ინდოეთი ყოველწლიურად აღრიცხავს ჰაერის დაბინძურების შედეგად უფრო მეტ დაღუპულს, ვიდრე ნებისმიერი სხვა ქვეყანა
- ახალი მონაცემების თანახმად, 2019 წელს, დაღუპულთა 17.8%-ის სიკვდილის მიზეზი სუბკონტინენტზე ტოქსიკური ჰაერი იყო.
- წამყვანმა სამედიცინო ჟურნალმა გამოაქვეყნა ჰაერის დაბინძურებასთან დაკავშირებული სიკვდილიანობის ანალიზი და აჩვენა, რომ ინდოეთში ჰაერის ცუდი ხარისხის შედეგად უფრო მეტი ადამიანი გარდაიცვალა, ვიდრე ნებისმიერ სხვა ქვეყანაში.
Lancet Planetary Health-ის ანგარიში ახლახანს ხელმისაწვდომი გახდა და აჩვენებს, რომ 2019 წელს ინდოეთში დაღუპულთა 17.8% ბინძური ჰაერის გამო გარდაიცვალა. საერთო ჯამში, ქვეყანაში დაახლოებით 1,7 მილიონი ადამიანი დაიღუპა ტოქსიკური ატმოსფეროს შედეგად, რაც მთელ მსოფლიოში ჰაერის დაბინძურების შედეგად დაღუპულთა რაოდენობის დაახლოებით 1/6 იყო. ამაში ყველაზე დიდი წვლილი ბიომასის წვას შინამეურნეობებში მიუძღვის, რასაც შემდეგ ნახშირის წვა და მოსავლის წვა მოჰყვა.
მიუხედავად იმისა, რომ ყველაზე დიდი გავლენა ჰაერის დაბინძურებაზე ჰქონდა ბიომასის წვას შინამეურნეობებში, რასაც შედეგად მოჰყვა ქვანახშირისა და მოსავლის წვა, მოხსენებაში აღნიშნულია, რომ დაღუპულთა რიცხვი, რომლებიც პირდაპირ კავშირშია ბინძურ ჰაერთან, შემცირდა, სამაგიეროდ გაიზარდა სამრეწველო დაბინძურების შედეგად სიკვდილიანობა. მოხსენება ასევე განსაზღვრავს ინდო-განგეტის დაბლობს, როგორც ინდოეთში ჰაერის ყველაზე მძიმე დაბინძურების მქონე რეგიონს, რომელიც მოიცავს დედაქალაქ ნიუ დელის და რამოდენიმე სხვა დიდ ქალაქს, მათ შორის კოლკატას. ბანგლადეშის დედაქალაქი დაკა და პაკისტანის სიდიდით მეორე მეტროპოლი ლაჰორი ასევე ამ მხარეშია.
უკვე 2022 წელს დაფიქსირდა რეკორდული სიცხის ტალღები ინდოეთში, აპრილში კი ტემპერატურა თითქმის 38 C-ს აღწევს. ტყის ხანძრებმა უზარმაზარი პრობლემები გამოიწვია, გაზაფხულზე ერთ კვირაში 277 დიდი ხანძარი დაფიქსირდა, რამაც კიდევ უფრო შეუწყო ხელი ჰაერის დაბინძურებას. თებერვალში, გაერომ გააფრთხილა ტყის ხანძრების 50%-ით გაზრდის შესახებ საუკუნის ბოლომდე, რამაც გამოიწვია ყურადღების გამახვილება კლიმატის სპირალურ კრიზისთან დაკავშირებით.
სტატიაზე მუშაობდა : მიშო მაისურაძე
წყარო : airqualitynews.com