გაერთიანებული სამეფოს საზოგადოება უარს ამბობს საზოგადოებაში მოწევაზე, ტრასნპორტის გამონაბოლქვი კი შედარებით მისაღები რჩება

ბრიტანელები „მოტონორმატიულობით“ იტანჯებიან, რაც გულისხმობს სატრანსპორტო საშუალების მართვასთან დაკავშირებული რისკებისა და ზიანის ინტეგრირებულ მიღებას,  მიუხედავად იმისა, რომ მსგავსი დონის საფრთხე არ არის მიღებული ყოფა-ცხოვრების სხვა ასპექტებში.

დასავლეთ ინგლისის უნივერსიტეტის, სუონსის უნივერსიტეტისა და ედინბურგის ნაპიერის უნივერსიტეტის მიერ ჩატარებული ახალი კვლევის შედეგები, რომლებიც პირველად The Guardian-ის მიერ გამოქვეყნდა, ცხადყოფს, რომ ფენომენი ფართოდ არის გავრცელებული და ეხება ყველაფერს, გაუმართავი სატრანსპორტო საშუალებებიდან და საგზაო შემთხვევებიდან დაწყებული, ჰაერის დაბინძურებამდე.

კვლევაში მონაწილეობა მიიღო 2000-მა ადამიანმა. თითოეულმა, შემთხვევითობის პრინციპით, მონიშნა ორი კითხვარიდან ერთი, რათა ავტომობილის მართვასთან დაკავშირებულ რისკებზე თავისი შეხედულებები დაეფიქსირებინა და თითქმის იდენტური მეორე შეკითხვა, რომელიც ცხოვრების უფრო ფართო საფრთხეებს ეხება. ერთმა მაგალითმა აჩვენა, რომ მონაწილეთა 75% ეთანხმება, რომ „ადამიანებმა არ უნდა მოწიონ მაღალდასახლებულ ადგილებში, სადაც სხვა ადამიანებს უწევთ სიგარეტის კვამლის სუნთქვა“, მაშინ, როცა მხოლოდ 17%-მა დაუჭირა მხარი განცხადებას: „ადამიანებმა არ უნდა მართონ მანქანა მაღალდასახლებულ ადგილებში, სადაც სხვა ადამიანებს მათი მანქანის გამონაბოლქვის სუნთქვა უწევთ.

„უაზროა იმის თქმა, რომ ადამიანებისთვის ტოქსიკური ჰაერის სუნთქვა პრობლემაა, როცა ეს სიგარეტიდან მოდის, მაგრამ ტოქსიკური ჰაერის სუნთქვა კარგია, როცა ის მანქანიდან მოდის“, – თქვა პროფესორმა იან უოკერმა, კვლევის წამყვანმა ავტორმა, სუონსის უნივერსიტეტიდან. ფუძემდებლური პრინციპი იგივეა, მაგრამ ადამიანები ჩვენს კვლევაში არ იყენებდნენ ერთსა და იმავე სტანდარტებს, როდესაც ისინი აფასებდნენ ორ რამეს.

”ეს უზარმაზარი განსხვავებები წარმოიშვა კითხვებში მხოლოდ ერთი ან ორი სიტყვის შეცვლით. დიდი ხანია არსებობს ეჭვი, რომ ადამიანებს შეუძლიათ გაუცნობიერებლად გადაიტანონ სხვადასხვა სტანდარტის გამოყენება, როდესაც ისინი ფიქრობენ ავტომობილის მართვაზე, რაც მათ ცდომილებამდე უბიძგებს, რომელიც ცნობილია როგორც “სპეციალური თხოვნა”, – განაგრძო მან. „ჩვენი კვლევა მიზნად ისახავდა ამ ფენომენის გამოვლენას და იმის ჩვენებას, თუ რამდენად მნიშვნელოვანი შეიძლება იყოს ეს ეფექტები.

“თუ თქვენ ოდესმე იცოდით სამყარო, სადაც მძღოლების მოთხოვნილებები პირველ ადგილზეა, დიდი შანსია, რომ დაიწყოთ იმის გაგება, რომ ეს არის „ნორმალური“ ან თუნდაც „სწორი“ გზა“, – დასძინა დოქტორმა ადრიან დევისმა. „ჩვენ ვნახეთ ამის მტკიცებულება აქ, როდესაც ჩვენ გამოვიყვანეთ ჩვენს გამოკითხვაში მხოლოდ ის ადამიანები, რომლებიც არ ატარებდნენ მანქანას, დავინახეთ, რომ ეს ადამიანებიც კი იყენებდნენ განსხვავებულ სტანდარტებს მართვის შესახებ კითხვების დროს. მათი პასუხები  მძღოლების ნათქვამს ეხმიანებოდა, რაც იმას ნიშნავს, რომ ეს არ არის მარტივი პირადი ინტერესი სამსახურში. ეს უნდა იყოს რაღაც უფრო ღრმა, ფესვგადგმული ჩვენს კულტურაში.”

სტატიაზე მუშაობდა : ალექსანდრე ფიფია და მარიამ ტატუაშვილი

წყარო : airqualitynews.com

24 თებერვალი 2023 წელი.