმრავლესობას ძალიან პატარა სარკმელი აქვს, ზოგიერთს საერთოდ არ აქვს ფანჯარა. ამიტომ, შეგიძლიათ გამოიყენოთ ლუმინესცენციური ნათურები, რომლებიც სინათლის ისეთ ტალღებს ასხივებს, როგორიც მცენარეს გასაზრდელად ესაჭიროება.
ჰაერის ტენიანობა და ტემპერატურა
სააბაზანოში ჰაერის ტენიანობა და ტემპერატურა პირობებია, რომლებიც ბევრი მცენარისთვის ხელსაყრელი არ არის. ეს, როგორც წესი, გამოწვეულია ცხელი წყლის ორთქლისგან, რაც აბაზანაში აუცილებლად ხშირად წარმოიქმნება. სწორედ ამიტომ, სააბაზანოში შეგიძლიათ ტროპიკული მცენარეები განათავსოთ.
სივრცე და განლაგება
სააბაზანოში სივრცე, როგორც წესი, მცირეა. ამის გამო ძალიან მაღალი ან დიდი მცენარე აქ ვერ მოთავსდება. ამიტომაც შეგიძლიათ შეარჩიოთ პატარა მცენარეები, რომელთა ჭერზე დაკიდებაც შეგეძლებათ ან კიდევ ერთი ალტერნატივაა მაღალ თაროზე მოათავსოთ ისეთი მცენარე, რომელიც თავად ჩამოეშვება ქვევით, როგორც მცენარეების ფარდა.
საუკეთესო მცენარეები აბაზანის გასაფორმებლად
ალოე ვერა
ეს არის მცენარე, რომელსაც სხვაგვარად „უკვდავების მცენარესაც“ უწოდებენ. იგი უნიკალურია სახლის პირობებისთვის. ის პირდაპირ აფრქვევს მინერალებსა და ვიტამინებს, მისი გამოყენება შესაძლებელია სამკურნალოდ, გელად, მშრალი კანის საწინააღმდეგოდ, მწერების კბენისგან თავის დასაცავად და ა.შ. საჭიროა მხოლოდ მისი ფანჯარასთან მოთავსება, ხოლო სააბაზანოს ნესტი მას კიდევ უფრო სიცოცხლისუნარიანს გახდის.
ბამბუკი
ბამბუკიც შესაძლებელია სააბაზანოში განვათავსოთ დაბალი, არაპიდაპირი განათების ქვეშ, საინტერესოა, რომ მას არ სჭირდება განვითარებისთვის ნიადაგი. საკმარისია მხოლოდ მისი წვრილი ღერძის კონტეინრეტში მოთავსება და წყლის გამოცვლა ყოველ მეორე ან მეოთხე კვირას. აგრეთვე დროდადრო შეგიძლიათ ის გადაჭრათ, რაც მის ზრდას უფრო დააჩქარებს.
ბეგონია
ბეგონიამ ტენიან ადგილას უნდა გამოიზამთროს, რათა შემდეგ აყვავდეს. ამიტომ სააბაზანო მას იდეალურ გარემოს სთავაზობს. ბეგონიას ხომ ყოველდღიურად ესაჭიროება ტენიანობა.
ბოსტონის გვიმრა
ბოსტონის გვიმრისთვის მშობლიურია სუბტროპიკული და ტროპიკული წვიმის ტყეები. ის მოითხოვს დიდი დოზით ირიბ შუქს/დასხივებას და იდეალურად იზრდება, თუ მოთავსებულია ფანჯრის რაფაზე. ნიადაგი ძირითადად ნესტიანი უნდა იყოს, განსაკუთრებით როცა „ზრდის თვეები“ აქვს. არ დაგავიწყდეთ, რომ ტემპერატურა ამ მცენარისთვის დაახლოებით 13-240C მონაკვეთის ფარგლებში უნდა მერყეობდეს, რათა აყვავდეს.
ასპიდისტრა
ამ მცენარეს შეუძლია არსებობა მაშინაც კი, როდესაც მას სინათლის წყარო თითქმის არ გააჩნია. ის გამძლეა აგრეთვე ექსტრემალური სიცხისა და იშვიათი მორწყვის პირობებშიც კი.
ჩინური მარადმწვანე
ეს ერთ-ერთი ყველაზე გამძლე მცენარეა, რომელიც კი შეიძლება სახლში გაახარო. ის იფურჩქნება ირიბი შუქის ქვეშ და იმდენად მოქნილია, რომ შეუძლია ბევრ, სრულიად განსხვავებულ გარემოში არსებობა.
სტატიაზე მუშაობდა : ნათია კურტანიძე და ნინი თოიძე
წყარო : topnaturalremedy.com