ჰაერის დაბინძურებით გარდაცვლილი ცხრა წლის გოგონას დედა ფულს აგროვებს ქანდაკებისთვის , რომელიც დამაბინძურებელ ნაწილაკებს შეიწოვს.

• ჰაერის დაბინძურებით გარდაცვლილი ცხრა წლის ელას დედა ,როზამუნდ კისი-დებრა,აგროვებს ფულს მემორიალური ქანდაკებისთვის, რომელიც ჰაერის დამაბინძურებელ ნაწილაკებს შთანთქავს .

• „ჩვენ გვჭირდება მეტი საუბარი ჰაერის დაბინძურებაზე, რათა გავიგოთ, რამდენად მავნეა ეს ჩვენი ჯანმრთელობისთვის“_თქვა როზამუნდმა.

• გოგონას დედა იმედოვნებს, რომ შეაგროვებს 75000 ფუნტს ნამუშევრისთვის.პროექტისთვის უკვე შეგროვდა 3000 ფუნტზე მეტი.

როზამუნდ კისი-დებრა, ცხრა წლის ელას  დედაა,რომელიც ჰაერის დაბინძურებისგან გარდაიცვალა.იგი  აგროვებს ფულს მემორიალური ქანდაკებისთვის, რომელიც ჰაერის დამაბინძურებელ ნაწილაკებს შეიწოვს.

ქანდაკება გამოიფინება მაუნცფილდის პარკში, ლუიშამში, სადაც ელა ხშირად თამაშობდა ბავშვობაში.

როზამუნდი იმედოვნებს, რომ შეაგროვებს 75000 ფუნტს ნამუშევრისთვის, რომელიც აჩვენებს მძინარე ელსა  სახეს  ბუნებაში ,გარშემორტყმულს ოცნებით. პროექტისთვის უკვე შეგროვდა 3000 ფუნტზე მეტი.

სკულპტურა დამზადდება „NOXTEKTM“ მასალისგან, რომელიც შეიწოვს აზოტის დიოქსიდის (NO₂) დაბინძურებას.

მას დაამზადებს სიდენჰემელი მოქანდაკე და მეცნიერი,დოქტორი ჟასმინ პრასდისიტო. ჟასმინმა თავის ვაჟთან ერთად, ბოლო 5 წელი გაატარა ამ მასალის კვლევა_ დამუშავებაში.საბოლოოდ,სკულპტურა დამზადდება   კომპანია „Alsitek“-ის მიერ , სპეციალურად მხატვრისთვის შექმნილი ამ მასალით ,რომელსაც  შეუძლია წონის 15%-ის NO₂  შთანთქმა, ანუ 3 კგ. სკულპტურას შეუძლია საშუალო ზომის ოთახის გაწმენდა 60 წლის განმავლობაში.

სკულპტურა  ადამიანის სიმაღლე  იქნება და განთავსდება ველური მდელოზე,ყვავილებით სავსე მინდორში, რომელიც განკუთვნილია ქალაქში ბიომრავალფეროვნების დასაბრუნებლად. გაწმენდს მიმდებარე ტერიტორიის ჰაერს ,ასევე  შექმნის დატვირთულ გარემოში  ჯანსაღ სივრცეს მშვიდი ფიქრისა და დასვენებისთვის.

„მადლიერი ვიქნები ყველა შემოწირულობით, იქნება ეს სასკოლო ტორტების გაყიდვა თუ სპონსორული სკაუტი. სამხრეთ ლონდონში მცხოვრებ ადამიანებს  სურთ ჩაერთონ ამ პროცესში, რაც განსაკუთრებით მნიშვენლოვანია მათი ცნობიერების ამაღლებისთვის, თუ რამდენად საშინელი შედეგი შეიძლება მოიტანოს  ჰაერის დაბინძურებამ ამ მხარეში. ეს პროცესი მნიშვნელოვანია ჩემთვის ,ისევე როგორც კონკრეტულად ამ   ქანდაკების გაკეთება. ჩვენ გვჭირდება მეტი საუბარი ჰაერის დაბინძურებაზე, რათა გავიგოთ, რამდენად მავნეა ეს ჩვენი ჯანმრთელობისთვის.“_თქვა  როზამუნდმა

თანხის გადმოსარიცხად (შესაწირად) დააჭირეთ ბმულს: https://www.gofundme.com/f/first-breathe-for-our-future-ancestor

ამ ამბის შესახებ, გასული წლის ბოლოს, „Air Quality News“-მა ინტერვიუ ჩაატარა როზამუნდ კისი-დებრას კორონორის მოხსენების შემდეგ, რომლითაც დაადგინა, რომ ჰაერის დაბინძურებამ “დიდი წვლილი შეიტანა” მისი ქალიშვილის სიკვდილში.

სტატიაზე მუშაობდა : ქეთო გობრონიძე და ანა ახალაძე

წყარო : airqualitynews.com