ჰაერის დაბინძურება გავლენას ახდენს შემეცნებაზე

• კარნეგი მელონის უნივერსიტეტის მკვლევრების აზრით, მტვრის მყარი ნაწილაკების (PM2.5) ზემოქმედება აზიანებს მოზარდების კოგნიტურ ფუნქციას.
• კოლუმბიის უნივერსიტეტის მეილმანის საზოგადოებრივი ჯანმრთელობის სკოლის მკვლევრებმა, დაადგინეს, რომ ჰაერის დაბინძურების მოკლევადიანმა ზემოქმედებამ შეიძლება ხანდაზმულ მამაკაცთა შემეცნებითი უნარი შეაფერხოს.

4,6 მილიონი Lumosity–ის შვიდი თამაშის მომხმარებლებზე დაკვირვების შედეგად, მიღებული მონაცემების გამოყენებით, მკვლევრებმა შეისწავლეს PM2.5 ნაწილაკების გავლენა შვიდ კოგნიტურ სფეროში: ვერბალური, ყურადღება, მოქნილობა, მეხსიერება, მათემატიკა, სიჩქარე და პრობლემების გადაჭრა.

მკვლევრებმა დაადგინეს, რომ ამ შვიდ სფეროს შორის, მეხსიერებაზე ყველაზე ძლიერ გავლენას ახდენდა. ავტორებმა აღნიშნეს, რომ ამას გავლენა აქვს ისეთ პროფესიებზე, რომლებიც, სავარაუდოდ განიცდიან PM2.5 მყარი ნაწილაკების დიდ ზემოქმედებას.

ავტორებმა ასევე დაადგინეს, რომ PM2.5 მაღალი დონის ზემოქმედება, ამძაფრებს შემეცნებითი უნარების უთანასწორობას.

ეს ნიშნავს, რომ დაბალი შესაძლებლობის მქონე პირები შეიძლება ყველაზე მეტად დაზარალდნენ მყარი ნაწილაკებით. მკვლევრებმა ხაზი გაუსვეს, რომ ეს დამადასტურებელი მტკიცებულებაა იმისა, რომ ინვესტიციები გარემოს ხარისხში პროგრესულია, რაც მნიშვნელოვანი აღმოჩენაა შეერთებულ შტატებში, შემოსავლების უთანასწორობის ბოლოდროინდელი ზრდის ფონზე.

ანალიზმა ასევე ცხადყო, რომ 50 წლამდე ასაკის პირები – მშრომელ ასაკში მყოფი მოსახლეობა, შეიძლება ყველაზე მეტად დაზარალდნენ ჰაერის დაბინძურების თანამედროვე ზემოქმედებით.

ამ მიგნებებზე დაყრდნობით, ავტორებმა დაასკვნეს, რომ PM2.5 მნიშვნელოვან გავლენას ახდენს, თუნდაც არსებულ 24–საათიან გარემოს დაცვის სააგენტოს ჰაერის ხარისხის სტანდარტებზე (35მკგ/მ3) და მსოფლიო ჯანდაცვის ორგანიზაციის (WHO) ჰაერის ხარისხის სახელმძღვანელო მნიშვნელობაზე (25 მკგ /მ 3).

ავტორების თქმით, ეს მიგვანიშნებს იმაზე, რომ ამ ნიშნულების შემცირებით, შეიძლება დამატებითი სარგებლის მიღება.

კვლევაში ნათქვამია: ”პოლიტიკოსებმა უნდა გაითვალისწინონ გარემოზე მიყენებული ზიანის გავლენა, როდესაც შეიმუშავებენ ახალგაზრდების სამუშაო ძალად გარდაქმნის პოლიტიკას და უფროსი ასაკის მუშაკების გადამზადების დროს, რათა წარმატებით შეიცვალონ კარიერა.”

ამასთან დაკავშირებით, კოლუმბიის უნივერსიტეტის მეილმანის საზოგადოებრივი ჯანმრთელობის სკოლის მკვლევრებმა, დაადგინეს, რომ ჰაერის დაბინძურების მოკლევადიანმა ზემოქმედებამ შეიძლება ხანდაზმულ მამაკაცთა შემეცნებითი უნარი შეაფერხოს.

მკვლევრებმა აღმოაჩინეს, რომ საშუალოდ PM2.5–ის ზემოქმედება 28 დღის განმავლობაში, ასოცირდება, გლობალური კოგნიტური ფუნქციის შემცირებასთან (GCF) და მინი–მენტალური მდგომარეობის გამოცდასთან (MMSE).

სტატიაზე მუშაობდა : ლედი ბოჟაძე

წყარო : airqualitynews.com