ჩრდილოეთ ამერიკელების 74% განიცდის „ჰაერის ხარისხის შფოთვას“
ახალი კვლევა აჩვენებს, რომ ამჟამად შეშფოთების მთავარი მიზეზია, თუ რას სუნთქავენ თანამშრომლები სამსახურებში – ჩრდილოეთ ამერიკელების 74% შფოთავს შიდა სივრცეებში არსებული ჰაერის ხარისხზე.
- აშშ-სა და კანადაში გამოკითხულ დასაქმებულთა 74% შფოთავს სამუშაო სივრცეებში არსებული ჰაერის ხარისხზე;
- პანდემიის შემდეგ მათი პრიორიტეტები გახდა ჯანმრთელობა, უსაფრთხოება და მწვანე გარემო;
- მათთვის ასევე მნიშვნელოვანია ფსიქიკური და ფიზიკური ჯანმრთელობა.
აშშ-სა და კანადაში ჩატარებული გამოკითხვის შედეგებმა გამოავლინა დასაქმებულთა შორის პრიორიტეტების ცვლილება: ხალხის აზრით, უპირველესია ფსიქიკური და ფიზიკური ჯანმრთელობა, სამუშაოსა და ცხოვრების ბალანსი, ჰიგიენა, სისუფთავე და მწვანე სივრცეზე ხელმისაწვდომობა.
საერთო ჯამში, რესპონდენტთა 74% გრძნობდა შფოთვას იმ შიდა სივრცეებში შესვლისას, სადაც ჰაერის ხარისხის პრობლემები არსებობდა; 70%-ს სჯეროდა, რომ მათი სამუშაო ადგილზე აუცილებელია ჰაერის ხარისხის გაუმჯობესება და 69% ამჩნევდა ჯანმრთელობისა და უსაფრთხოების სფეროში სახსრების ნაკლებობას. ამავდროულად, 39% მათ სამუშაო ადგილზე არსებული ჰაერის ხარისხს საშუალოდ, არასათანადოდ ან ცუდად მიიჩნევდა.
„რადგანაც ვაგრძელებთ ბრძოლას Covid-19-ის შედეგებთან, თანამშრომლები თანდათან უბრუნდებიან რა სამუშაო ადგილებსა და საყოველთაო საჯარო სივრცეებს, აშკარაა, რომ მათი პრიორიტეტები შეიცვალა ჯანმრთელობით, უსაფრთხოებითა და კეთილდღეობით“, – თქვა მეთ ჰიასმა, პროდუქტისა და ინოვაციების დირექტორმა ჭკვიანი სამუშაო სივრცის სპეციალისტ „ამბიუსიდან“, რომელმაც ეს კვლევა შეუკვეთა.
„ჩვენი კვლევის საფუძველზე, მონაცემები აჩვენებს, რომ ყველგან, ყველა სოციალური ფენის ადამიანებს სურთ დაბანდება უფრო ჭკვიანურ და ჯანსაღ სივრცეებში“, – განაგრძო მან. „მათ სურთ უკეთესი ხარისხის ჰაერი, მწვანე სივრცის უზრუნველყოფა და ფსიქიკური და ფიზიკური ჯანმრთელობის საყოველთაო მხარდაჭერა. ყველა ეს სფერო არსებითი იქნება ამჟამინდელი და მომავალი თანამშრომლებისთვის“.
სტატიაზე მუშაობდა : ალექსანდრე ფიფია და მეგი რუსია
წყარო : airqualitynews.com