ბრაზილიის ამაზონში ტყის განადგურების მაჩვენებელმა ბოლო 15 წლის განმავლობაში უმაღლეს ნიშნულს მიაღწია

• ბრაზილიის კოსმოსური სააგენტოს, INPE-ის უახლესი მონაცემების მიხედვით, ბოლო 15 წლის განმავლობაში ბრაზილიის ამაზონის ტროპიკულმა ტყემ განადგურების ყველაზე მაღალ ნიშნულს მიაღწია.
• ბრაზილიის WWF-ს ხელმძღვანელმა – მაურუსიო ვოივოდიკმა (Mauricio Voivodic) Reuters-ს განუცხადა, რომ – „უახლესი მონაცემები ბრაზილიის ნამდვილ რეალობას ასახავს, რომლის დამალვასაც ბოლსონაროს (Bolsonaro) მთავრობა წარმოსახვითი დისკურსებითა და უცხოური ფულის გათეთრების მეშვეობით ცდილობს. რეალურად, ბოლსონაროს მთავრობამ ამაზონის ტყის განადგურების კურსი დააჩქარა.“
• Reuters-ი იტყობინება, რომ, INPE-ის უახლესი სატელიტური მონაცემების მიხედვით, 2020 წლის აგვისტოსა და 2021 წლის ივლისის შუალედში 5110 კვადრატული მილი ტყის საფარი განადგურდა, რაც წინა წლის მონაცემებს 22%-ით აღემატებოდა; ამასთანავე, 2006 წლის რეკორდულ მაჩვენებელზე მაღალი შედეგი დაფიქსირდა. საერთო ჯამში, დაკარგული ტერიტორიები ნიუ-იორკს თითქმის 17-ჯერ აღემატება.
• ამაზონის ადამიანისა და გარემოს ინსტიტუტის დამოუკიდებელი კვლევითი ჯგუფის (Imazon) მიერ ჩატარებულმა სხვადასხვა კვლევამ დაადგინა, რომ მწვანე საფარის შემცირება 2021 წლის პირველ 10 თვეში 2020 წლის პირველ 10 თვესთან შედარებით 33%-ით არის გაზრდილი.

ბრაზილიის კოსმოსური სააგენტოს, INPE-ის უახლესი მონაცემების მიხედვით, ბოლო 15 წლის განმავლობაში ბრაზილიის ამაზონის ტროპიკულმა ტყემ განადგურების ყველაზე მაღალ ნიშნულს მიაღწია.

მოცემული სტატისტიკა ეჭვქვეშ აყენებს ბრაზილიისადმი სანდოობას, მას შემდეგ, რაც მოცემული წლის [2021 წელი] კლიმატურ კონფერენციაზე COP26, ხელი მოაწერა დაპირებას, რომლის მიხედვითაც 2030 წლისთვის მწვანე საფარის განადგურება დასრულდება. ამის თაობაზე სამომავლო შეხვედრა 2028 წლისთვის ჩაინიშნა.

ბრაზილიის WWF-ს ხელმძღვანელმა – მაურუსიო ვოივოდიკმა (Mauricio Voivodic) Reuters-ს განუცხადა, რომ – „უახლესი მონაცემები ბრაზილიის ნამდვილ რეალობას ასახავს, რომლის დამალვასაც ბოლსონაროს (Bolsonaro) მთავრობა წარმოსახვითი დისკურსებითა და უცხოური ფულის გათეთრების მეშვეობით ცდილობს. რეალურად, ბოლსონაროს მთავრობამ ამაზონის ტყის განადგურების კურსი დააჩქარა.“

ულტრამემარჯვენე ფრთის წარმომადგენელმა, პრეზიდენტმა – ჟაირ ბოლსონარომ (Jair Bolsonaro) 2018 წელს ხელისუფლებაში მოსვლისთანავე პირობა დადო, რომ ამაზონის ტროპიკული ტყეების განვითარება მისთვის პრიორიტეტული საკითხი იქნებოდა. თუმცა, BBC News-ის უწყებით დადებული პირობის მიუხედავად, ამაზონის მწვანე საფარი სოფლის მეურნეობისა და სასარგებლო წიაღისეულის მოპოვების გამო შემცირდა.

Reuters-ი იტყობინება, რომ, INPE-ის უახლესი სატელიტური მონაცემების მიხედვით, 2020 წლის აგვისტოსა და 2021 წლის ივლისის შუალედში 5110 კვადრატული მილი ტყის საფარი განადგურდა, რაც წინა წლის მონაცემებს 22%-ით აღემატებოდა; ამასთანავე, 2006 წლის რეკორდულ მაჩვენებელზე მაღალი შედეგი დაფიქსირდა. საერთო ჯამში, დაკარგული ტერიტორიები ნიუ-იორკს თითქმის 17-ჯერ აღემატება.

როგორც CNN იტყობინება მოცემული სიახლე მომავალ დღეს გავრცელდა, მას შემდეგ, რაც ამაზონის ადამიანისა და გარემოს ინსტიტუტის დამოუკიდებელი კვლევითი ჯგუფის (Imazon) მიერ ჩატარებულმა სხვადასხვა კვლევამ დაადგინა, რომ მწვანე საფარის შემცირება 2021 წლის პირველ 10 თვეში 2020 წლის პირველ 10 თვესთან შედარებით 33%-ით არის გაზრდილი.

COP26-ის შემდგომ კოსმიური სააგენტოს მიერ გამოქვეყნებული მონაცემები დამატებით ეჭვს ბადებს იმის თაობაზე, თუ როგორ წარსდგა ბრაზილია კონფერენციაზე. ახალი მონაცემები 27 ოქტომბრის დღითაა დათარიღებული, რაც მიუთითებს, რომ 12 ოქტომბერს, ანუ კონფერენციის დასრულებამდე გრძელდებოდა, შესაბამისად მონაცემები არაზუსტია – იტყობინება CNN-ი. თუმცა, სამიტის დროს ბრაზილიის მთავრობამ გააზიარა მონაცემები, რომლებიც ტყის საფარის უმნიშვნელო შემცირებაზე მიუთითებს.

„მთავრობამ იცოდა ამაზონის ტყის გაჩეხვის მონაცემები, თუმცა ფაქტები დამალა და ისე  წარსდგა COP26-ზე.“ განაცხადა ბრაზილიის ადვოკატთა ჯგუფმა Climate Observatory-მ Reuters-თან საუბრისას.

გარემოს დაცვის მინისტრმა ხოაკიმ ლეიტმა (Joaquim Leite) BBC News-ს განუცხადა, რომ ანგარიში სრულად არ ასახავს ბოლო რამდენიმე თვის მონაცემებს, თუმცა ეს ციფრები „გამოწვევა“ იყო.

CNN აღნიშნავს, რომ, ამაზონის მსგავსი ტყეები ნახშირორჟანგის მნიშვნელოვან წყაროს წარმოადგენს, თუმცა, როდესაც მწვანე საფარის რესურსი მცირდება, ნახშირბადის გამოიყოფა იწყება. ტყეზე ადამიანთა საქმიანობით გამოწვეული ზეწოლის გამო, ამაზონმა იმაზე მეტი ნახშირორჟანგის გამოყოფა დაიწყო, ვიდრე შთანთქვა. საერთო ჯამში, ტყეების რესურსის განადგურება გლობალური გამონაბოლქვის დაახლოებით 10%-ს შეადგენს.

ბოლსონაროს რეჟიმი ცდილობს თავის დაცვას ამაზონის ტროპიკული ტყის თაობაზე მათ მიმართ გამოთქმული კრიტიკისგან, განსაკუთრებით მას შემდეგ, რაც 2019 წელს დამანგრეველმა ტყის ხანძრებმა საერთაშორისო ყურადღება მიიპყრო. ამ კვირაში ბოლსონარომ დუბაიში ინვესტორებს განუცხადა, რომ მისი პოლიტიკის ასახვა იყო „უსამართლო“ და რომ ტყის 90% ჯერ კიდევ შემონახულია, იტყობინება კეტი უოტსონი (Katy Watson) BBC News-ისთვის.

ახალი მონაცემები კიდევ უფრო ეჭვქვეშ აყენებს მის სანდოობას.

“მსგავსი ციფრებით, ვინ დაუჯერებს ჟაირ ბოლსონაროს?” განაცხადა უოტსონმა.

სტატიაზე მუშაობდა : ლიზი უგულავა

წყარო : www.ecowatch.com