ნიდერლანდებში უკვე 1,000-ზე მეტი ელექტრო ავტობუსი ოპერირებს
ნიდერლანდებში უკვე 1,000-ზე მეტი ელექტრო ავტობუსი ოპერირებს. 5 წლის განმავლობაში ჰოლანდიაში ავტობუსების 20% გახდა ეკო-მეგობრული. 13 დეკემბრიდან ელექტრო ავტობუსების რიცხვმა მიაღწია 1,163-ს, ანუ 400-ჯერ მეტი, ვიდრე წინა წელს. ახალი ავტობუსების ყველაზე დიდი ნაწილი ეისელ-ფეხტის რეგიონში დადის, სადაც Keolis-ის გადაწყვეტილებით 246 ავტობუსი გადაადგილდება ყოველდღიურად. ინფორმაციას ავრცელებს ჰოლანდიური მედია OVPro, რომელიც ამ მონაცემებს ფირმა CROW-KpVV-სთან კონსულტაციის საფუძველზე იღებს.
ეისელ-ფეხტის შემდეგ, ყველაზე მეტი ელექტრო ავტობუსი დადის გრონინგენ-დენტესა (166) და ამსტელანდ-მერლენდენში (100).
2015 წელს PTA-ის ლიდერები ნიდერლანდებში მივიდნენ გარკვეულ შეთანხმებამდე. 2025 წლიდან მოყოლებული ახლად შეძენილი ავტობუსები შეიძლება იყოს მხოლოდ ეკო-მეგობრული. 2030 წელს კი ყველა ავტობუსი (5000 ერთეული) უნდა იყოს ელექტრო და შიდა წვისგან თავისუფალი.
წინასწარი შეფასებით ელექტრო ავტობუსების რაოდენობა გაიზრდება 500-ით 2021 წელს, მათ შორის ამსტელანდ-მერლენდენის, გოოის, ფეხტის, უტრეხტისა და როტერდამის რეგიონებში. OVPro-ის სტატიაში ვკითხულობთ „CROW აცხადებს, რომ კორონავირუსის მიერ მოყენებული ზარალის შეფასება ჯერ არ მომხდარა, თუმცა 2030 წლის მიზანი, სრულიად ეკო-მეგობრული სატრანსპორტო სისტემის შექმნა, კვლავ ძალაშია“.
სტატიაზე იმუშავა : შაკო ღლონტმა და ნინი თოიძემ