დიდი ბრიტანეთის ბიუჯეტი გარემოს დასაცავად

• „გრინპისის“ ახალი ანგარიშის თანახმად ბრიტანეთი ყველაზე მცირე თანხებს ხარჯავს გარემოს დაცვაზე.

• ქვეყნის ჯამური ხარჯი 33 მილიარდ დოლარს შეადგენს და თითო ადამიანზე 494,43 დოლარს უტოლდება.

• კვლევის პროცესში 5 უდიდესი ეკონომიკის მქონე ევროპული ქვეყანა შეადარეს და გაერთიანებული სამეფო ყველა სფეროში მე-4 ან მე-5 ადგილზე იყო.

„გრინპისის“ ახალი ანგარიშის თანახმად, ევროპის 5 უდიდესი ეკონომიკის მქონე ქვეყნის გარემოსდაცვითი ხარჯების შედარებისას დიდი ბრიტანეთის შედეგები არადამაკმაყოფილებელი აღმოჩნდა.

„გრინპისმა“ გამოიკვლია ინვესტიციები მდგრადი ენერგიის მხარდაჭერისთვის დიდ ბრიტანეთში, გერმანიაში, საფრანგეთში, იტალიასა და ესპანეთში 2020 წლის აპრილიდან 2023 წლის აპრილამდე.

გამოკვლეულ სფეროებში ხარჯებს მიეკუთვნებოდა ენერგეტიკული ქსელები, ნახშირბადის დაბალი ემისიის ენერგეტიკა და ტრანსპორტი, საწვავეთან დაკავშირებული ტექნოლოგიური ინოვაციები, ენერგოეფექტური შენობები და საწარმოები.

დაბალი ემისიის ტექნოლოგიაში ინვესტიციების გამო იტალია უდიდესი მხარჯველი აღმოჩნდა. ჩამოთვლილი ქვეყნებიდან ყველაზე მცირე მოსახლეობის მქონე ქვეყანაში გარემოს დაცვაზე დახარჯული 111 მილიარდი გირვანქა სტერლინგი თითო სულზე 1081,84 დოლარს უტოლდება.

შედარებისთვის, დიდი ბრიტანეთის მიერ ჯამში დახარჯული 33 მილიარდი დოლარი თითო ადამიანზე 494,43 დოლარის ტოლია.

ესპანეთმა ენერგეტიკული ხაზების სექტორში 9 მილიარდი დოლარი დახარჯა, რაც იტალიის დანახარჯზე თითქმის ორჯერ მეტია. დიდი ბრიტანეთის ინვესტიციებზე ამ სფეროში ინფორმაცია არ არსებობს.

ენერგოეფექტური ნაგებობების სექტორში დიდი ბრიტანეთი ხუთიდან მეოთხე ადგილზე აღმოჩნდა. საწვავებთან დაკავშირებულ და ტექნოლოგიურ ინოვაციებში მან ყველაზე ცუდი შედეგი აჩვენა, ნახშირბადის დაბალი ემისიის ტრანსპორტში გაერთიანებული სამეფო უკანასკნელი აღმოჩნდა. ფაქტობრივად, ყველა შვიდ კატეგორიაში დიდი ბრიტანეთი იყო მე-4 ან მე-5 ადგილზე.

სტატიაზე მუშაობდა: გიორგი ქარქუზაშვილი, ლილიან მეტრეველი

წყარო: Airqualitynews.com

31 მაისი 2024 წელი