ლურჯი ვეშაპი 40-წლიანი გაუჩინარების შემდეგ ესპანეთში ბრუნდება: რას უნდა ნიშნავდეს ეს?

• ორმოცწლიანი გაუჩინარების შემდეგ ლურჯი ვეშაპები ესპანეთის სანაპიროს უბრუნდებიან. 2017 წლიდან ესპანეთის ჩრდილოეთ სანაპიროზე ამ ვეშაპების სამი წარმომადგენელი გამოჩენილა. ბოლო 10 აგვისტოს დააფიქსირეს.

ორმოცწლიანი გაუჩინარების შემდეგ ლურჯი ვეშაპები ესპანეთის სანაპიროს უბრუნდებიან. 2017 წლიდან ესპანეთის ჩრდილოეთ სანაპიროზე ამ ვეშაპების სამი წარმომადგენელი გამოჩენილა. ბოლო 10 აგვისტოს დააფიქსირეს.

„გვინდა სასიხარულო სიახლე გაგაცნოთ: მსოფლიოს უდიდესი არსება და ოკეანის სიმბოლო ბრუნდება!“ – დაწერა ინსტაგრამის პროფილზე BDRI-მ.

National Geographic-ის კვლევის თანახმად, ლურჯი ვეშაპი მსოფლიოს ისტორიაში უდიდესი არსებაა. ის შეიძლება იყოს 100 ფუტი სიგრძის და იწონიდეს 200 ტონას. ამის მიუხედავად, ისინი მეოცე საუკუნეში არაერთხელ გამხდარან ნადირობის ობიექტები. 1966 წლიდან მსოფლიო ორგანიზაციებმა ამ სახეობის დაცვა დაიწყეს, თუმცა დღემდე ის მაინც დაუცველად მიიჩნევა.

1986 წლამდე ესპანეთში ლურჯ ვეშაპებზე აქტიურად ნადირობდნენ, თუმცა შემდეგ გაიაზრეს რეალური საფრთხეები და დამნაშავეების დასჯა დაიწყეს. ამ თარიღიდან მოყოლებული პირველი დაბრუნებული ვეშაპი 2017 წელს შენიშნეს, მეორე – 2018, ხოლო უკანასკნელი – 2020 წელს. მეცნიერებს ჯერჯერობით უჭირთ ამ მოვლენის გამომწვევი ზუსტი ფაქტორების დასახელება, თუმცა დიდია ალბათობა იმისა, რომ ამაში წვლილი კლიმატურ კრიზისს მიუძღვის. შესაძლოა, სხვა ტერიტორიაზე ვეშაპებისთვის გაუსაძლისი საარსებო პირობები შეიქმნა, რის გამოც მათ დაბრუნება მოუხდათ.

მკვლევრები ცდილობენ ფაქტის შესწავლას და რეალური მიზეზების დადგენას, თუმცა აშკარაა, რომ დედამიწაზე დიდი ეკოლოგიური ცვლილებები მიმდინარეობს და რამდენად დადებითი კუთხით შეიცვლება გარემო – ეს კითხვის ნიშნის ქვეშაა.

სტატიაზე მუშაობდა : დეა კუსიანი

წყარო : www.ecowatch.com