GreenPole
  • Donate
  • Menu Canvas
    • მთავარი
    • პროექტები
    • სიახლეები
      • საქართველო
      • მსოფლიო
    • შემეცნებითი
    • ჩვენი გუნდი
    • კონტაქტი
    • ქართული
      • English
  • ძებნა
GreenPole
  • მთავარი
  • პროექტები
  • სიახლეები
    • საქართველო
    • მსოფლიო
  • შემეცნებითი
  • ჩვენი გუნდი
  • კონტაქტი
  • ქართული
    • English
  • ძებნა

ჰაერის დაბინძურების ყველა „ცხელი წერტილი“ NCR-ის რეგიონში „მწვანე წერტილად“ გადაიქცევა

Homepage მსოფლიო ჰაერის დაბინძურების ყველა „ცხელი წერტილი“ NCR-ის რეგიონში „მწვანე წერტილად“ გადაიქცევა
მსოფლიო

ჰაერის დაბინძურების ყველა „ცხელი წერტილი“ NCR-ის რეგიონში „მწვანე წერტილად“ გადაიქცევა

მაისი 14, 2022
By GREENPOLE
0 კომენტარი
156 ნახვა
  • გურუგრამში გამოვლინდა 18 ადგილი, როგორც სატრანსპორტო საშუალებებისა და გზებზე გადატვირთული მოძრაობის „ცხელი წერტილები“
  • ზომები, რომელთა მიღებასაც მთავრობა გეგმავს, ჰაერის დაბინძურების „ცხელი წერტილების“ „მწვანე წერტილებად“ გადასაქცევად, არის გამწვანება, სამრეწველო და ტრანსპორტის გამონაბოლქვის კონტროლი, სამშენებლო და მყარი მასალების ნარჩენების მართვა

ჰარიანას მინისტრმა მანოჰარ ლალ ხათარმა განაცხადა, რომ ჰაერის დაბინძურების ყველა ”ცხელი წერტილი“ ეროვნული დედაქალაქის რეგიონში (NCR) ჰაერის დაბინძურებასთან საბრძოლველად „მწვანე წერტილად“ გადაიქცევა. გურუგრამში შტატის ჰაერის დაბინძურების კონტროლის საბჭომ გამოავლინა 18 ადგილი, როგორც სატრანსპორტო საშუალებებისა და გზებზე გადატვირთული მოძრაობის „ცხელი წერტილები“.

„დელის შემდეგ ესენია ყველაზე მეტად დაბინძურებული ზონები. ჩვენ მივიღეთ რამდენიმე ინიციატივა, რათა შევამოწმოთ ჰაერის ხარისხი NCR-ის (ინდოეთის რამდენიმე ქალაქის გაერთიანება, მათ შორისაა გურუგრამი) რაიონებში.

ჩვენ ასევე ვმუშაობთ, რათა ჰარიანაში შევამციროთ მოსავლის შემდგომი ნარჩენის წვა. ყველა ამ რაიონში ჩვენ გამოვავლინეთ დაბინძურების „ცხელი წერტილები“ და ვგეგმავთ, გადავაქციოთ ეს ადგილები „მწვანე წერტილებად“, – განაცხადა ხათარმა.

ამის შესახებ პრემიერმა გურუგრამში ჰაერის ხარისხის მართვის კომისიისა და NCR-ის  გარემოს დაცვის სამინისტროს მიერ ორგანიზებულ ორდღიან („დიალოგი სუფთა ჰაერის ინიციატივასთან დაკავშირებით“) საინაუგურაციო სხდომაზე გამოსვლისას განაცხადა.

ხათარმა თქვა, რომ ზომები, რომელთა მიღებასაც მთავრობა გეგმავს, რათა დაბინძურებული ჰაერის „ცხელი წერტილები“ გადააქციოს „მწვანე წერტილებად“, არის გამწვანება, სამრეწველო და ტრანსპორტის გამონაბოლქვის კონტროლი, სამშენებლო და მყარი მასალების ნარჩენების მართვა.

მთავრობის ოფიციალური პირების თქმით ჰარიანას 22 რეგიონიდან 14 (ანუ შტატის 60%-ზე მეტი) “NCR”-ში მდებარეობს.

მინისტრმა ასევე თქვა, რომ მთავრობამ უკვე შეიმუშავა პოლიტიკა, რომელიც ავალდებულებს ემისიის ონლაინმზომი მოწყობილობის დაყენებას NCR-ის რაიონის ყველა მრეწველობაში, რათა გააკონტროლოს სამრეწველო დაბინძურება. ეს მოწყობილობები დაკავშირებულია „დაბინძურების კონტროლის ცენტრალურ საბჭოსა“ და „ჰარიანას შტატის დაბინძურების კონტროლის საბჭოს“ სერვერებთან, სადაც ოფიციალური პირები დაბინძურების მონაცემებს ყოველდღე აკონტროლებენ.

NCR-ის გარემოს დაცვის მინისტრმა განაცხადა, რომ ამ რეგიონში დაბინძურების პრობლემის გადასაჭრელად ხელისუფლებამ ქალაქის ადგილობრივი გეგმების შემუშავებაზე უნდა გაამახვილოს ყურადღება.

“არავალის ქედი იცავს NCR-ის რეგიონს და საჭიროა მუშაობა არსებული ეკოსისტემის დასაცავად. ჩვენ ასევე უნდა ვიმუშაოთ მტვრის მართვის მიმართულებითაც გამწვანების ხელშეწყობის გზით. ამის მისაღწევად შესაძლებელია მიკროსამოქმედო გეგმების შემუშავება. ჩვენ აუცილებლად უნდა გავზარდოთ მწვანე საფარი სკოლებსა და ურბანულ ტერიტორიებზე,“ – თქვა იადავმა.

ავიკალ სომვაშმა, მდგრადი ქალაქების პროგრამის მენეჯერმა, თქვა: „გამწვანების აქტივობები ურბანულ ადგილებში მწვანე საფარის გასაზრდელად, ან მტვრის კონტროლის ღონისძიებებს, ნამდვილად შეუძლია, შეამციროს PM10-ის დონე. მაგრამ ჩვენ საქმე გვაქვს შედარებით მცირე ნაწილაკებთან, როგორიცაა PM2.5 და სხვა დამაბინძურებლები, მაგალითად: ოზონი, აზოტისა და გოგირდის დიოქსიდი. ეს ყველაფერი მომდინარეობს წვისა და სატრანსპორტო გამონაბოლქვიდან და არის კრიტიკული, რადგან ეს ფაქტორები აყენებს ყველაზე დიდ ზიანს ჯანმრთელობას. ამის გასაკონტროლებლად, აუცილებელია კონკრეტული გეგმის არსებობა, რათა წვის წყაროებისა და გაზრდილი საჯარო ტრანსპორტიდან გამონაბოლქვი გაკონტროლდეს. PM10-ის დონის დაწევა კარგია, მაგრამ საზოგადოებრივი ჯანმრთელობისთვის სარგებლის მოსატანად ასევე აუცილებელია, კონტროლდებოდეს PM2.5-ის დონე“.

სტატიაზე მუშაობდა : ანუკი კვეკვესკირი

წყარო : www.hindustantimes.com

ნახვები : 48 1 წუთის საკითხავი

წინა პოსტი
ექსპერტები ბრიტანელებს აფრთხილებენ არ ააშენონ სახლები “ჰაერის დაბინძურების ეპიცენტრებში”
შემდეგი პოსტი
დელიში, ბოლო ხუთი წლის განმავლობაში ზომიერი ჰაერის ხარისხის დღეების რაოდენობა გაიზარდა – DPCC თავმჯდომარე

Leave your comment Cancel Reply

(will not be shared)

ბოლო ჩანაწერები

  • #LivesCutShort კამპანია: ჯანმრთელობა უდრის სუფთა ჰაერს
  • რა ემართება ოსტინის გზების განაპირას დაყრილ ხის ტოტებს
  • საცობები, დაბინძურება, საგზაო ავარიები – შეუძლია თუ არა ტექნოლოგიას ურბანული ტრანსპორტის პრობლემების მოგვარება?
  • ევროკავშირი შეთანხმდა დასამუხტი ინფრასტრუქტურის განვითარების მიზნებზე
  • #არაქვაჭრა – თბილისში ქვის მშრალი მეთოდით დამუშავების ექვსთვიანი მონიტორინგის შეჯამება
Alone
  • Call Us: + 995 551 858 858
  • greenpoleorg@gmail.com
  • Tbilisi , Georgia
Copyright ©2020 GREENPOLE. All Rights Reserved
SearchPostsLogin
პარასკევი, 2, ივნ
#LivesCutShort კამპანია: ჯანმრთელობა უდრის სუფთა ჰაერს
ორშაბათი, 29, მაი
რა ემართება ოსტინის გზების განაპირას დაყრილ ხის ტოტებს
ორშაბათი, 29, მაი
საცობები, დაბინძურება, საგზაო ავარიები – შეუძლია თუ არა ტექნოლოგიას ურბანული ტრანსპორტის პრობლემების მოგვარება?
სამშაბათი, 16, მაი
ევროკავშირი შეთანხმდა დასამუხტი ინფრასტრუქტურის განვითარების მიზნებზე
ორშაბათი, 15, მაი
#არაქვაჭრა – თბილისში ქვის მშრალი მეთოდით დამუშავების ექვსთვიანი მონიტორინგის შეჯამება
პარასკევი, 12, მაი
დუშეთში ჩატარდა სამუშაო შეხვედრა არაგვის სანიტარული დაცვის ზონების საკითხზე

Welcome back,