რა საფრთხეს უქმნის პიროტექნიკა ფრინველებსა და ცხოველებს
ყოველწლიურად, 31 დეკემბრის ღამის 12 საათისთვის, ფოიერვერკებით ვხვდებით ახალ წელს. პიროტექნიკის ხმაური აფრთხობს ქალაქში მცხოვრებ ფრინველებსა და ცხოველებს. ბევრი მათგანისთვის კი ეს ფატალური შედეგით სრულდება.
ინტენსიური ფოიერვერკი, საშუალოდ, 15 წუთი გრძელდება. სანამ ხმაური იკლებს, უამრავი ფრინველი ტოვებს თავშესაფარს, მათი ნაწილი კი უკან ვეღარ ბრუნდება. ზოგიერთი დამფრთხალი ჩიტი 1000 მეტრ სიმაღლეზე მიფრინავს, მაშინ როდესაც, ჩვეულებრივ, 100 მეტრზე დაბლა დაფრინავენ. ასეთ დიდ სიმაღლეზე აფრენისას, ჩიტები ძალიან დიდ ენერგიას ხარჯავენ, რომელიც მათ გამოსაზამთრებლად ძალიან სჭირდებათ. ფოიერვერკის ხმაურისგან და განათებისგან დეზორიენტირებულ ფრინველებს, ახალი თავშესაფრის ძებნა კიდევ უფრო უჭირთ.
გარდა ფრინველებისა, ინტენსიური ხმაური აფრთხობს და აფხიზლებს გამოსაზამთრებლად დაბუდებულ ცხოველებს, მაგალითად ზღარბებს და კუებს. ისინი თავშესაფარს ტოვებენ და შეიძლება დაიღუპონ კიდეც.
ცხოველთა დამცველები მოგვიწოდებენ, უარი ვთქვათ ფოიერვერკებზე. არ გამოვიყენოთ პიროტექნიკა განსაკუთრებით ისეთ ადგილებში, სადაც თავს იყრიან ფრინველები. ისინი გვირჩევენ, ამ თანხით შევიძინოთ ჩიტებისთვის სახლები და ამით, გამოზამთრებაში დავეხმაროთ მათ.
სტატიაზე მუშაობდა : მეგი წერეთელი და ანა კუხაშვილი
წყარო : https://www.lbv.de/ratgeber/naturwissen/gefahr-durch-feuerwerk/