დახურულ სივრცეში CO2-ის როლი კოვიდ ინფექციის გავრცელებაში

ახალი კვლევის მიხედვით, რომელიც ჟურნალ ‘’Environmental Science and Technology Letters“-ში დაიბეჭდა,  ჩანს რომ  ნახშირბადის დიოქსიდი (CO2) გავლენას ახდენს დახურულ სივრცეში კოვიდ-19-ის გავრცელებაზე. თვეების განმავლობაში მიმდინარეობდა კვლევები რომელთა შედეგების მიხედვით CO2-ზე დაკვირვება იაფი და სანდო გზა აღმოჩნდა კოვიდ-19-ის გავრცელების რისკებზე დასაკვირვებლად.

მკვლევარებმა დაადგინეს, რომ თუ დახურულ სავარჯიშო დარბაზში CO2-ის კონცენტრაცია დაიკლებს 2800-დან 1000 ნაწილაკამდე ყოველ მილიონ ნაწილაკში (PPM), მაშინ კოვიდ-19-ის გავრცელების  რისკი დაიკლებს მეოთხედით. ბიბლიოთეკაში ხალხის რაოდენობის ზრდის პროპორციული CO2-ის გაზრდა 800-დან 1600 PPM-მდე კოვიდის გავრცელების რისკს გაასამმაგებს. გამოქვეყნებულ კვლევაში გაზიარებულია კონკრეტული მათემატიკური ფორმულები და ინსტრუმენტები, რითიც ჯანდაცვისა და შენობების სისტემების ექსპერტებმა შეძლეს არა ფარდობითი, არამედ რეალური რისკის გაზომვა. თუმცა მკვლევარებმა ასევე ხაზი გაუსვეს, რომ ჩვენ უნდა შევინარჩუნოთ CO2-ის დონე ყველგან თანაბრად.

კვლევის თანაავტორი ჰოსე-ლუის ჰიმენე ამბობს: „არასდროს იქნება სრულიად უსაფრთხო დახურულ სივრცეში სხვებთან ერთად ყოფნა, თუმცა რისკის შემცირება შესაძლებელია. CO2-ზე დაკვირვება ამ პროცესზე დაკვირვების ერთადერთი იაფი და პრაქტიკული გზაა. მნიშვნელოვანია გვესმოდეს, რომ CO2-ის კონცენტრაციის არც ერთ დონეზე არ შეიძლება ითქვას, რომ დახურული სივრცე სრულიად უსაფრთხოა. ეს გარკვეულწილად დამოკიდებულია აქტივობაზე, რითიც ხალხი არის დაკავებული დახურულ სივრცეში: ცეკვავენ, მღერიან, ვარჯიშობენ თუ სხედან და კითხულობენ ან ისვენებენ? 1000 PPM CO2 დახურულ სივრცეში (რაც თავის მხრივ აღემატება ღია ცის ქვეშ 400 PPM-ს) შეიძლება იყოს უფრო უსაფრთხო ბიბლიოთეკაში, სადაც ყველას ნიღაბი უკეთია, ვიდრე სპორტ-დარბაზში, სადაც ყველა ვარჯიშობს ნიღბის გარეშე. თუმცა რომელ დახურულ სივრცეშიც არ უნდა იყოთ, სადაც ნაკლებია CO2 – ნაკლებია ვირუსის გავრცელების რისკი.“

სტატიაზე მუშაობდა : შაკო ღლონტი და ნანუცა კიკნაძე

წყარო : airqualitynews.com