ეკოლოგიის დეპარტამენტი ფართო საზოგადოებას სთხოვს აზრის გამოთქმას წყლის ხარისხზე
- შტატ ვაშინგტონის ეკოლოგიის დეპარტამენტი კანონში ცვლილებების შეტანას ითხოვს წყლის ხარისხის გასაუმჯობესებლად
- ეკოლოგების კვლევების თანახმად შტატის მდინარეებში ორაგულის პოპულაციის აღსადგენად აუცილებელია წყალში ჟანგბადის დონის აწვა და ასევე ნალექის მინიმუმამდე დაყვანა
- ეკოლოგები მოუწოდებენ ფართო საზოგადოებას ღიად გამოხატოს თავისი მოსაზრება ახალი საკანონმდებლო ცვლილებების შესახებ ფოსტით, ინტერნეტში და ონლაინ სასამართლო სხდომაზე
ეკოლოგიის დეპარტამენტი ფართო საზოგადოებას სთხოვს კომენტარი გააკეთოს შტატში წყლის ხარისხის სტანდარტების შეცვლასთან დაკავშირებით, რადგან სწორედ ამ სტანდარტებით ხდება წყალში მისაღები ჟანგბადის დონისა და წყაროებში ნალექის დონის დაწესება.
ეკოლოგიის მკვლევართა თქმით ცვლილებები აუცილებელია რათა აღდგეს მდინარეებში ორაგულის პოპულაცია.
Ecology-ის პრეს-რელიზში ვკითხულობთ: „ორაგულს ნორმალური არსებობისთვისა და გამრავლებისთვის ცივი და სუფთა წყალი სჭირდება ჟანგბადის მაღალი შემცველობით.“
როდესაც მდინარის ხრეშზე ნალექი იქმნება, წყალი ნორმალურად ვეღარ მოძრაობს, მასში ჟანგბადის დონე ეცემა და ეს საფრთხეს უქმნის ორაგულის ხიზილალასა და ლიფსიტებს. ამ მომეტისათვის შტატის კანონები არაფერს ამბობს მდინარეებში ნალექის შესახებ, ამიტომაც Ecology ითხოვს კანონში დაზუსტებებისა და ცვლილებების შეტანას.
პროექტში ნათქვამია რომ წყალი „არ უნდა შეიცავდეს ნალექს ანტროპოგენულ წყაროებში ისეთ დონეზე, რომელიც წყალში მობინადრე ორგანიზმების არსებობისთვია არახელსაყრელ პირობებს შექმნის.“
მცირე ნალექი გახლავთ 2 მმ-ზე მცირე ზომის ნალექი.
Ecology ითხოვს რომ წყალში ნორმალურ ჟანგბადის დონედ 9.5 მლგ კი არა, 10 მლგ გამოცხადდეს იმ ადგილებში, სადაც ორაგული ბინადრობს. პროექტის ფარგლებში ასევე გაჟღერდა შემოთავაზება ნორმებს დაემატოს წყლის ჟაგბადით 90%-იანი გაჯერების დონე მილილიტრებსა და მილიგრამებიში მისი გაზომვის სანაცვლოდ.
წყლის ჟანგბადით გაჯერების დონის გაზომვა დაგვანახევს, თუ რა რაოდენობის ჟანგბადის შენარჩუნება შეუძლია წყალს კონკრეტული ტემპერატურისა და წნების ზემოქმედების ქვეშ. ეს კი თავისმხრივ დაგვეხმარება დავადგინოთ წყალში გახსნილი ჟანგბადის მცირე რაოდენობის მიზეზები. Ecology-ს თანახმად „ეს ძირითადად დაკავშირებულია წულის ტემპერატურის ზრდასა და მასში მკვებავი ნივთიერებების სიჭადბესთან“.
„ჩვენ გვჭირდება ცვლილებები საკანონმდებლო დონეზე, რათა მიზნობრივად გამოვიყენოთ ინვესტიციები, რომლებსაც ვაშინგტონის შტატის მთავროვა და ადგილობრივი ტომები გვაძლევენ ორაგულების სამკვიდროებში პოპულაციის აღსადგენად“, – განაცხადა პრეს-რელიზში Ecology-ის წყლის ხარისხის გაუმჯობესების პროგრამის ხელმძღვანელმა – ვინს მაკგოუენმა. „ორაგულის პოპულაციის აღდგენისთვის საჭიროა ეს თევზები საკმარისი ჟანგბადის შემცველი წყლითა და სუფთა ტოფობის ადგილებით ვუზრუნველყოთ.“
ხალხს შეუძლია თავიანთი მოსაზრება საკანონმდებლო ცვლილებასთან დაკავშირებით დააფიქსიროს ინტერნეტში, საჯარო სასამართლო სხდომაზე და ფოსტით. კომენტარების მოწოდების ბოლო ვადა 16 დელემბერია. საჯარო სხდომა 8-9 დეკემბერს ონლაინ გაიმართება, ხოლო კომენტარების მოწოდება ხალხს შეუძლია ფოსტით შემდეგ მისამართზე Susan Braley, P.O. BOX 47600 Olympia, WA 98504. Ecology ახალი კანონპროექტის დამტკიცებას 9 მარტისთვის გეგმავს.
სტატიაზე მუშაობდა : ლილიან მეტრეველი
წყარო : tdn.com