“ჩემი ქალაქი მკლავს“ მოძრაობა, ბოლნისის რაიონის სოფელ გეთაში ჩავიდა
მოგეხსენებათ, რომ ორგანიზაცია „ჩემი ქალაქი მკლავს“ ახორციელებს ძალიან ბევრ სასარგებლო საქმიანობას. მისი ყოველი მოქმედება წარმოადგენს საფუძველს იმ სამომავლო გეგმისა, რომელიც ჩვენი დედაქალაქის და არამარტო დედაქალაქის ეკოლოგიის გამოსწორების საფუძველია. ერთ-ერთი მათ შორის განხორციელდა გუშინ, 21 მარტს.
ორგანიზაციის გუნდის წევრები ჩავიდნენ ბოლნისის მუნიციპალიტეტში, კერძოდ, სოფელ გეტაში (გულავერი)და ნახეს ის ადგილები, სადაც იგეგმება კუდსაცავის მშენებლობა. მოსახლეობასთან შეხვედრისას ცნობილი გახდა ის ფაქტი, რომ მათი დიდი ნაწილი და შეიძლება ითქვას უმეტესობა ეწინააღმდეგება მის მშენებლობას.
მიუხედავად იმისა, რომ დღევანდელ შეხვედრას გაცნობითი ხასიათი ჰქონდა, იგეგმება სამომავლოდ აქტივობა კუდსაცავის მშენებლობასთან მიმართებით და არა მხოლოდ ამ საკითხთან მიმართებით. ორგანიზაცია „ჩემი ქალაქი მკლავს“ ჩაერთვება მოსახლეობასთან ერთად სხვადასხვა აქტივობებში.
გარდა იმ ადგილების ნახვისა, სადაც კუდსაცავის მშენებლობა არის დაგეგმილი, „ჩემი ქალაქი მკლავს“-ისგუნდის წევრები მოსახლეობასთან ერთად ასევე დაესწრნენ ნოვრუზ ბაირამს.
როგორც უკვე აღვნიშნე, ბოლნისის მუნიციპალიტეტში მრავლად არის ეკოლოგიური პრობლემები და ორგანიზაცია „ჩემი ქალაქი მკლავს“ ეტაპობრივად დაეხმარება მოსახლეობას მათ მოგვარებაში.
სტატიაზე მუშაობდა : თაკო ყვავაძე