ეკოლოგიურად სუფთა ფლორისტიკა
ნათქვამია, რომ ბუნებაში სწორი ფორმები არ არსებობს. ზოგჯერ პატარა და ნატიფი, ხშირად გაშლილი და გადატვირთული. გარეთ ბუნება თავს იჩენს მთელი თავისი დაუმორჩილებლობით. საინტერესო ძირები, უჩვეულო ყლორტები, ასიმეტრიული ფორმები და უცნაური ფოთლების სტრუქტურები. თუ ამ ყველაფერს ჩვენი ყვავილების თაიგულებში ვხვდებით, ის ასახავს ჩვენს გარშემო არსებულ ლანდშაფტს. მიუხედავად იმისა, რომ ბუნება ზოგჯერ ფუჭია, მაინც აზრი აქვს მას პატივისცემით მოვეპყროთ, როდესაც ყვავილების კომპოზიციებს აკეთებთ. აუცილებელია გვახსოვდეს, რომ როდესაც აკეთებთ ეკოლოგიურ-ფლორისტულ ნაკეთობებს, ტოვებთ რაც შეიძლება მცირე ზომის ეკოლოგიურ კვალს.
განვიხილოთ ეკოლოგიურად სუფთა ფლორისტიკა რამდენიმე ასპექტში.
ეკოლოგიური ასპექტები
თუ თქვენ თვითონ არ მოაშენებთ ყვავილებს, ლოგიკურად იძულებული ხდებით, რომ მოახდინოთ სხვა ქვეყნიდან ყვავილების იმპორტი. დასავლეთის მაღაზიებში ნაყიდი ყვავილების 80% ნიდერლანდებიდან, კენიიდან, ეკვადორიდან, კოლუმბიიდან, ან ვიეტნამიდან მოდის. გამომდინარე იქიდან, რომ ამ ქვეყნებში მცენარეებისთვის უკეთესი პირობებია, როგორიცაა ტემპერატურა, წვიმა და ,,მზის საათების” მიღება დღის განმავლობაში, აყვავებულ საექსპორტო ბიზნესს სთავაზობს ზემოთ ჩამოთვლილ ქვეყნებს. მაგ: ვალენტინობის დღეს მხოლოდ აშშ–ში 10000 მილიონი იმპორტირებული ვარდისთვის 9000 ტონა CO2 გამოიყოფა. მეორეს მხრივ, კენიის სათბურები არ საჭიროებს ხელოვნურ განათებას, გათბობას, ან გაგრილებას. შედეგად, შედარებისთვის კენიიდან ვარდებმა ფრენის მარშრუტის მიუხედავად 6,034 კგ CO2 წარმოქმნეს, ხოლო ჰოლანდიურმა ვარდებმა – 37,110 კგ CO2.
შხამ- ქიმიკატები და მოწამლული წყალი
ყვავილების კულტივაცია პესტიციდების ერთ-ერთი უდიდესი მომხმარებელია. გამომდინარე იქიდან, რომ ყვავილები არ არის საკვები, მათი კანონიერი დაკვირვება არ ხდება. ,,ჯანმოს” მავნე პესტიციდების სიის თანახმად, კოლუმბიაში გამოიყენება 12, ხოლო ეთიოპიაში 120 პესტიციდი, რაც ჯანმრთელობის პრობლემებს უქმნის კულტურული ქვეყნის მუშებს და საფრთხის შემცველია წყლის თევზის მარაგისათვის. პესტიციდების 90% აორთქლდება ჰაერში და გადაადგილდება 1500 კმ-მდე.
პლასტმასის ნარჩენები
2017 წელს ავსტრალიამ ვალენტინობის დღისთვის 5,22 მილიონი ვარდი შემოიტანა. თაიგულების შესაფუთად გამოყენებული პლასტმასის ფურცლების რაოდენობა ძალიან მაღალია, მხოლოდ ვალენტინობის დღეს, ავსტრალიაში ვარდებისათვის გამოიყენეს 163 კმ პლასტიკური ფურცელი. ეს ნარჩენების უზარმაზარი რაოდენობაა! შეფუთვის დროს გამოყენებული ,,მცურავი ღრუბლით” გამოწვეული ზიანი, სავარაუდოდ, კიდევ უფრო მეტი იქნება. იგი გამოიყენება ყვავილების კომპოზიციებისთვის და მის შესანარჩუნებლად, რადგან წყლით არის გაჟღენთილი, ამის საშუალებით ყვავილები უფრო დიდხანს გამოიყურებიან ცოცხლად. წებოვანი ღრუბელი არ არის ბიოდეგრადირებადი, ის მხოლოდ პატარა პლასტმასის ნაწილებად იშლება. ეს არის მასალა, რომელიც მზადდება ზეთისგან კიბოს გამომწვევი ქიმიკატებით, როგორიცაა ფორმალდეჰიდი.
სოციალური ასპექტები
ექსპლუატაცია საწარმოო ჯაჭვში
კოლუმბიის ყოველი მეასე მკვიდრი მუშაობს ყვავილების ინდუსტრიაში. ქალები, რომლებსაც აქვთ ვადიანი კონტრაქტი 15 საათამდე დღეში, იღებენ დაახლოებით 26 ევროს კვირაში. კენიაში ყვავილების ინდუსტრიის მუშაკს კვირაში დაახლოებით 6 ევრო აქვს შემოსავალი, ფერმის მუშებისთვის კი, მინიმალური ხელფასი არის 1,20 ევრო დღეში, ხოლო ტანზანიაში 0,96 ევრო.
მომუშავეთა უმეტესობა არიან ძირითადად ქალები. ხშირად ფიქსირდება მათი მოწამვლა გამოყენებული შხამ-ქიმიკატების გამო, გამომდინარე აქედან, მათი ჯანმრთელობის მდგომარეობა სულ უფრო მძიმდება.
სტატიაზე მუშაობდა : მაია თავაძე და ვალერი გელოვანი
წყარო : https://inspiring-teatime.de/umweltfreundliche-floristik