აი, რატომ არის გრელანდიაში მოსული ნალექის რეკორდული რაოდენობა უმნიშვნელოვანესი

• ყინულის საფარზე დაახლოებით 7 მილიარდი ტონა წყალი დაიღვარა.
• ”ის, რაც დღეს ხდება, არ არის უბრალოდ თბილი ათწლეული ამ ქაოსური კლიმატის პირობებში. ეს უპრეცედენტოა. ”
• ნალექების მოსვლის თარიღი არის წლის უახლესი მონაცემები, როდესაც მწვერვალის სადგურზე დაფიქსირდა 0 გრადუსზე მაღალი ტემპერატურა.
• CNN-ის ინფორმაციით 2019 წელს გრელანდიაში დაახლოებით 532 მილიარდი ტონა ყინული დადნა.

“უპრეცედენტო მოვლენასთან გვაქვს საქმე”

14 აგვისტოს, აშშ-ის ეროვნული სამეცნიერო ფონდის სამიტის სადგურმა დააფიქსირა წვიმა 3,216 მეტრი (10,551 ფუტი) სიმაღლის მწვერვალზე, რომელიც გაგრძელდა რამდენიმე საათის განმავლობაში.

ყინულის საფარზე დაახლოებით 7 მილიარდი ტონა წყალი დაიღვარა. მსოფლიოში მხოლოდ ყინულის ორი  საფარია (მეორე არის ანტარქტიდაზე).

გრენლანდიის ამინდის მოვლენამ 337,000 კვადრატული მილი (872,000 კვადრატული კილომეტრი) ყინული დაადნო. აშშ-ს  თოვლისა და ყინულის მონაცემთა ეროვნული ცენტრის (NSIDC) თანახმად, ერთ დღეში დაკარგული ყინულის ოდენობა უტოლდება წლის იმავე დროს ერთ კვირის საშუალო ოდენობას.

ტედ სკამბოსი არის კოლორადოს უნივერსიტეტის თოვლისა და ყინულის მონაცემთა ეროვნული ცენტრის უფროსი მეცნიერი. CNN–თან საუბრისას განაცხადა: ”ის, რაც დღეს ხდება, არ არის უბრალოდ თბილი ათწლეული ამ ქაოსური კლიმატის პირობებში. ეს უპრეცედენტოა. ”

დანიის მეტეოროლოგიური ინსტიტუტის მკვლევარმა მარტინ სტენდელმა AFP-ს განუცხადა: ”ეს არის უკიდურესი მოვლენა, რომელიც შეიძლება აქამდე  არასოდეს მომხდარა“.

ნალექების მოსვლის თარიღი არის წლის უახლესი მონაცემები, როდესაც მწვერვალის სადგურზე დაფიქსირდა 0 გრადუსზე მაღალი ტემპერატურა.

სტენდალმა დაადგინა, რომ ბოლო 2000 წლის განმავლობაში მწვერვალზე ტემპერატურის 0 გრადუსს ზემოთ მატება 9-ჯერ დაფიქსირდა.  სამი ასეთი მოვლენა  ბოლო 10 წლის განმავლობაში მოხდა.

ზღვის დონის აწევა

CNN-ის ინფორმაციით 2019 წელს გრელანდიაში დაახლოებით 532 მილიარდი ტონა ყინული დადნა. ივლისის სიცხემ გამოიწვია თითქმის მთლიანი ყინულის ზედაპირის დნობა. შედეგად, ზღვის დონემ 1.5 მილიმეტრით აიწია.

„ჩვენ უკვე შევდივართ იმ რისკ ზონაში, რომელიც ათწლეულების მანძილზე არ გვინახავს და გულწრფელად რომ გითხრათ, ეს არ შეიცვლება მანამ, სანამ არ შევცვლით ჩვენს დამოკიდებულებას ატმოსფერო მიმართ“,- განაცხადა სკამბოსმა

2020 წლის კვლევამ, ლიეჟისა და ოსლოს უნივერსიტეტების მკვლევარების ხელმძღვანელობით, შეისწავლა გრენლანდიაში ყინულის დნობის პროცესი. მკვლევარებმა აღმოაჩინეს, რომ ყინულის მასიური დნობა მომდევნო 80 წლის განმავლობაში ზღვის დონეს 10-18 სანტიმეტრით აწევს. ეს არის 60 პროცენტით უფრო სწრაფი წინა პროგნოზებთან შედარებით.

ადამიანის გავლენა კლიმატის კრიზისზე

გაეროს კლიმატის ცვლილების მთავრობათშორისმა პანელმა (IPCC) ამ თვის დასაწყისში გამოაქვეყნა ანგარიში, რომელიც ასახავს გლობალური კლიმატის საგანგებო სიტუაციის  ტრაექტორიას.

გაეროს გენერალურმა მდივანმა ანტონიო გუტერესმა განაცხადა, რომ ეს ანგარიში უნდა ჩაითვალოს, როგორც “წითელი კოდი კაცობრიობისათვის”. მან ასევე დაამატა: ”განგაშის ზარების ხმა უკვე გამაყრუებელია და მტკიცებულება კიდევ უდაო”.

IPCC სამუშაო ჯგუფის თანათავმჯდომარემ, ვალერი მასონ-დელმოტემ განაცხადა, რომ “ადამიანის გავლენის როლი კლიმატურ სისტემაზე რეალურია და თვალსაჩინო”.

სტატიაზე მუშაობდა : მაია ბურდული და სალომე აბუაშვილი

წყარო : plantbasednews.org