ნიუ-ჯერსი ცხოველებზე გამოცდილი კოსმეტიკური საშუალებების გაყიდვას კრძალავს

ნიუ-ჯერსიმ, კანონპროექტის 1,000-ზე მეტი თანასპონსორის მხარდაჭერით, აკრძალა ცხოველებზე გამოცდილი კოსმეტიკური საშუალებების გაყიდვა.

ახალი კანონი (S1726) სხვა შვიდ შტატში არსებული კანონის მსგავსია, რადგან საზოგადოება მეტ ინტერესს ავლენს ცხოველებზე დაუტესტავი პროდუქტების მიმართ.

8 ნოემბერს ნიუ-ჯერსის გუბერნატორმა ფილ მერფიმ ხელი მოაწერა კანონპროექტს მას შემდეგ, რაც ის ერთხმად იქნა მიღებული შტატის სენატსა და ასამბლეაში. ეს კანონპროექტი პირველად 2020 წლის თებერვალში შტატის სენატორებმა ჯოზეფ ლაგანამ და ნელი პომ წარადგინეს, თუმცა ის ძალაში 2022 წლის მარტიდან შევა.

„ცხოველების ტესტირება კოსმეტიკაზე უმეტესად მტკივნეული და საზიანოა. უფრო მეტიც, ტესტირების ალტერნატიული მეთოდები, როგორიცაა ხელოვნურად შექმნილი ადამიანის ქსოვილისა და კომპიუტერული მოდელების გამოყენება, ხშირად უფრო იაფი და ზუსტია, ვიდრე ცხოველებზე ტესტირება, ამასთანავე არაძალადობრივიცაა“, – ნათქვამია კანონში.

კანონმდებლობა ეფუძნება რამდენიმე კვლევას, რომელსაც მხარს უჭერენ ამერიკელები, რადგან სურთ, დასრულდეს ცხოველებზე ტესტირება. “Cruelty Free International”-ის 2019 წლის კვლევის მიხედვით, რესპონდენტების 79%-მა მხარი დაუჭირა არაძალადობრივ პრაქტიკას. “The Humane Society”-ის კიდევ ერთმა კვლევამ აჩვენა, რომ რესპონდენტების 67%-ზე მეტს უნდა, რომ შეწყდეს ცხოველებზე ტესტირება. მათ ურჩევნიათ, რომ მკვლევრებმა იპოვონ კოსმეტიკისა და სხვა თავის მოვლის საშუალებების ტესტირების ალტერნატიული მეთოდები.

„ამ კანონპროექტით ნიუ-ჯერსიმ ცნო საზოგადოების აზრი იმაზე, რომ ცხოველებმა კოსმეტიკური პროდუქტებისა და ინგრენდიენტების მათზე გამოცდის გამო არ უნდა იტანჯონ“, – განაცხადა ვიკი კატრინაკმა.

ახალი კანონპროექტი ნიუ-ჯერსის წინა კანონის ვრცელი ვარიანტია, რომელიც კრძალავდა შტატში ცხოველებზე კოსმეტიკის დატესტვას, მიუხედავად იმისა იყო თუ არა ხელმისაწვდომი ალტერნატიული მეთოდები. S1726 კრძალავს შტატში ცხოველებზე დატესტილი კოსმეტიკის გაყიდვას, მაშინაც კი, თუ ეს პროდუქტები სხვაგანაა წარმოებული. კანონის დარღვევა 1,000 დოლარამდე ჯარიმას ითვალისწინებს.

ახლა რვა შტატმა – კალიფორნიამ, ჰავაიმ, ილინოისმა, მეინმა, მერილენდმა, ნევადამ, ნიუ-ჯერსიმ და ვირჯინიამ – ცხოველებზე კოსმეტიკის დატესტავა აკრძალა. ასევე “HSUS”-ი მუშაობს ჰუმანური კოსმეტიკის აქტის მიღებაზე, რომელიც აკრძალავს ცხოველებზე ტესტირებით დამზადებული კოსმეტიკის გაყიდვას და ამ პროცესს ქვეყნის მასშტაბით დაასრულებს.

სტატიაზე მუშაობდა : ანუკი კვეკვესკირი

წყარო : www.ecowatch.com