GreenPole
  • Donate
  • Menu Canvas
    • მთავარი
    • პროექტები
    • სიახლეები
      • საქართველო
      • მსოფლიო
    • შემეცნებითი
    • ჩვენი გუნდი
    • კონტაქტი
    • ქართული
      • English
  • ძებნა
GreenPole
  • მთავარი
  • პროექტები
  • სიახლეები
    • საქართველო
    • მსოფლიო
  • შემეცნებითი
  • ჩვენი გუნდი
  • კონტაქტი
  • ქართული
    • English
  • ძებნა

ფიჭვნარში ანტიკური ხანის ძეგლის ტერიტორია 10 ჰექტარით შეამცირეს – მიწა კერძო კომპანიისაა

Homepage საქართველო ფიჭვნარში ანტიკური ხანის ძეგლის ტერიტორია 10 ჰექტარით შეამცირეს – მიწა კერძო კომპანიისაა
საქართველო

ფიჭვნარში ანტიკური ხანის ძეგლის ტერიტორია 10 ჰექტარით შეამცირეს – მიწა კერძო კომპანიისაა

აპრილი 18, 2021
By GREENPOLE
0 კომენტარი
596 ნახვა

საქართველოს კულტურული მემკვიდრეობის დაცვის ეროვნულმა სააგენტომ ქობულეთში შეამცირა იმ ტერიტორიის ფართობი, რომელსაც, თითქმის ერთი წლის წინ, ძეგლის სტატუსი თავადვე მიანიჭა – როგორც ფიჭვნარის ნაქალაქარის ნამოსახლარს. ქობულეთ-ფიჭვნარისთვის არქეოლოგიური ზონის სტატუსის მინიჭებას კი არქეოლოგები 2012 წლიდან ითხოვენ.

ტერიტორიის ნაწილი [20 ჰექტარიდან დაახლოებით 14 ჰექტარამდე ფართობი], რომელსაც ძეგლის სტატუსი მიენიჭა, კერძო კომპანიის, შპს „გრინ რეზორტის“ საკუთრებაში იყო.

ძეგლთადაცვის ეროვნული სააგენტოს დირექტორის ახალი ბრძანებით კი, კომპანიის საკუთრებაში მოქცეული ძეგლის ტერიტორია დაახლოებით 4 ჰექტარამდე შემცირდა. ანუ, კომპანიის საკუთრებაში არსებულ 10 ჰექტარამდე ფართობს, ძეგლის სტატუსი მოეხსნა.

ძეგლის სტატუსის მქონე ტერიტორიას ასე თუ ისე კანონი მეტად იცავს. ამჯერად კი, ამ 10 ჰექტარზე [რომელიც ზღვიდან 1 კილომეტრში მდებარეობს] მშენებლობის შემთხვევაში, კომპანიას ძეგლთან დაკავშირებული ვალდებულებები ფაქტობრივად მოეხსნა.

 

ფიჭვნარ-ჩოლოქი.
1. ძეგლის ტერიტორია 2020 წელს [მონიშნულია ოქროსფრად]
2. ძეგლის ტერიტორია ახლა [ოქროსფრად]
3. „გრინ რეზორტის“ საკუთრებაში არსებული ტერიტორია, რომელსაც სააგენტომ ძეგლის სტატუსი მოუხსნა [დაშტრიხულია წითლად]

 

ფიჭვნარის არქეოლოგიურ ზონას ფიჭვნარ-ჩოლოქის დასახლებაში გაცილებით დიდი ფართობი უკავია, თუმცა ძეგლის სტატუსი სააგენტოს დირექტორის 2020 წლის 4 მარტის ბრძანებით მაშინ მხოლოდ 20 ჰექტარამდე ფართობს მიენიჭა.

ამავე სააგენტოს დირექტორის 2021 წლის 25 მარტის ბრძანებით კი, ძეგლის ტერიტორია, მთლიანობაში, დაახლოებით 12 ჰექტარით შემცირდა. სააგენტოს დირექტორის აღნიშნული ბრძანება ორი დღის წინ, 2021 წლის 16 აპრილს გამოქვეყნდა.

ძეგლის ტერიტორიის ნაწილი [ამჯერად 4 ჰექტარამდე ფართობი] იმ 180 ჰექტარში შედის, რომელიც აჭარის მთავრობამ კერძო კომპანია „გრინ რეზორტს“ 2019 წლის მარტში 6 040 265 ლარად მიჰყიდა. ხელშეკრულებით „გრინ რეზორტს“ მისთვის გადაცემულ მიწის ნაკვეთებზე არანაკლებ 250 მილიონი ლარის ინვესტიციის ჩადების ვალდებულება აქვს.

ფიჭვნარის ნაქალაქარის არქეოლოგიური ძეგლი ძვ.წ. XIV- II საუკუნეებით თარიღდება.

სპეციალისტთა შეფასებით, სამხრეთ კავკასიაში ეს ერთადერთი და უნიკალური არქეოლოგიური ძეგლი უყურადღებობით ნადგურდება. სტატუსის გარეშე დარჩენილი რამდენიმე ჰექტარი ტერიტორია ქობულეთის მუნიციპალიტეტში კვლავ რჩება იმ „ცხელ წერტილად“, საიდანაც უკანონოდ ხშირად გააქვთ  ინერტული მასალა.

 

წყარო : https://batumelebi.netgazeti.ge/news/340717/

ნახვები : 338 წუთის საკითხავი

წინა პოსტი
მსოფლიო მოსახლეობის ნახევარი PM2.5 ნაწილაკებისგან დაუცველია
შემდეგი პოსტი
როგორ გავაუმჯობესოთ ურბანული კლიმატი

Leave your comment Cancel Reply

(will not be shared)

ბოლო ჩანაწერები

  • ევროკავშირი შეთანხმდა დასამუხტი ინფრასტრუქტურის განვითარების მიზნებზე
  • ხელოვნურ ინტელექტს შეუძლია ახალი საზომი შექმნას ქარიშხლის მიმართ მდგრადი შენობების დიზაინისთვის
  • NASA და იტალიის კოსმოსური სააგენტო ერთობლივად შეებრძოლებიან ჰაერის დაბინძურებას
  • სატრანსპორტო საცობები გავლენას ახდენენ თქვენს ორგანიზმზე
  • საზოგადოებრივ ტრანსპორტში გადატვირთულობის საკითხი კატასტროფის წინაპირობაა, – აცხადებს ინდოეთის სასამართლო
Alone
  • Call Us: + 995 551 858 858
  • greenpoleorg@gmail.com
  • Tbilisi , Georgia
Copyright ©2020 GREENPOLE. All Rights Reserved
SearchPostsLogin
ორშაბათი, 25, სექ
ევროკავშირი შეთანხმდა დასამუხტი ინფრასტრუქტურის განვითარების მიზნებზე
ორშაბათი, 25, სექ
ხელოვნურ ინტელექტს შეუძლია ახალი საზომი შექმნას ქარიშხლის მიმართ მდგრადი შენობების დიზაინისთვის
ორშაბათი, 18, სექ
NASA და იტალიის კოსმოსური სააგენტო ერთობლივად შეებრძოლებიან ჰაერის დაბინძურებას
ორშაბათი, 18, სექ
სატრანსპორტო საცობები გავლენას ახდენენ თქვენს ორგანიზმზე
სამშაბათი, 12, სექ
საზოგადოებრივ ტრანსპორტში გადატვირთულობის საკითხი კატასტროფის წინაპირობაა, – აცხადებს ინდოეთის სასამართლო
სამშაბათი, 12, სექ
ათეულობით კომპანია, რომლებიც ამაყობს მწვანე სერტიფიკატით, ვერ აგვარებს ბიზნეს ფრენებისას არსებული გამონაბოლქვის პრობლემას

Welcome back,