ნიდერლანდები: ბიოდეგრადირებადი ნიღბები დარგვის შემდეგ ყვავილებად გარდაიქმნება
ინოვაციური ხერხი ფუტკრების გასაბედნიერებლად -100 პროცენტით ბიოდეგრადირებადი ნიღბები ყვავილის თესლით, რომლებიც დასარგავად მაშინვე იქნებიან მზად.
იდეის ავტორი, ნიდერლანდებში მცხოვრები გრაფიკული დიზაინერი, მარიენ დე გროტ-პონსი, თავის ვებსაიტზე წერს: „იმ დროის მანძილზე რა დროსაც გრაფიკულ დიზაინერად მიმუშავია, ბევრი ბუნებრივი რესურსი (განსაკუთრებით ქაღალდი) გამომიყენებია, რამაც ნახატებისშექმნის საშუალება მომცა. მინდოდა ბუნებისთვის “სამაგიერო გადამეხადა.” კვირების მანძილზე, ქუჩასა და ტროტუარებზე დაყრილ ერთჯერადი მოხმარების ლურჯ ნიღბებს ვხედავდი, ამიტომ გამიჩნდა იდეა, ნიღბებს ზედ ჰქონოდათ ყვავილის თესლი. ამგვარად დედამიწა, ფუტკრები, ბუნება და ხალხი ბედნიერი იქნებოდა. ნიღბებს ვყიდი სახელით Bee Bloom (ქართ: აყვავდი) და სამყაროც აყვავდება!“
რა დონემდე იცავს ეს ნიღაბი ადამიანს? არის თუ არა შემოწმებული? ეს ნიღაბი ისე იცავს როგორც მზა ნაჭრის ნიღბები. ეს ნიშნავს, რომ მათი გამოყენება, მეტი უსაფრთხოებისთვის, შესაძლებელია სხვა, მეორე ნიღაბთან ერთად. ნიღბის ქსოვილი ბრინჯის ქაღალდია და შეიცავს ყვავილის თესლს, რომლის დანახვა თვალითაც კია შესაძლებელი. წარმოებულია ნიდერლანდებში, ერთ-ერთ პატარა სახელოსნოში.
რეზინის თასმის ნაცვლად მათ აქვთ რბილი, ნამდვილი ცხვრის მატყლისგან დამზადებული თასმა. ყვავილის თესლი ნიღაბში რჩება სპეციალური წყლისა და კარტოფილის სახამებლისგან დამზადებული წებოს დახმარებით. სხვა მდგრად მასალებთან ერთად, რომლითაც ბიოდეგრადირებადი ნიღაბი მზადდება, ლოგოც კი მდგრადი ტუშითაა დაწერილი.
საუკეთესო შედეგისთვის ნიღბები უნდა დაირგას ბაღში ან დიდ ქოთანში. რა თქმა უნდა, შეგვიძლია მათი ნაგავში გადაყრა და ისინი ნაგავსაყრელზე მაინც დაიშლება, მაგრამ სავარაუდოდ, იქ თესლი ლამაზ ყვავილებად ვერ გარდაიქმნება.
სტატიაზე მუშაობდა : გიორგი შაქარაშვილი და ანა კუხაშვილი