ევროპელების უმრავლესობა ემხრობა დაბინძურების წინააღმდეგ წესების გამკაცრებას
- მეორეული მანქანის შეძენის შემთხვევაშიც კი გამოკითხულთა 50%-მა თქვა, რომ ისინი მაინც მოითხოვენ, სატრანსპორტო საშუალებებმა მინიმალური დაბინძურების კანონიერი ლიმიტი დააკმაყოფილონ
- აპრილში ევროკავშირის კომისია აპირებს, შემოგვთავაზოს ახალი „ევრო 7“-ის წესები, რომელიც დააწესებს კანონიერ ლიმიტს ახალი ავტომობილებიდან გამოყოფილ ჰაერის დაბინძურებაზე
„YouGov”-ის გამოკითხვის მიხედვით, ადამიანების უმრავლესობა ემხრობა ევროკავშირის ჰაერის დაბინძურების წინააღმდეგ წესების გამკაცრებას ავტომწარმოებლებისთვის.
გამოკითხვამ, რომელიც სპეციალურად ტრანსპორტისა და გარემოს დაცვის კამპანიის ჯგუფის მიერ ჩატარდა, აჩვენა: 8,000 გამოკითხულიდან 76% შეთანხმდა, რომ მწარმოებლები კანონით ვალდებულნი უნდა იყვნენ, შეამცირონ ემისია ახალი მანქანებიდან იმდენად, რამდენადაც ამის განხორციელება ტექნიკურად შესაძლებელია.
მეორეული მანქანის შეძენის შემთხვევაშიც კი გამოკითხულთა 50%-მა თქვა, რომ ისინი მაინც მოითხოვენ, სატრანსპორტო საშუალებებმა მინიმალური დაბინძურების კანონიერი ლიმიტი დააკმაყოფილონ.
გამოკითხულ ადამიანთა სამ მეოთხედზე მეტი (77%) ასევე შეთანხმდა, რომ მანქანებმა უნდა დააკმაყოფილონ დაბინძურების კანონიერი ლიმიტი, მნიშვნელობა არა აქვს როგორ, როდის და სად მოძრაობენ ეს ავტომობილები.
აპრილში ევროკავშირის კომისია აპირებს, შემოგვთავაზოს ახალი „ევრო 7“-ის წესები, რომელიც დააწესებს კანონიერ ლიმიტს ახალი ავტომობილებიდან გამოყოფილ ჰაერის დაბინძურებაზე.
კომისიის თანახმად, ავტომობილებიდან დაბინძურების შემცირების ხარჯები ერთ მანქანაზე 100-დან 500 ევრომდე იმერყევებს.
გამოკითხულთა თითქმის ორმა მესამედმა (65%) თქვა, რომ ისინი მზად იქნებიან, დამატებით 500 ევრომდე გადაიხადონ ავტომანქანაში, რომელიც შეუწყობს ხელს ჰაერის დაბინძურების საგრძნობლად შემცირებას.
ფაბიან სპერკმა, “T&E”-ის სატრანსპორტო საშუალებების პოლიტიკის მენეჯერმა, განაცხადა: „საავტომობილო ინდუსტრია ირწმუნება, რომ ავტომობილების ემისიის შემცირება ძალიან ძვირია, მაშინ როდესაც რეალურად ბევრად ნაკლებ ხარჯთანაა დაკავშირებული, ვიდრე გადაღებვაა“.
„ხუთი წლის შუალედში დაბინძურების შემცირება, როდესაც მანქანების უმეტესობა ხანგრძლივად მოძრაობს, არის საფრთხე საზოგადოების ჯანმრთელობისთვის. ადამიანებს სურთ, იცოდნენ, რომ ემისია მოექცევა კანონის ფარგლებში, მიუხედავად იმისა, ისინი შეიძენენ თუ არა ახალ მანქანას. ეს კი ავტომწარმოებლებმა უნდა უზრუნველყონ“.
სტატიაზე მუშაობდა : ანუკი კვეკვესკირი
წყარო : airqualitynews.com