როგორ გავაუმჯობესოთ ურბანული კლიმატი

აპრილი 18, 2021
By GREENPOLE
10 კომენტარი
374 ნახვა

დღესდღეობით, დიდი ქალაქების კლიმატისთვის დამახასიათებელია ჰაერის დამაბინძურებელი ნივთიერებების მაღალი კონცენტრაცია, დაბალი ტენიანობა და ტემპერატურის ექსტრემალური ცვალებადობა. ასეთი კლიმატური პირობები უარყოფითად მოქმედებს მოსახლეობაზე. ნეგატიური გავლენის შემცირებაში განსაკუთრებულ როლს თამაშობს ურბანული გამწვანება, მცენარეები ხელს უწყობს ქალაქის კლიმატის გაუმჯობესებას. ამიტომ გამწვანება პრიორიტეტული უნდა იყოს  ქალაქის დაგეგმარების პროცესში. სამწუხაროდ, მისთვის გამოყოფილი ფინანსები და გასამწვანებელი სივრცეები სულ უფრო და უფრო მცირდება. ამისათვის განვიხილოთ ალტერნატიული ვარიანტები, თუ როგორ უნდა გავამწვანოთ პატარა სივრცეები მაქსიმალურად და მცირე ბიუჯეტის ფარგლებში.

ქალაქების გამწვანებისას დიდი როლი ენიჭება არა მხოლოდ სკვერებს და პარკებს, არამედ უშუალოდ საცხოვრებელ სახლებთან მდებარე მცირე ზომის თავისუფალ სივრცეებსაც. ბოლო პერიოდში, ასევე აქტუალური გახდა ურბანული ბაღჩა, რომელიც ქალაქის მოსახლეობას საშუალებას აძლევს პატარა ფართობზე თავად მოიყვანოს ხილი და ბოსტნეული. ასეთი წერტილოვანი გამწვანება დადებითად მოქმედებს მოსახლეობის როგორც ფიზიკურ, ასევე ფსიქიკურ ჯანმრთელობაზე.

მცენარეების არჩევისას უპირატესობა უნდა მივანიჭოთ ურბანული კლიმატისთვის შესაფერისი ხეების და ბუჩქების სახეობებს. ყველა მცენარე ვერ უძლებს დაბინძურებულ ჰაერსა და დაბალ ტენიანობას. გარდა ამისა, მისი ზოგიერთი სახეობა განსაკუთრებულ მოვლას საჭიროებს. ასეთი მცენარეების დარგვაც ნაკლებად სახარბიელოა. გზის პირას დასარგავად უნდა შეირჩას გამძლე სახეობის მცენარეები, რადგან ასეთ ადგილებში ჰაერი მეტად დაბინძურებულია. ზაფხულში ასფალტიან ადგილას ტემპერატურაც მაღალია და ჰაერიც მშრალი. ამიტომ დასარგავი მცენარეების სახეობები უნდა შევარჩიოთ ადგილმდებარეობის გათვალისწინებით.

სტატიაზე მუშაობდა : მეგი წერეთელი და ვალერი გელოვანი

წყარო : https://abes-online.com/publikationen/ratgeber/zukunftsfaehig-und-nachhaltig-die-gruene-stadt/

ნახვები : 23 წუთის საკითხავი

10 replies added

Leave your comment