კანადის ერთ-ერთ პროვინციაში 2021 წლის ბოლომდე ჭის წყალი უფასოდ შემოწმდება

• სასმელ წყალში შეიძლება იყოს კოლიფორმული ბაქტერიები, ნაწლავის ჩხირი და სხვა მიკროორგანიზმები. იმისათვის, რომ ამან ადამიანის ჯანმრთელობას საფრთხე არ შეუქმნას, წყლის ხარისხის რეგულარული მონიტორინგია საჭირო.
• ლეიქ ქაუნთის ჯანდაცვის დეპარტამენტის ინფორმაციით, პროვინციაში მცხოვრები ოჯახების თითქმის ნახევარს აქვს კერძო ჭა, თუმცა შემოწმების თხოვნით მომართვიანობა საკმაოდ დაბალია.
• იმ შემთხვევაშიც კი, თუ ჭისთვის სხვადასხვა ტიპის ფილტრებისა და გამწმენდების სისტემა არსებობს, რეკომენდირებულია უშუალოდ იმის ცოდნა, თუ რამდენად უსაფრთხოა წყალი დასალევად.

ლეიქ ქაუნთის მაცხოვრებლებს, რომლებსაც კერძო ჭები აქვთ, შეუძლიათ ისარგებლონ წყლის ხარისხის შემოწმების უფასო სერვისით. კერძო ჭები არ არის ისეთი ღრმა, როგორიც საჯარო მოხმარების ჭები, შესაბამისად ასეთ შემთხვევაში დაბინძურების შანსი უფრო მაღალია.

სასმელ წყალში შეიძლება იყოს კოლიფორმული ბაქტერიები, ნაწლავის ჩხირი და სხვა მიკროორგანიზმები. იმისათვის, რომ ამან ადამიანის ჯანმრთელობას საფრთხე არ შეუქმნას, წყლის ხარისხის რეგულარული მონიტორინგია საჭირო. დაბინძურებული წყალი იწვევს კუჭ-ნაწლავის დაავადებებს, დიარეასა და ღებინებას.

კანადის საზოგადოებრივი ჯანდაცვის დეპარტამენტი დეკემბრის ბოლომდე მოემსახურება მსურველებს და შეამოწმებს კერძო ჭების წყლის ხარისხს.

აღსანიშნავია, რომ წყლის ხარისხის შემოწმების სერვისი ყოველთვის არსებობდა ჯანდაცვის დეპარტამენტში, თუმცა წლის ბოლომდე იგი სრულიად უფასო იქნება, რათა უფრო მეტ ადამიანს შეეძლოს მომსახურების მიღება. ადრე მისი ფასი 70 კანადური დოლარი იყო.

ჯანდაცვის სექტორის წარმომადგენლებს არ აქვთ ინფორმაცია ლეიქ ქაუნთის პროვინციის მასშტაბით რაიმე ტიპის სერიოზულ დაბინძურებაზე, თუმცა მსგავსი პროგრამა საჭიროა, რადგან ქუჩებში არსებული ჭებისგან განსხვავებით, რომლებიც რეგულარულად გადის ტესტირებას, კერძო ჭები მხოლოდ დაყენებისას მოწმდება.

ზემოხსენებული დეპარტამენტის ინფორმაციით, პროვინციაში მცხოვრები ოჯახების თითქმის ნახევარს აქვს კერძო ჭა, თუმცა შემოწმების თხოვნით მომართვიანობა საკმაოდ დაბალია.

იმ შემთხვევაშიც კი, თუ ჭისთვის სხვადასხვა ტიპის ფილტრებისა და გამწმენდების სისტემა არსებობს, რეკომენდირებულია უშუალოდ იმის ცოდნა, თუ რამდენად უსაფრთხოა წყალი დასალევად.

ნიმუშის აღების შემდეგ იგი იგზავნება სერტიფიცირებულ ლაბორატორიაში. ტესტირების შედეგებზე დაყრდნობით მომსახურებით მოსარგებლე პირები მიიღებენ სპეციფიკურ რეკომენდაციებს წყლის ხარისხის შენარჩუნებისა თუ გაუმჯობესების მიზნით.

სტატიაზე მუშაობდა : ნინი თოიძე

წყარო : www.ideastream.org