დაბინძურებული ჰაერის მავნე ზემოქმედება ზრდის Covid-19-ით დაინფიცირების რისკს
- ბარსელონაში კვლევა გამოქვეყნდა რომლის თანახმადაც NO2-ით და PM2.5-ით ჰაერის დაბინძურება ძლიერ ზრდის კორონავირუსიან პაციენტებში დაავადების გავრცელებისა და მძიმედ მიმდინარეობის რისკებს
- კვლევაში 9000-ზე მეტი ადამიანი მონაწილეობდა და მათგან 481-ს კოვიდი დაუდასტურდა
- განსაკუთრებული რისკის ქვეშ იმყოფებიან 60 წელს ზემოთ ადამიანები და სოციალ-ეკონომიკურად მძიმე პირობებში მცხოვრები მოსახლეობა
- დაბინძურებული ჰაერი ასევე ზრდის გულ-სისხლძარღვების სისტემის დაავადებების ჩამოყალიბებეის რისკებსაც, რაც თავისმხრივ ზრდის იმის ალბათობას რომ ასეთ ადამიანებს კორონავირუსის მძიმე ფორმა განუვითარდება
ბარსელონას გლობალური ჯანდაცვის ინსტიტუტის მიერ ჩატარებულმა ახალმა კვლევამ დაადასტურა რომ დაბინძურებული ჰაერის ხანგრძლივი ზემოქმედება კორონავირუსით დაინფიცირების რისკებს ზრდის.
კვლევაში 9000-ზე მეტი ადამიანი მონაწილეობდა და მათგან 481-ს კოვიდი დაიდასტურდა.
დაბინძურებული ჰაერის, განსაკუთრებით კი აზოტის მჟავასა (NO2) და მყარი ნაწილაკების (PM2.5) ზემოქმედება ხანგრძლივი პერიოდით ზრდიდა კოვიდით დაინფიციერებულ პაციენტებში დაავადების მძიმე მიმდინარეობის ალბათობას, რაც ჰოსპიტალიზაციითა და რეანიმაციაში პაციენტების მოხვედრით სრულდებოდა. ეს ადასტურებს რომ ჰაერის დაბინძურებასა და კორონავირუსის გავრცელებას შორის პირდაპირი კავშირი არსებობს.
Covid-19-სა და PM2.5 ნაწილაკების ზეგავლენა კიდევ უფრო შემაშფოთებლად დიდი იყო 60 წელს ზემოთ ადამიანებში და სოციალ-ეკონომიკურად მოუწესრიგებელი უბნების მაცხოვრებლებში.
„ჩვენი კვლევით მსოფლიოში ყველაზე დამაჯერებელი დამამტკიცებელი საბუთები წარვადგინეთ ჰაერის დაბინძურების კავშირზე Covid-19-თან“, განაცხადა ISGlobal-ის მეცნიერმა და კვლევის პირველმა ავტორმა, მანოლის კოგევინუსმა.
იგივე კავშირი იკვეთება სხვა რესპირატორული დაავადებების, მაგ. გრიპისა და პნევმონიის, შემთხვევაშიც. სწორედ დაბინძურებული ჰაერის ზემოქმედება იწვევდა პაციენტების მდგომარეობის დამძიმებას, რაც მათი ჰოსპიტალიზაციით მთავრდებოდა“.
„ჰაერის დაბინძურება აგრეთვე ზრდის გულ-სისხლძარღვების დაავადებების განვითარების რისკებსაც, რის შედეგადაც მატულობს კორონავირუსის მძიმე ფორმის განვითარების ალბათობა.“
მეცნიერები ასკვნიან რომ მათი კვლევა ადასტურებს, თუ რამდენად მნიშვნელოვანია მოსახლეობის ჯანმრთელობისთვის ჰაერის დაბინძურების დონის შემცირება და დიდ როლს თამაშობს ცუდი ეკოლოგია ინფექციური დაავადებების გავრცელებაში.
სტატიაზე მუშაობდა : ლილიან მეტრეველი
წყარო : airqualitynews.com