დელიში, ბოლო ხუთი წლის განმავლობაში ზომიერი ჰაერის ხარისხის დღეების რაოდენობა გაიზარდა – DPCC თავმჯდომარე

• დელიში, ბოლო ხუთი წლის განმავლობაში, კარგი, დამაკმაყოფილებელი და ზომიერი ჰაერის დღეების რაოდენობა  გაიზარდა.
• DPCC დაბინძურების შეკავების სხვადასხვა ზომებს უწევს რეკომენდაციას, მაგალითად ისეთი მიზეზების გააზრებას, როგორიცაა მდებარეობა, ექსტრემალური ამინდი და დაბინძურების ტრანსსასაზღვრო მოძრაობა, რის გამოც დელი ქვეყნის ერთ-ერთ ყველაზე დაბინძურებულ ქალაქად იქცა.
• დელი მსოფლიოს ყველაზე დაბინძურებულ დედაქალაქად დასახელდა ახალ ანგარიშში, რომლის მიხედვითაც ინდოეთი 2020 წელს ჰაერის ხარისხის მიხედვით 106 ქვეყნიდან 104 ადგილზეა

ნიუ-დელი, 8 მარტი (KNN) დელის დაბინძურების კონტროლის კომიტეტის (DPCC) თავმჯდომარემ, სანჯიევ ხირვარმა (Sanjeev Khirwar) განაცხადა, რომ დელიში, ბოლო ხუთი წლის განმავლობაში, კარგი, დამაკმაყოფილებელი და ზომიერი ჰაერის დღეების რაოდენობა გაიზარდა. მან ეს განცხადება ორშაბათს, ცენტრალური მთავრობის პანელის ჰაერის ხარისხისა და კავშირის გარემოს დაცვის სამინისტროს (CAQM) მიერ მოწყობილ ორდღიან ღონისძიებაზე „დიალოგი სუფთა ჰაერზე“ გააკეთა.

DPCC დაბინძურების შეკავების სხვადასხვა ზომებს უწევს რეკომენდაციას, მაგალითად,  ისეთი მიზეზების გააზრებას, როგორიცაა მდებარეობა, ექსტრემალური ამინდი და ტრანსსასაზღვრო მოძრაობა, რის გამოც დელი ქვეყნის ერთ-ერთ ყველაზე დაბინძურებულ ქალაქად იქცა.

ხირვარმა ყურადღება გაამახვილა ჰაერის ხარისხის დეტალურ მონიტორინგსა და პროგნოზირებაზე ”მიღებული ზომების საფუძვლიან კვლევა და მონაცემების შეჯერება აუცილებელია წყაროს გასათავისებლად” – დასძინა მან.

დელი მსოფლიოს ყველაზე დაბინძურებულ დედაქალაქად დასახელდა ახალ ანგარიშში, რომლის მიხედვითაც, ინდოეთი 2020 წელს ჰაერის ხარისხის მდგომარეობით 106 ქვეყნიდან 104 ადგილზეა.

PM 2.5-ის საშუალო კონცენტრაცია დელიში 2020 წლის მონაცემებით 84.1 მკგ/მ³ იყო, რაც 92 დედაქალაქის მაჩვენებელთა შორის ყველაზე მაღალია – აღნიშნულია შვეიცარიული ტექნოლოგიური კომპანიის IQAir-ის მსოფლიო ჰაერის ხარისხის ანგარიშში. (KNN ბიურო)

სტატიაზე მუშაობდა : თეონა ქავთარაძე და ლიზი უგულავა

წყარო : knnindia.co.in