ექსპერტები ბრიტანელებს აფრთხილებენ არ ააშენონ სახლები “ჰაერის დაბინძურების ეპიცენტრებში”
- ლონდონში სკოლებსა და სახლებს ჰაერის დაბინძურების ეპიცენტრებში აშენებენ, რასაც ცუდი ზეგავლენა აქვს ბავშვების ჯანმრთელობაზე.
- ბავშვების კონტაქტი მაღალი დაბინძურების დონის მქონე ჰაერთან იწვევს „დაავადებული მოქალაქეების რაოდენობის ზრდას“, რაც მომავალში ლონდონს უფრო დაუცველს გახდის დაავადებების მიმართ.
- ექსპერტები ამბობენ რომ ახალი სკოლები, ან ახალგაზრდა ოჯახებისთვის იაფი და ხელმისაწვდომი საცხოვრებელი სახლები, არავითარ შემთხვევაში უნდა აშენდეს ჰაერის დაბინძურების ეპიცენტრად ცნობილ ადგილებში.
ლონდონის ასამბლეას განუცხადეს რომ ახალი სკოლები და ხელმისაწვდომი საცხოვრებლები, რომლებიც განკუთვნილია ახალგაზრდა ოჯახებისთვის, არ უნდა აშენდეს „ცნობილ დაბინძურების ეპიცენტრებში“.
ასამბლეის გარემოს დაცვის კომიტეტის შეხვედრაზე სიტყვით გამოსვლისას დოქტორმა იან მადვეიმ ლონდონის იმპერიული კოლეჯიდან საზოგადოება გააფრთხილა რომ ჰაერის დაბინძურებასთან დაკავშირებული ჯანმრთელობის გრძელვადიანმა რისკებმა უნდა აიძულოს ადგილობრივი ხელისუფლება დაფიქრდეს, თუ სად აშენებს სკოლებსა და სახლებს.
ასამბლეას განუცხადეს რომ გასული ათწლეულის კვლევები ადასტურებენ, თუ რამდენად დიდი ზიანი მოაქვს ბავშვების ჯანმრთელობისთვის მაღალი დაბინძურების დონის ჰაერთან კონტაქტი. ყოველივე ეს იწვევს „დაავადებული მოქალაქეების რაოდენობის ზრდას“, რაც მომავალში ლონდონს უფრო დაუცველს გახდის დაავადებების მიმართ.
დოქტორმა მადვეიმ თქვა: „ვიცით რომ არსებობს კავშირი ჰაერის ცუდ ხარისხსა და ბავშვთა რესპირატორულ ჯანმრთელობასა და განვითარებას შორის გრძელვადიან პერსპექტივაში. ჩვენ არავითარ შემთხვევაში არ უნდა ავაშენოთ ახალი სკოლები ან ახალგაზრდა ოჯახებისთვის იაფი და ხელმისაწვდომ საცხოვრებლები ჩვენი ქალაქის ჰაერის დაბინძურების ეპიცენტრად ცნობილ ადგილებში.“
„ვიცი, რომ აქ არის რამდენიმე კონფლიქტური და ურთიერთგამომრიცხავი საკითხი, მაგრამ მე შემიძლია მრავალი ადგილი მიგითითოთ ლონდონში, სადაც სახლების და სკოლების აშენება ბევრად უკეთესი იქნებოდა. თუ მართლა ზრუნავთ ბავშვების ჯანმრთელობაზე, ახალგაზრდა ოჯახებისთვის განკუთვნილ იაფ საცხოვრებელ სახლებსა და სკოლებს იქ არასოდეს ააშენებდით, სადაც ჰაერი ისეთი დაბინძურებულია.“
სტატიაზე მუშაობდა : ანა ქავთარაძე
წყარო : airqualitynews.com