პრეზენტაცია – ეკო ცნობიერების ამაღლება

მოხალისეობრივი მოძრაობა „ჩემი ქალაქი მკლავს“ იბრძვის საქართველოში ეკოლოგიური და სოციალური მდგომარეობის გასაუმჯობესებლად და სწორედ ამ მიზანს ემსახურება მისი თითოეული მოქმედება.

„ჩემი ქალაქი მკლავს“ ხშირად მართავს ეკო რჩევების წიგნის პრეზენტაციას სხვადასხვა სკოლაში, იმისათვის, რომ სკოლის მოსწავლეებში, რომლებიც ჩვენი მომავალი არიან, მოხდეს ეკო ცნობიერების ამაღლება, რაც ჩვენი ქვეყნის ეკოლოგიური მდგომარეობის გაუმჯობესების საწინდარია.

მოძრაობის წევრების მიერ ერთ-ერთი ასეთი პრეზენტაცია ჩატარდა 27 მარტს 113-ე საჯარო სკოლაში. შეხვედრას VIII-XI კლასელები ესწრებოდნენ, სულ 27 მოსწავლე.

სკოლის მოსწავლეებმა მიიღეს მონაწილეობა ჰაერისა და ხმაურის ხარისხის გაზომვაში. აქტივობის ბოლოს კი ტესტირების საფუძველზე გამოვლინდა გამარჯვებულები, რომელთაც „ჩემი ქალაქი მკლავს“-ის გუნდის წევრებმა გადასცეს სერტიფიკატები და ეკო წიგნები.

გამარჯვებულები გახდნენ:

• ჯგუფის ლიდერი – თორნიკე ქობულაშვილი
• უჩა ჯაჭვაძე
• ბექა ბექაური
• ლუკა სამნიანი
• მარიამ ელიზბარაშვილი

გარდა გამარჯვებული მოსწავლეებისა, მოძრაობამ ეკო რჩევების წიგნები აჩუქა სკოლის ბიბლიოთეკასაც.

„ჩემი ქალაქი მკლავს“-მა უკვე 21 საგანმანათლებლო დაწესებულებასა და 636 მოსწავლესთან დაამყარა კომუნიკაცია. მოძრაობის წარმომადგენლების თქმით ისინი გეგმავენ საქართველოს ყველა სკოლასთან თანამშრომლობას და აქტიურად გრძელდება ეკო ცნობიერების ამაღლება.

და ბოლოს, „ჩემი ქალაქი მკლავს“ მადლობას უხდის United for you – ვერთიანდებით შენთვის, რომელიც დაეხმარა ეკო რჩევების წიგნის დაბეჭდვაში.

სტატიაზე მუშაობდა : თაკო ყვავაძე