კლიმატის კუთხით გატარებული ღონისძიებები 50%-ით უფრო ეფექტიანია, როცა გათვალისწინებულია ჰაერის დაბინძურება

• ჰაერის დაბინძურება ყოველწლიურად იწვევს 4,2 მილიონზე მეტი ადამიანის სიკვდილს.
• ანგარიშის მოკლე მიმოხილვაში ნათქვამია, რომ კლიმატის პოლიტიკის განსაზღვრის დროს ჰაერის დაბინძურების შემცირება საშუალებას იძლევა გაცილებით დიდი დანაზოგი გაკეთდეს ჯანდაცვის, ეკონომიკური პროდუქტიულობის და უთანასწორობის შემცირების  კუთხით.
• ჰაერის დაბინძურების წინააღმდეგ გასატარებელი ღონისძიებების ჩართვა კლიმატის პოლიტიკის არეალში, ასევე გამორიცხავს არასასურველი შედეგების მიღებას.

ჰაერის დაბინძურება ყოველწლიურად იწვევს 4,2 მილიონზე მეტი ადამიანის სიკვდილს – უფრო მეტი, ვიდრე მალარია, ტუბერკულოზი და აივ/შიდსი ერთად აღებული.

ჰაერის ასეთი დაბინძურება ძირითადად გამოწვეულია წიაღისეული საწვავის წვის შედეგად და ამავე დროს, კლიმატის ცვლილებების ერთ-ერთი მთავარი კატალიზატორია.

თუმცა, ანგარიშში ნათქვამია, რომ გადაწყვეტილების მიმღები პირები ხშირად მათზე ცალ-ცალკე რეაგირებენ და არ ითვალისწინებენ იმ სარგებელს, რომელიც ღონისძიებების სინქრონულად გატარებამ შეიძლება მოიტანოს.

ანგარიშის მოკლე მიმოხილვაში ნათქვამია, რომ კლიმატის პოლიტიკის განსაზღვრის დროს  ჰაერის დაბინძურების შემცირება საშუალებას იძლევა გაცილებით დიდი დანაზოგი გაკეთდეს ჯანდაცვის, ეკონომიკური პროდუქტიულობის და უთანასწორობის შემცირების  კუთხით. ეს კი უნდა გახდეს ბიძგი, რადგან ჰაერის დაბინძურებასა და კლიმატის ცვლილებებთან საბრძოლველად უფრო გაბედული, სწრაფი ნაბიჯები გადაიდგას.

ჰაერის დაბინძურების  გათვალისწინებამ, ასევე შეიძლება  გამოიწვიოს მთელი რიგი გადაწყვეტილებების მიღება, რომლებიც გაზრდიან ემისიების შემცირების პოტენციალს 50%-მდე, თუმცა, ამავე დროს, მთლიან ინვესტიციებზე არ ექნება ნეგატიური გავლენა.

მაგალითად, დადგენილია, რომ ევროკავშირის ქვეყნებში წელიწადში 38-40 მილიარდი ევროს დახარჯვა სათბურის გაზების და ასევე, ჰაერის დაბინძურების კონტროლის მიზნით, ჯანდაცვის სფეროში 157 მილიარდ ევრომდე სარგებელს მოიტანს წელიწადში.

ჰაერის დაბინძურების წინააღმდეგ გასატარებელი ღონისძიებების ჩართვა კლიმატის პოლიტიკის არეალში, ასევე გამორიცხავს არასასურველი შედეგების მიღებას, როგორიცაა მაგალითად, ზოგიერთი ქვეყნის პოლიტიკა ბენზინზე მომუშავე ავტომობილები ჩაანაცვლონ დიზელზე  მომუშავე ავტომობილებით C02 გამონაბოლქვის შემცირების იმედით, მაშინ როდესაც რეალურად იზრდება აზოტის ოქსიდის (NOx) დონე.

ჯეინ ბარსტონმა, „Clean Air Fund“ აღმასრულებელმა დირექტორმა განაცხადა: „რა თქმა უნდა, ნახშირბადის შემცირება უმნიშვნელოვანესია, მაგრამ ეს მხოლოდ ერთი ნაწილია იმ ხარჯებისა და სარგებლის ანალიზისა, რომელსაც მთავრობას მოითხოვს. კლიმატის ცვლილება და ჰაერის დაბინძურება ორივე ძირითადად გამოწვეულია წიაღისეული საწვავის წვით, ამიტომ მთავრობებმა უნდა გაითვალისწინონ, რომ მათი ერთმანეთისგან განცალკევება უბრალოდ წყლის ნაყვაა.

თუ-კი შევაჯამებთ რა სარგებლის  მიღება შეიძლება გრძელვადიან პერსპექტივაში, გადაწყვეტილებების მთელ სპექტრს აღმოვაჩენთ, რომლებიც უკეთესია პლანეტისთვის, უკეთესია ჩვენი ჯანმრთელობისთვის და უკეთესია ეკონომიკებისთვის.  ასე რომ, ჰაერის დაბინძურების წინააღმდეგ ბრძოლა ამომრჩეველთა უმეტესობას აინტერესებს.

„ჩვენ არ გვაქვს ამ პრობლემაზე თვალის დახუჭვის უფლება. კლიმატის ცვლილებების წინააღმდეგ გასატარებელი ღონისძიებები შეფერხდა იმ გაუთვალისწინებელი შედეგების გამო, როგორიცაა, მაგალითად, დიზელის მანქანების მსგავსი აზროვნება. ჩვენ გვჭირდება გადაწყვეტილებები, რომლებიც ყველა ცალკეულ წერტილს ერთმანეთთან დააკავშირებს და უკეთეს შედეგებს მოიტანს ყველა ფრონტზე. და ეს შედეგი იქნება უფრო სწრაფი, სამართლიანი და იაფი კლიმატის გადაწყვეტილებები, რომლებიც საწინდარია უფრო ჯანსაღი და განვითარებული საზოგადოების ჩამოყალიბების. ჩვენ არ გვაქვს უფლება სხვა გზით წავიდეთ.

*ეს პუბლიკაცია ან ვიდეო შექმნილია საქართველოს სტრატეგიული კვლევებისა და განვითარების ცენტრის (CSRDG) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. მის შინაარსზე სრულად პასუხისმგებელია ორგანიზაცია „მწვანე პოლუსი და ჩემი ქალაქი მკლავს“ და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს.
პროექტს “სამოქალაქო საზოგადოების ინიციატივა” ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად – საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

სტატიაზე მუშაობდა : მაია ბურდული და სალომე აბუაშვილი

წყარო : airqualitynews.com

1 თებერვალი 2024 წელი