დაბინძურების საწინააღმდეგო ღონისძიებები მეხიკოში

მეხიკოს მთავრობას სურს, სხვადასხვა ტიპის ღონისძიებებით გააუმჯობესოს ჰაერის ხარისხი და ხელი შეუწყოს კლიმატის დაცვას. სხვა მნიშვნელოვან  საკითხებთან ერთად, ნაკლებად დამაბინძურებელი მანქანების შეძენა აუცილებლად უნდა წახალისდეს და მაქსიმალურად  შეიზღუდოს საგზაო მოძრაობა.

“ჩვენი მიზანია, ხუთი წლის განმავლობაში გამონაბოლქვით მიღებული ემისიების შემცირება 30 პროცენტით“ – განაცხადა მეხიკოს მერმა, კლაუდია შეინბაუმმა. ზომები ეტაპობრივად შევა ძალაში. ისინი გავლენას ახდენენ მეტროპოლიტის ზონაზე – დაახლოებით 22 მილიონი მცხოვრებით, ეს არის ყველაზე მჭიდროდ დასახლებული ქალაქი ჩრდილოეთ ამერიკაში.

სხვა საკითხებთან ერთად, მომავალში სატვირთო მანქანებს პიკის საათში აღარ ექნებათ გადაადგილების უფლება, პარასკევსა და შაბათ-კვირას კი – ქალაქის მთავრობის მანქანებს შეეზღუდებათ ქალაქში მოძრაობა. გარდა ამისა, იცვლება კერძო მანქანების დამაბინძურებლების ტესტირების წესები. ეს არ ეხება ელექტრო და ჰიბრიდულ მანქანებს. სხვა ტიპის მანქანების შემოწმება მოხდება ყოველ ექვს თვეში, ოთხი წლის განმავლობაში. ბოლოდროინდელ სტატისტიკის მიხედვით, მეხიკოს გზებზე, დაახლოებით 5 მილიონი მანქანა მოძრაობს.

მეხიკოში, ჰაერში მავნე ნაწილაკების რაოდენობა აჭარბებს ჯანდაცვის მსოფლიო ორგანიზაციის ზღვრულ ნორმებს. მაისში, ტყის ხანძრების შემდეგ, მიმდებარე რაიონებში, გარემოსდაცვის მხრივ, საგანგებო ვითარება გამოცხადდა. “ქალაქი აუზშია მოქცეული, ძალიან რთული და თითქმის შეუძლებელია გამონაბოლქვის და კვამლის მთლიანი გაწოვა“ –  განაცხადა  ქალაქის მერმა შეინბაუმმა,  რომელიც ერთ წელზე მეტი  მართავდა  ქალაქს, ის ასევე გარემოს მკვლევარია. შეინბაუმი იყო კლიმატის ცვლილების მთავრობათაშორისი კოლეგიის (IPCC) წევრი, რომელმაც 2007 წელს მიიღო ნობელისა პრემია კლიმატის ცვლილების წინააღმდეგ ბრძოლისთვის.

სტატიაზე მუშაობდა : მაია თავაძე და ანა კუხაშვილი

წყარო : https://www.bluewin.ch/de/news/international/massnahmen-gegen-verschmutzung-in-mexiko-338925.html